حقوق طلاب السنه التحضيرية ضائعه

[meto0o]

السلام عليكم ورحمة الله وبركاته .

الى متى وطلاب السنه التحضيره ينظر اليهم وكـأنهم ليسو من طلاب جامعة الملك عبد العزيز الى متى ..

اليوم كان الاختبار المهارات الغوية الساعة 1:30 تجمع الطلاب امام المبنى 29 قبل الاختبار بساعه ننتضر وقت السماح من حضرت رجال الامن ان يسمحو لنا بالدخول نقف خارج المبنى وكانا ننتضر معونات خيريه ان قلت لي هذا النظام ماشي على الكل اقلك نظام فاشل ولا يستحق ان يطبق في جامعة المؤسس انتظرنا وطال الانتضار تفجأنا بعد مرور ساعتين يقول لنا رجل الامن << راجع مبنى 126 >> سألتكم بالله فيه مبنى اسمه 126 وإذا كان فيه له علاقه بمادة اللغه العربية مكاتب مدرسي اللغه كلها في المبنى المجهول امام مبنى 125 . ذهبنا كما امر رجل الامن الى مبنى <<126؟؟>>
نتفاجا بأن كل المكاتب مغلقه وكان هناك مكتبين مفتوحه يوجد بها دكاتره والله اعلم لا اريد ان احمل في ذمتي هل هم دكاتره او لا يشربون الشاي وحين سألناهم وكأنا سألنا شخص خارج الجامعة للأسف لايعلم عن شي سألتكم هذا مو استغفال طلاب السنه التحضيره اين عمادة شوون الطلاب لا احد يدري
إذا كان انتم لا تدرون عن شي من يدري انا طالب السنة التحضيرة المستغفل ؟؟؟؟؟؟؟ اريد جوااب

بالنسبة لمادة الانجليزي :
هذا المادة موضوعه لتشريد طلاب السنة التحضيره انا لا اقول احذفها ولكن ضعو بالشي المعقول طلاب الاداري ضع لهم مستوى1 ومستوى2 وبعد السنه التحضيرية اللي يبغى يتخصص الله يوفقه يكمل ونحن الي يبغى للغه وش يسوي بالانجليزي اللي يبغى شريعه ووو ...؟؟ اريد جواااب

مواقف السيارات :

كم شربتم من دم طلاب السنة التحضيرية ...
المبنى 26 يوجد به مواقف المبنى صحيح س/ لماذا رجال الامن يقومون بأغلاقها ؟؟
بحجة لا يوجد استكر . يعني طالب السنة التحضيرية يوقف سيارة في اخر الدنيا ويدقها مشي
وتروح نص المحاضرة علشان خاطر الاستكر بتقولي تعال بدري ؟؟ اقلك انا من حقي اجي على وقت المحاضرة والاقي موقف .. وشغالين سحب في السيارات بطرق جدا قذرة اللي ينكسر عليه صدام وو
طيب امن لي مواقف وتعال شوف اذا كان وقفت غلط وقتها احرق سيارتي ...؟؟ اريد جوااااب

بكل اختصار طلاب السنة التحضيرية مضلوميــــــــــــــــــــــــــــــــــــــــــــ ــــــــــ الى متى ــــــــن
وانا اقترح من الان ان نقوم بعمل رابطة طلاب السنة التحضيرية لي الدفاع عن الطلاب وتكون اللجنة من الطلاب ويكون لهم مكتب لأستقبال الطلاب شكرا لكم عمادة شؤون الطلاب يمكنكم شرب الشاي .


اتمنى ان يكون الموضوع
قيم .. في انتظار الردود .

