أضافه وحذف الإختبار البديل !!

[عالم نفس]

سلاااااااااااام

أنا عندي اختبار بديل مادة انجليزي 101 .. ومسجله لي at يعني اختبار بديل الحمدالله

لكن سؤالي المفصلي .. هل لازم أضيفها بجدولي ؟ ولا لا

مع العلم انها مسجلها في كشف الدرجات at .. بس محتار هل أضيف الماده في جدولي الدراسي الحالي ولا لا .. أخاف ما أضيفها واذا جيت أختبر اختبار فصلي مع الطلاب .. يقولون وقف ترى لي مع الانجليزي ميعاد بيني وبين الانجليزي حروب ومعارك


تكفون أفيدوا تساؤلي .. بيفيد اخوان كثير مثلي .. اتمنى بـ أسرع وقت قبل ماتنتهي الحذف والاضافه

[عالم نفس]

* الجديد في الموضوع

دخلت موقع القبول والتسجيل وتأكدت من أنتهاء ايقونة الحذف والاضافه واكتشتفت انها تنتهي بكره بتاريخ 13/01/1430 هـ .. وسويت خطوه مستعجله وسريعه وصارمه وأتخذت قرار أضافتها مع الجدول الدراسي والحمدالله تمت اصافتها بقوه ومتانه وصبر وتأني :)

لكن الى الآن فضولي وتساؤلاتي ومكنونات صدري تبي تعرف حقيقة الموقف .. هل اللي عنده اختبار بديل يجب أن يضيف الماده الى جدوله الدراسي .. لانها تكون غير مضافه !!!

تكفون بأسرع وقت ممكن .. انا قدرت أضيفها اليوم الحمدالله قبل ماتنتهي الحذف والاضافه ويمكن غيري يكون ناسي الموضوع .. يمكن احد يستفيد قبل مايطيح الفأس بالراس :(

[ابورحاب]

اخي العزيزاحذفها من جدولك واضف اي ماده اخرى غيرها وبعد نزول جدول الاختبار انظر في موعدها وادخل الاختبار عادي واختبر واكتب على ورقة الاجابه اختبار بديل وخذ العلم من مجرب وخبره وتقبل مروري

[عالم نفس]

مافهمت يابطل

أنا مابي اضيف أي ماده ثانيه

وهل فيه فرق اذا كانت الماده مضافه بالجدول او لا اذا كانت مادة اختبار بديل ؟

وليش أحذفها اذا انا قادر أضيفها من أساس

ضيعتني اكثر الله يهديك ههههههههه

[ابورحاب]

اولا اعرف قم ساعه تستحق الترم هذا فاذا تستحق 18ساعه مثلا اضفها كلها بدون الاختبار البديل ليصبح لديك 21ساعه وحرا م تضيع 3ساعات ومن الطبيعي تجد هذه الماده في الحذف والاضافه وللتاكيد ارسل معامله عن طريق المعاملات الالكترونيه تفيدهم بوجود اختبار بديل هل تضيفها في الجدول او لا وياتيك الد في رررررربع ساعه على الاقل أرجوا اني ماكون ضيعتك علما بان لدي مادتين هالترم اختبار بديل يابطل

[عالم نفس]

ماقصرت ومشكور .. وقدمت معامله وبشوف ردهم وراح أقولكم وش يصير لعموم الفايده

[العلم والعالم]

يا ليت والله يردون عليك و تقولنا وش قالو لك لأني صراحة ما ودي أقولك شي ماني متأكد منه

[عالم نفس]

العلم والعالم .. لايهمك

أول مايردون علي راح أنزل رد المسئول المختص بالضبط هنا ..

على العموم .. انا مابعد اتخصص وحطيت على المواد اللي ابي أضيفها وأكتشفت عندي مجموعة مواد حره + أنجلش 101 .. لذلك أتوقع أن أضافتها لابد منها .. وتُـعامل معاملة المواد الموجوده بالخطه اذا تبي تضيفها حياك الله واذا ماتبي مصيرك تختبرها يوما ما :) >> هذا تحليلي البسيط ههههههه

لكن انا عندي سؤال بشيء عجزت افهمه واعرفه .. الحين حنا كـ منتسبين وش نستفيد من الشعب وتعارضها مع بعض

لاني اشوف مواضيع كثيره من الاخوان يشتكون من تعارض بعض المواد بشعبها مع مواد أخرى

ودي أحد يفيدني ويزيد معرفتي بـ الامور الجامعيه .. أعذروا جهلي .. والمعرفه نور وانا أحب النور :) كخخخخخ >> لاتولع النور خلي نورنا طافي كخخخخخ

[عالم نفس]

مثل ماقلت سابقا سويت معامله أستفسر عن إضافة الإختبار البديل وكان سؤالي بالمعامله كـ التالي :-

هل اضافة مادة " الاختبار البديل " الى جدولي الدراسي أمر ضروري لكي اختبرها مع الاختبارات الفصليه ؟

وأنتظرت تقريبا يومين لحد ماجاءني الفرج وكان جواب المسئول المختص على سؤالي كـ التالي :-

عزيزي الطالب ليس من الضروري ان تكون مادة الاختبار البديل ضمن جدولك الدراسي ولكن يجب حضور الاختبار الخاصة بالمادة في موعد اختبارها. وعليه فقد تم حذف المادة من جدولك الدراسي ويمكنك مراجعة الشؤون التعليمية لمعلومات اكثر

[العلم والعالم]

فائدة الشعب هي عبارة عن ضبط للجداول بدون الشعب لا تستطيع الجامعة ضبط جداول المنتسبين

حيث أن لكل شعبة دكتور معين ولكل شعب عدد معين من الطلاب


ففي حالة إضافة مادة وحصل عندك تعارض فمعني ذلك إنه تعارض في جدول الأختبارات النهائي ولن يقبل النظام الإضافة