كيف الطريقة يا حبايب..الكيميا الحيوية

[دافئ الإحساس]

مممممممممم

السلام عليكم

انا ابا اعرف حل فقط من ذوي الخبرة والمفهومية

انا موضوعي هوا

انو ابا اغلق في 3 سنوات ونص فقط

مابا اغلق في 4 سنوات وماعندي مشاكل لو غلقت في 4 سنوات

لكن ابا اعرف الطريقة السهلا والحلوة انو كيف اغلق المواد اللي عندي كلها

خلال 3 سنوات ونص

.............

التحضيري وانتهيت منو ولله الحمد

اول سنة في التخصص في الترم الاول حطيت 14 ساعه

وبعدو في الترم التاني حطيت 16 ساعه

انتهى .....

جا الصيفي

فسجلت الصيفي 8 ساعات

انتهى .....

ودحين جينا في الترم دا

انا حطيت في الترم دا 17 ساعه الحمدلله

...........

حقلكم اش المواد اللي اخدتها

مواد التحضيري وعارفينها طبعا

عربي 1

معمل احياء عامة

امن وسلامة

كيميا حيوية

كيميا عامة 202

معمل كيميا عامة

هادي في الترم الاول من السنة التانية

........

عربي 2

احياء 202

ايض1

مدخل الى وسائل الاعلام

ثقافة 1

هادي في الترم التاني من السنة التانية

.............

احياء دقيقة

انزيمات

ثقافه 2

هادا في الصيفي

...........

ايض2

كيميا حيوية التغذية

كيميا المناعه

الراي العام

مدخل الى علم الاجتماع

ثقافه 3

هادا في الترم دا

.........

ع فكرة الساعات المكتسبة عندي حاليا

65

فياريت تقولولي ازا يمديني اغلق في 3 سنوات ونص او لا

وكيف الطريقة

وازا قدرتو بالمواد اوك وازا لا يكفيني رايكم البسيط عن الموضوع

........

الله يوفق الجميع لما يحب ويرضى

[آحتآجك]

ان شاء الله احد يقدر يساعدك اكثر مني

[دافئ الإحساس]

مشكورة ع المرور

[بيو كيميائية ^_^]

ماراح تقدر أنت مو مخلص مواد كثيرة وماخذ مواد حرة كثير

بس لسه باقي لكـ كيمياء عضوي وبيولجي خلية وطاقة وتحليلي وغير عضوي وفيزيائية وتنظيمـ أيض وطبية وجزيئية وتدريب وبحث ومواد إختيارية 18 ساعة وأنت توكـ بس ماخذ مادة وثقافات

يعني مستحيل في ثلاث سنوات ونص

وأنت تقدر تتخرج السنة الجاية بس قبل لا

[دافئ الإحساس]

المشاركة الأصلية كتبت بواسطة بيو كيميائية ^_^ ماراح تقدر أنت مو مخلص مواد كثيرة وماخذ مواد حرة كثير بس لسه باقي لكـ كيمياء عضوي وبيولجي خلية وطاقة وتحليلي وغير عضوي وفيزيائية وتنظيمـ أيض وطبية وجزيئية وتدريب وبحث ومواد إختيارية 18 ساعة وأنت توكـ بس ماخذ مادة وثقافات يعني مستحيل في ثلاث سنوات ونص وأنت تقدر تتخرج السنة الجاية بس قبل لا

اهااااا

تسلمي بيوو

والله بس شيلتيني هممممممم مرررره

وبالعنيا دا الترم ما اخدت لا الكيميا العضوية ولا البيولجي

مني طايق دولا المادتين مره

قريت كده المواد اللي كتبتيها حسيت هم ماينزاح الا بالقوووة

بس جزاكي الله خير ع المعلومات اللي اديتيني هيا

طيب يعني مررره مررره ما يمديني ؟!

[DNA..~]

أخوي الصغير << عشان أنا الحين حأتخرج إن شاء الله و سرت عجوزه خخخخ

أول شيء اسأل نفسك، ايش هي الغايه اللي تبغى توصل لها و تخليك تخلص في 3 سنوات ونص؟!

ليه مستعجل على التخرج؟!

