بنات اقتصاد منزلي فيه جدوال اتغيرت اتاكدو من جداولكم...

[chocolata]

السلام عليكم

احب اقولكم انه فيه جدوال لبنات اقتصاد منزلي اتغيرت من غير مايقولو للبنات ..

وحدة من صحباتي بعد مابدأت الدراسة غيرو جدولها من غير مايقولولها وهيا بالصدفة دخلت على جدولها ولقته متغير تماما لمن راحت وراجعت قالولها مو انتي لوحدك..كثير اتغيرت جداولهم انتي بلغي زميلاتك.. وعذرها كان انها مهي ماشية على الخطة وكثير مو ماشيين على الخطة

يعني مو حرام كده اللي مايجي في بالها تدخل وتشوف جدولها اللي ماعندها نت اللي عندها اي ظرف كيف يغيرو الجدول من غير مايتكلمو ولا يعلنو يعني لو صحبتي هذي مادخلت وشافت جدولها بالصدفة ايش كان صار؟؟؟

كانت دوامت في مواد غير وشعب غير واخر الترم تختبر والمواد تنزلها ب F ولمن قالت للمسئوولة يعني انا حقول لكل الجامعة قالتلها قولي للزميلاتك والخبر حينتشر..

ولمن قالتلها انا حامل ومااقدر على الجدول هذا قالتلها صحباتك الثانين مو احسن منك البنت كل يوم تطلع الساعة 2 بجد حرام..

فيعني حتى اللي مو من اقتصاد منزلي من اي كلية ثانية يدخل ويشوف الجدول ويتأكد..

الله يستررررر..

وسلامتكم..

[خالد]

أهلاً اختي chocolata

الصراحة شيء غريب مو ممكن يغيروا الجداول من دون أعلام الطالبات قد يكون هناك تعارض
أنصح الطالبة أنها ماتسكت يمكن تلاقي جواب أو تدخل مباشر من رئيسة القسم أو المرشدة الأكاديمية
ولا يمكن تغير موعد محاظرة بعد نزول الجداول إلا بموافقة الطلاب

والله يعينهم
تحياتي

[chocolata]

اوك انا شوية وحنزل نسخة من جدول البنت واوريك متى تاريخ تغيير المواد وهيا اتفاجأت لمن شافت التغيير وكل اللي قالته المسئوولة انه مو انتي لوحدك ومارضيت ترجع جدولها زي ماكان ايش ممكن تسوي الطالبة والمسئوولة مهي راضية تسوي اي شي ممكن يساعدها..

واذا مامداني اليوم بكرة بس حنزل نسخة من الجدول وتشوفو تاريخ التغيير..

وسلامتكم..

[chocolata]

واهو هو ده الجدول شوف التاريخ وحدة مادة بس سابوها زي ماهيا اللي هيا يوم 17 والباقي كلها اتغيرت...

؟؟؟؟؟؟؟؟؟؟؟

[خالد]

مر على بداية الفصل الدراسي أسبوعين
وعلى بداية التعديل من الجامعة ثلاث اسابيع
وانتهى التعديل من خلال الجامعة وهي آخر فرصة يوم الأثنين الفائت
الصراحة يا شوكلا هذا شي ماينسكت عليه
من هذه المسئولة علشان تغير جدول بنت دون أعلامها
لو كان اللي صار في قسم الطلاب كان أستطعت أرشاده بطريقة سليمة
هناك مرشد أكاديمي لكل قسم يستطيع من خلاله التحكم بالجدول ويظهر في لوحة التحكم الخاصة به كل العمليات اللي صارت على الجدول مع المنفذ
وهناك رئيس القسم يستطيع التدخل فقط بورقة موجه إلى الشؤون التعليمة أو من خلال جهازة الخاص
وأكبر منهم عميد الكلية
وأكبر منه وكيل العمادة , مسجل الكليات

قالته المسئوولة انه مو انتي لوحدك ومارضيت ترجع جدولها زي ماكان ايش ممكن تسوي الطالبة والمسئوولة مهي راضية تسوي اي شي ممكن يساعدها..

ماهو المنصب اللي مع المسئولة

يمكنني غداً محاولت البحث عن المسئول في قسمكم

وتحياتي

[chocolata]

يعني حتى لو بحثت ايش ممكن يصير الجدول اتغير ومو بس لها..

لبنات كثير وفيه بنات كثير مايعرفو بكده

كمان حاجة اليوم كلمتني صحبتي وقالتلي تبغى تقدم اعتذار عن السمستر ده بس مهي عارفة متى المفروض تقدم؟؟؟

وانا كمان ماني عارفة متى المفروض يتقدم الاعتذار فاذا اي احد عنده فكرة عن الموعد ممكن يقولي؟؟؟

ومشكوووووووورين..

الله يعين الجميع..