تجربتي ( بحث وتدريب ) د محمد فالح الحنيطي

[المرقاب 888]

بسم الله الرحمن الرحيم

أولا ألف مبروووووووك للجميع تجاوز مواد هذا الترم بنجاح وحظ أوفر لمن يحالفه الحظ ،،،

وبالنسبة بما يتعلق بموضوعي كانت بإيميل واحد فقط للدكتور محمد فالح الحنيطي ( ماهو المطلوب ؟!) ورد علي بايميل يحتوي خطة البحث فقط وماطلب مني تحديد ثلاثة مواضيع مثل ماطلب من باقي الزملاء وقلنا بسم الله وعلى طول على المكتبات واخترت موضوع من عندي أنا وطلبت منهم يسوون لي بحث عن الموضوع وكانت تكلفة البحث 1100 ريال مع التغليف الفاخر ( الله يعوض ) وكان فعلا بحث متعوب عليه مع الاستبيانات ،،،
ولما حان وقت تسليم البحوث رحت لمكتب الدكتور وماحصلته ورحت سلمته سكرتير الكلية وبعدها حسب افادة الشباب إن الدكتور رفض استلام البحث الا لما تجي بنفسك وتناقش طبعا مارحت له بسبب الاختبارات وتفاجأت بالنتيجة مرصودة 75 ولله الحمد مع العلم بأني لو ناقشت البحث أكيد تكون الدرجة أكثر ،،،

الله يوفقك يادكتور محمد دنيا واخره ويجزاك ألف خير ،،،

نقلت تجربتي للفائدة وفالكم التخرج ،،،،

[اقلاع اتحادي]

1100 ريال ... !

الله يعوضك يارب , بس ماتحسس انه سعر مرة مبالغ فيه ؟!

طيب وش رايك باللي يستبدل البحث بأمتحان تحريري , مثل اللي عند دكتور النفيعي على مآ اظن ؟

مبروك النجاح .

[المرقاب 888]

المشاركة الأصلية كتبت بواسطة اقلاع اتحادي 1100 ريال ... ! الله يعوضك يارب , بس ماتحسس انه سعر مرة مبالغ فيه ؟! طيب وش رايك باللي يستبدل البحث بأمتحان تحريري , مثل اللي عند دكتور النفيعي على مآ اظن ؟ مبروك النجاح .

الا والله مبلغ مبالغ فيه لكن مجبور

الترم هذا مضغوط و6 مواد والحمدلله

بالنسبة للاختبار انت وجهدك ووقتك !! لاني ماكان عندي وقت الترم هذا

بالتوفيق

[الذابح11]

ايش كان موضوعك وهل تنصح بالدكتور

[المرقاب 888]

المشاركة الأصلية كتبت بواسطة الذابح11 ايش كان موضوعك وهل تنصح بالدكتور

أنصح فيه وبقوة ،،، ولكن سمعت انه بيتقاعد ومو متأكد لايفوتك اذا مازال موجود سجل عنده

موضوعي عن الترقيات ومشاكلها

بالتوفيق

[toni26]

المشاركة الأصلية كتبت بواسطة المرقاب 888 أنصح فيه وبقوة ،،، ولكن سمعت انه بيتقاعد ومو متأكد لايفوتك اذا مازال موجود سجل عنده موضوعي عن الترقيات ومشاكلها بالتوفيق

تصحيح اعضاء هيئة التدريس الاجانب ما يشملهم نظام التقاعد
جايز ينهي خدماته مع اني ما اتوقع خصوصاً وانه ماكمل ثاني سنه له بالجامعة

[عبدالله بن سليمان]

يعطيك العافية

وياليت تعطينا أيميل الدكتور

أو أي وسيلة تواصل معه

[super1]

ياليت الايميل تبع الحنيطي عشان الترم الجاي باسجلها ومشكور اخي الكريم

[بتال القوس]

نصيحة لا انصح بالحنيطي لمن يبحث عن درجات عالية في البحث ..

ينجح صح ولكن بتقدير امتياز مجرد نصيحة

[أمل مقتول]

انا خذتها مع الحنيطي وكنت أرغب بدرجة عالية، وعطاني b
والحمدلله بس كنت ناوي بأكثر.
عموماً الحنيطي اللي يبي ينجح ولايهمه معدل ولادرجة يآخذها عنده وهو مغمض.
واللي يبي درجات عااالية يشوف أحد غيره.