محاضرات وأسئلة تمارين مادة محاسبة إدارية للدكتورة إقبال خاطر لعام 1432هـ

[حأقعد عالكاشير]

أهلييييييييييييين ياعسلز
إش اخباركم وأخبار الجداول معاكم إن شاء الله تمام

المهم زي ماقرأتوا الموضوع
حأنزلكم إن شاء الله محاضرات إدارية (الجزء النظري)
أما جزء التمارين فكتبتلكم الاسئلة عااااد الأجوبة عليكم إنتو ركزوا مع الدكتورة وأكتبوها

المادة حلووووة وسهلة شدوا حيلكم وجيبوا فيهادرجات ولاتنزلوا معدلكم بسببها
والدكتورة كمان مررررة عسل وطيبة ومتعاونة

وأي تمرين ماتعرفوا حلو أو كيف جات فكرتو تقدروا تحطوا استفساراتكم هنا
ونحلوا سواااا ونتعاون مع بعض


بالتوفيق جميييييييييييييييييعا ودعواااااتكم :)

المشاركة الأصلية كتبت بواسطة حأقعد عالكاشير حبيباتي هذا فايل التمارين بالأجوبة عارفة انو بنات الترم هذا ماحيستفيدوا منو بس للأجيال القادمة على وعسى أحد يطل في وجه أجوبة التمارين هذي ويستفيد منها ويدعيلي ^^ وإن شاااااااااء الله حأنزل تمارين مالية متقدمة 2 للدكتورة إقبال خاطرقرييييييبا قبل بداية الترم الصيفي بحلولها << تبت إلى الله :) وبالتوفيق جميعا

[احلى حلا00]

يسلموووووووو على المجهود..
وجعله الله ف موازين حسناتكـ..
بس اذا ع الاستاذه انا اخذ معاها اداريه هذا السمستر مااعجبتني احسها ماهي مرتبه..
تشرح ماندري نكتب معاها ولا لا..
لما تروح لنقطه ثانيه نقولها احنا ماكتبنا النقطه اللي قبل كذا..
تقول اكتبوا اللي فهمته .!!
حسيت نفسي اني مشتته ف المحاضره مدري اكتب معاه ولا انتبه للشرح..
بس الحمدالله انك نزلتي المنهج حق الاداريه ع الاقل انتبه للشرح ف المحاضره..

[LAYAN89]

يعطيكي العافية ياقمر والله يجزاكي خير

بالنسبة للدكتورة اقبال جربتها في ادارية السمست الي راح

الدكتورة كويسة وتعطيكي حقك وشرحها كويس

ممكن تجيبوا a+ معاها

[حأقعد عالكاشير]

احلا حلا
الله يسلمك ياسوكر انتو اهم شي خلوكم معاها في الشرح
والتمارين ترى حللوها عندي بس ماحبيت أنزلها هنا عشان البنات يركزوا في شرح التمارين مع الدكتورة

وأي شي تحتاجوا احنا حاضرين للطيبين :)


ليان
يب أنا كنت معاكي السمستر اللي فات في المادة
وعلى قولك الدكتورة طيوووبة وعسل


بالتوفيق جميعا

[&كيمو&]

الله يعطيك العافية

ويجزاك كل الخير


تم إعتماده في قسم الملخصات والمواضيع المميزة


وبالتوفيق للجميع

كل الود
&كيمو&

[~حـوريه~]

الله يسعدك ويوفقك ياقلبي
اختصرتي عليا الوقت في الكتابة
بس ابغا اسئلك انتي اخذتيها الترم اللي فات ولا من قبل
لانه تعريف المحاسبة الادارية يختلف عن اللي اعطتنا اياه:)))

[حأقعد عالكاشير]

^
^
اخذتها الترم اللي فات ياسوكر
وترى الدكتورة اقبال ممكن تمشي بالمعنى مو لازم بالنص


الله يوفقكم جميعا وشكرا كيمو عالاعتماد :)

[TeeNa....]

الله يسعدك ويوفقك ياعسل
مشكوووووره

[طموح متواصل]

مشكووووره حبيبتي ماااقصرتي وكثر الله من أمثالك..
بس حبيت أسألك هيا في الاختبار تجيب نفس التمارين؟؟

[حأقعد عالكاشير]

^
^
في الاختبار تجيبلك نفس التمارين بس لازم في سؤال تجيب فيلو فكرة
يعني مثلا عندكم قانون اتعودتو تجيبو شي معين دااايما منو في الكلاس تجي في الاختبار تخليكم تجيبو شي ثاني بس باستخدام نفس القانون

شوفي أسألتها ماهي صععببببة أبدا بس يبالها وانتي تذاكري تركزي في القوانين وتتخيلي اش ممكن يجيكي

وبرضو لاتخافي ياعسل المادة حلوة وممتعة والدكتورة تراعي في الدرجات

بالتوفيق :)