انا المفروض اني الترم اللي راح متخرجه، لكن قدر الله أن أكملها 4 سنوات ونصف! و الحمدلله راضيه بقضاء الله وقدره و بعد تفكير طويل اكتشفت انه خيره ليا :)

المهم سيبك مني، خلينا نتكلم فيك الحين انت تتوقع انك خلال 3 سنوات ونص حتقدر تستوعب كل المواد؟!!

ما أشكك في قدراتك العقليه ولا قصدي أحبطك بالعكس، انا حابه اوضح لك ان مثلًا يعني حتضغط نفسك و المواد كل ما طلعت ترم كل ما زادت دسامتها.. الأفضل انك لو حاب تمشي على الخطه احسن لك لو هي مناسبه لك :)

عن نفسي انا لعبت بالخطه باللي يناسبني لأني اعرف اني ما اقدر اضغط نفسي و اخذ مثلا 18 او 17 ساعه كلترم لذلك اخذت في حدود معقوله بحيث ادي نفسي فرصه :)

فكر مو مهم انك تتخرج بسرعه المهم انك تستوعب هالمواد قبل ما تتخرج :)

و اعتذر لو غلطت عليك بأي كلمه و بالتوفيق ولا تنسانا من دعواتك :)

[دافئ الإحساس]

المشاركة الأصلية كتبت بواسطة dna..~ أخوي الصغير << عشان أنا الحين حأتخرج إن شاء الله و سرت عجوزه خخخخ أول شيء اسأل نفسك، ايش هي الغايه اللي تبغى توصل لها و تخليك تخلص في 3 سنوات ونص؟! ليه مستعجل على التخرج؟! انا المفروض اني الترم اللي راح متخرجه، لكن قدر الله أن أكملها 4 سنوات ونصف! و الحمدلله راضيه بقضاء الله وقدره و بعد تفكير طويل اكتشفت انه خيره ليا :) المهم سيبك مني، خلينا نتكلم فيك الحين انت تتوقع انك خلال 3 سنوات ونص حتقدر تستوعب كل المواد؟!! ما أشكك في قدراتك العقليه ولا قصدي أحبطك بالعكس، انا حابه اوضح لك ان مثلًا يعني حتضغط نفسك و المواد كل ما طلعت ترم كل ما زادت دسامتها.. الأفضل انك لو حاب تمشي على الخطه احسن لك لو هي مناسبه لك :) عن نفسي انا لعبت بالخطه باللي يناسبني لأني اعرف اني ما اقدر اضغط نفسي و اخذ مثلا 18 او 17 ساعه كلترم لذلك اخذت في حدود معقوله بحيث ادي نفسي فرصه :) فكر مو مهم انك تتخرج بسرعه المهم انك تستوعب هالمواد قبل ما تتخرج :) و اعتذر لو غلطت عليك بأي كلمه و بالتوفيق ولا تنسانا من دعواتك :)

عادي قوليلي اخوكي الصغير

وانا اقلك يا ابلة

عندي كم حاجه في نفسي عشين كده ابا اتخرج بدري

وبالنسبه انو استوعب المواد ولا لا

مادري الصراحه بس نقول ان شاء الله استوعبها

بس نحنا نحاول ازا زبطط اوك وازا لا خلاص حكمل 4 سنوات

وخلاص

مشكورة ع المرور

[بيو كيميائية ^_^]

اوكـِ خلص في ثلاث سنوات ونص ونزل معدلكـ تبي كذا طبعًا لا

أنا مو قصدي أحطمكـ بس قصدي أرويكـ الواقع

وترا الكيمياء العضوي تجنن وسهلة

بس تقدر تخفف الضغط عليك تاخذ صيفي بعد

[دافئ الإحساس]

انتي بتقولي سهلة بس كم واحد اخدها

ويقولي بدايتها سهله وبعدين تسير صعبه مررره

واما بالنسبه للبيولجي كلهم يقولولي ماده ممله وتجيب الطفش

وبعدين هيا من الاحياء لي ناخدها مره نثقف زياده ولا كيف !!

[الشيمآء]

^
العضوي كورس جدددددن ممتع
بس !
تزآكـر أول بأول .. و تعمل روآبط لنفسك ..
ولا ما ح يمشي وضعك فيهـآ :/

و بتتكلم عن الألكآنآت و أصحابهـــآ

كمستري بحت