لمن له الخبره في الحذف و الاضافه

[بهاء]

بسم الله الرحمن الرحيم


انت عارفين ان اليومالحذف و الاضافه و المبتدئين الي زي يروحوا فيها هههه

حبيت تساعدوني في مشكلتين مرة
اول شيئ اضفت اساليب الكتابه العلميه و بهبل رجعت حذفتها ومن ساعتها ما اد طلعت لي
هل ممكن القها وقت تاني ؟

البرمجه ما تطلع لي لها اي شعب
مع اني دخلت الشعب ولقيت كلها لونها ازرق

حطيت صور لتوضيح الازمه

بليززز تساعدوني لاني اكتئبت خلاص هههههه

[عاشق البرمجة]

ايه تقدرين تضيفيها مرة ثانية بس على حسب المتوفر

احيانا السيستم يكون مو رايق لأنه الشاهي مسود شوي فما يطلع لك الشعب بدقة فحاولي بين كل وقت و وقت

بالتوفيق

[بهاء]

هههههه
يسلم لي المرووق
بجد محتاجه مرور زي كذا عموما انا قفلت الاوديس على الي انت شايفه فوق
و جالسه العب كانسه انغام على المسن مع صحبتي

ههههه
خلاص طفشت

[ღPink Angelღ]

//
الاحصاء Stat

مااااه شعب وهذااني أحاول وبحاااااول

/
/
/

بالتوفييق للجميع

[بهاء]

^^^^
^^

و اتاشي مو

كلنا بنحاول الله يعين

وربنا يوفقنا يا رب ان صراحه ما عاد تهمني الشعبه و لا الوقت اهم شيئ تطلع

[ღPink Angelღ]

/
/

بسأل سؤال ذحين لو ماطلعت الشعبه وماأخذت الماااده

وش يصير ؟!

أحس أني مكبره الدنيا وبفجرها بس مدري ليييش؟!

[بهاء]

لا تشيلي هم يا قلبي مو يقلك في يوم السبت تقدري تضيفي كمان
و لسه الحذف والاضافه ما خلصت و الكل حايس زينا و كم مره حذفت ماده بالغلط خخخخ
مشي حالك
ما راح يختفي شيئ و اكيد في حل

[Master-Anime]

الحذف والاضافة زي الاسهم

يعني كل واحد وحظه

كمان يمكن المواد التي تريدها الان غير متوفرة

لكن بعد ساعات تجدها متوفرة

لذا الصبر طيب

[الرشيد]

عندي ثلاث مواد نفس المشكله
وهي اللي باقيه لي بالجامعه ولا تطلع لها شعب

[rocker]

ادخلي بين كل فتره وفتره وان شاللله يمديكي تصلحي غلطتك
انا مشكلتي اني اضفت مادة cpit 221 بس لسه موجوده من ضمن قائمة [المواد المتاحة للطالب]
علما اني كل ماضيف ماده تروح من قائمة المواد المتاحة للطالب ،، ماعدا مادة CPIT 221 !!
هل معناته انو لازم اضيفها مرره ثانيه ؟؟ (وهي اساسا موجودة في الجدول)
ياليته الي عندو فكره يقوولي اش اسوي ؟

وفي مااده كمان ماالقيت لها شعب :(
الي هي مادة الحوسبه [Cpit 201]
والله ودي اضيف كل الخمسه الموااد لكن شكلو مالي نصيب في مادة الحووسبه :( :(

بليز الي عندوو فكره عن مشكلتي يقوووووليي ..