اصداء اختبار التحليل كمي 204

[ملك الكلمه]

السلام عليكم ورحمة الله وبركاته

كيف الاختبار......

انا كان عندي نموذج أ لكن الشباب جنبي عندهم طبعا نموذج ب الورقه الهلاليه ( الزرقا) وانا عند السياره ها الا والقى واحد يقولي وش نموذجك على طول قلت له أ على بالي عنده واسطه ويمكن ينفع على نياتي .
المهم قال الدكتور على حسين كدح جا عندهم وقال في غلط عدد فقرتين في النموذج وقال اتركوها واحنا بعدين نحسبها طبعا الفهيم يفهم . انتهى
وانا راجع للبيت افكر واقول وش حظي هذا يعني لو كنت نموذج الورقه الزرقا مو كان كسبت 6 درجات وبعد تفكير وتفكير عرفت شي مهم وهو الازرق دائما معه وساطه ويكسب ......
ابوك يالهلال حتى الجامعه تبي تكرهنا فيها زي الكورة حسبي الله ونعم الوكيل فيك
على فكره الموضوع حقيقة بس التشبيه للطرافه بس
نبغى اصداء الاختبار شباب
ودمتم

[D&G]

اي ياخوي هذا الهلال ماحد قدهـ
خلك هلالي تمشي امورك تمام

عموما الاسئلة صعبه ومعقدة جدا

[ول ول]

انت بشر كيف الاختبار
انا حليت الرسمة وتوابعها<<حلوة توبعها
مصفوفة ليونتيف والمصفوفات ومسألتين من الاستثمار
لكن غرزت بالباقي اسئلة غير مباشرة اللي جمعته من الدرجات تقريبا 34 من 100 باقي 20 فقره 10 منها حقرا بقرا
وعشر اكيد خطأ يعني النجاااح ولا غيره
نموذجي أ
ياكرهي للرياضيات لسبب مدرسيها يتفلسفون واحس انهم يكتبون الاسئلة بدون مايرجعون للكتاب!!
الله لا يحرمنا من الهلال بس ويبعد عنا الرياضيات

[عاشق نفل]

مذاااكر كويس
وجايب مدرس
وسهرااااااااااااااااااااااااان


واخرتها 13 فقره بس اللي حليتها والباقي جالس اقشر بصلللللللل

والله الاسئله تعجيزيه

[ابوهمس]

بالنسبه لي انا نموذجي ((ب)) لكن الكلام اللي انت قلته غير صحيح لان الدكتور جاء وغير الارقام اللي فالفقرتين بارقام جديده على السبوره وقال جاوبوا عليها انت على بالك بيتصدقوا على احد هاذولي اذا مااخذوا منك واالا مايعطوك شي وبعدين على طاري الهلال يمكن انا اللي خربت عليهم لاني انا نصراوي وانت اكيد تعرف حظ النصر .

[البدر_15]

ماقال اتروكها ونحسبها لكم ..

بالعكس عدلها وكتبها على السبورة وقال حلوها وراح تحسب .. انا نموذج ب


يا هلال ياموج البحر وش سويت ..!!

[fna]

والله ياخالي الاختبار فيه شي من الصعوبه وفيها اشياء سهله

يعني الشي السهل مثل الرقم اللي حاطه وحاط فوقه اس ويقول كم يساوي ؟ هذا هديه

[هبوب الشمال]

من الصعوووبه ضيعت حتى بالسهل

الدكتووور لقيناه بعد الاختبار ويقووول ان شاء الله يساعدنا

ان شاء الله نعدي

[ول ول]

اخوي فنا انت لا تركز على الهدايا
ركز على اللكمات الخطافيه اللي جات بعد كل سؤال عشان تعرف ان شرط التوازن مابين السهل والصعب هو ان الهدايا =عدد اللكمات اس سبلكس خلفي في بعضها(كسرالظهر)
فهديه واحده من 32 فقره لا تسمى هديه بل استفزاز لان اللي ذاكر او ماذاكر سوا وهنا المشكلة

[ايجابي]

الكتاب اكثر من 500 صفحة والأسئلة 32 سؤال والله قهر

ما أقول الا الله يستر علينا من النتايج