اللي قد اخذت قراءات اداريه ارجو انها تجاوبني

[H fun girl H]

السلام عليكم
كيفكم صبايا ان شالله بخير

اتوقع انو مو بس انا اكيد غيري كمان محتاج يعرف
الماده شويا تخلخبط يعني اوك التعاريف ناخد منها كلمه هيا المفتاح ع قولة التيتشر نرفانا والتعاريف يمشي حالها اذا كذا
لكن اللي محتاره فيه التعدادات هادي كيف ممكن تجي عليها الاسئله لانو في تعدادات كثيره!!!!

لما بحثت عن طريقه الاسئله لقيت دا الكلام كتير::
.......................................
- قطعة وعليها أسئله
2- كلمات e وكلمات عربي وانتي حتوصلي بينهم يعني لازم تكوني فاهمه تمام وعارفه الترجمه
3- الحرف الناقص وهذا أسهل شئ لأن الكلمات اللي حتجي حتكون اجابتها بين الأسئله
4- صح وخطأ وخاصه للتعاريف خذي الكلمة الواضحه في التعريف واعرفي انو دي الكمة تدل على التعريف الفلاني
هذه طريقة الأسئلة كما ذكرت نرفانا بالتحديد

................................................

يعني اذا انا اعتمدت على دا الكلام عن نفسي مارح اذاكر الا التعارف وححفظ معاني الكلمات
بس مو داخل مزاجي الكلام لانو احس اهممل كثير زي التعداد المقارنه صراحه محتاره مرره وابغى ابدا فيها مدري ابدا من فين!!!!!!!
وانا ماسالت الا لاني ماابغى اطلع من الماده وخلاص صراحه ابغى اجيب درجه حلوه فيها
يعني انا مو مره فاشله بالانجلش يمشي حالي بس انوو التيتشر الله يهديها ماوضحت شيي اللي وضحتو عالاخير وعالسريع حكايه مفتاح لكل تعريف يعني ماجات ناحيه التعدادات والمقارنات ولاشي !!

اتمنى فهمتو عليا
واتمن الاقي اجابه او رد
ويعطيكم العافيه اي نوو مارح تقصرو ان شالله

[H fun girl H]

اب

...............................

[سوما الحربي]

مافهمت عليك في الحرف الناقص كيف راح يجي

وبنسبه التعداد عني انا اخذت كلمه مفتاح زي التعاريف

[فراشة جدة]

انا درست عند نرفانا قبل كده
كل شي بالملزمة مهم ورح يجي بالاختبار
فذاكري كل الملزمة لاتهملي اي شيء ،، تعداد وتعاريف اي شي كله ذاكريه
وطالما كل شي مترجم رح يكون سهل عليكي بالمذاكرة
والاستاذة اسئلتها جدا سهلة وواضحة لانه هي كانت تقلنا انا عارفة اغلبكم مو شاطر بالانجلش

بالتوفيق ^^

[بنوووته كيوت]

شلون يعني مفتاح لكل كلمة أنا ماحضرت ولا محاضرة ولاني فاهمة الله يوفقكم فهموني

[H fun girl H]

فراشه جده
تسلمي حبيبتي ودا اللي حسويه
حذاكرو كلو الله يعين

بنوته كيوت
مفتاح يعني عندك مثلا التعاريف كلها رصيها قدامك وكل تعرف خدي منو كلمه او جمله بحيث لو جاكي التعريف تعرفي من المفتاح دا (الكلمه او الجمله اللي حفظتيها) هيا تبع اي تعريف
اتمنى فهمتي عليا