[snuwait]

يووووووه الله يعينكم شكلكم من جد مقهورين

احنا البنات الحمدالله اماكن الاختبارات منظمه وما تتغير

للحين الحمدالله ماصار لنا زيكم

انا معاك بنقطه الانجليزي شي يرفع الظغط احس اني متخخصه انجليزي وش ذا شي مقررررف جدا

وطيب تبغون تعطونا اربع مستويات اوكي بس الوقت قصروه مو معقوله نجلس كم ساعه عشان انجليزي

والله في كثير من صديقاتي ايام الثنوي كانو يبون يتخصصون انجلش بس بعد ذي السنه كرهو الانجليزي واللي جابه

والله احس اني صرت بنقاليه منه ههههههههه

الله يعيننا ونعدي ذا الترم على خير

[الحلم..!]

صراحة و الله حتى أنا أحس بهذا الشيء ,, يعني أحس التحضيري كأنه هامش للجامعة ,, مدري ليه يسوون كذه ,, يعني أغلب الجامعات اللي هنا التحضيري يكون لهم مبانيهم الخاصة و حتى مكتوب عليها قسم السنة التحضيرية إلا احنا ,,

مع إن السنة التحضيرية أنا اعتبرها أهم سنة وهي اللي ينبني عليها المستقبل كلللله ,,

استغفر الله العظيم ,,

لكن يالله الحمد لله هااانت و ما بقي غير القليل و نخلص ,,

[بـــ(اسم)ـــدون]

من وين ابداء

كل شي غلط في غلط

اولا اختبارات زي الزفت :) بعض الدكاترة الله يكرم السامعين مثل الجزم :) مواقف مافي:) المشكله مقفلين المواقف في مبنى 26 واذا وقفت غلط سحبو سيارتك والله سحبو سيارتي ارمادا مطلعه مالي شهر وكسرو الصدام
طيب انا اشتكي لمين ولا لمين

واخرها اليوم @@ اول مرة اشوف طلاب جالسين في الشمس يتنظرون الإختبار (كأنك في الضمان الإجتماعي) عيب ولله نحن في جامعه المفروض يحترمون الطلاب

والطامه الكبرى تروح عمادة شؤون الطلاب :) يرفعونك قب ولا كأنهم يعرفونك :) يقلك النظام @@ وش النظام الي يخليكم تكسرون سيارتي بدون سبب

اتمنى اننا نلقى تجاوب من المسؤلين

[نااادر الوجود]

	بسم الله رب الارباب منزل الكتاب ... وبعد لا ادري من فين ابتدي بمعانتانا نحن طلاب السنة التحضيرية اءبتدي من معناتنا من المواقف او تأجيل والتلاعب في جدولة الاختبارات او وقوفنا اما منى 29 من بعد الساعة الثانية عشر ظهرا كله هذا تجنبا للحضور بدري ... وننتظر الى مابعد الساعة الثانية ظهرا .. ونحند ننتظر تحت اشعة الشمس الحارقة دون اي رحمة من حراس الامن ... نحن في الشمس وهم تحت تكييف المبنى .. الى تلك الساعت ... ويصفو من كيسهم بمنى ليس له وجود... اي الادارة واين المشرفين... الى متى تستمر هذه الهزلة ... لو غبنا عن اي اختبار يسوي لنا زحمة ومافي اختبار ... لا عاجبهم عجب ولا صيام في رجب... خااااااااااااااااافو الله فينا .. نحن طلاب السنة التحضيرية ...هذا بداية مشوارنا مابالنا ببقية السنوات ... والاكبر من ذلك ان هذه المساوي تصدر وتكون من جامعة تعتبر من اكبر وارقى الجامعات والاكبر من ذلك انها جامعة المؤسس .....والله قهر وحراااااااااااااااام

[طالبتكم]

صراااحة الله يكون في عونكم يعني الحمدالله البنات وضعهم حلو ومرتب ...مادري ليش انتم كذا!

ومووفقين

[mohammed.ak]

خلصنا اختبار الحاسب العملي الساعه 9 ...رحت المسجد انا والشباب بغرض انو نراجع ووقت اختبار العربي الساعه 1:30 يعني اربعه ساعات ونص انتظار ومذاكره هذا دليل على الاهتمام من الطالب (الطالب اهتمامه بموعد الاختبار اكبر من اهتمام الاداره بذلك ؟!) ونوصل القاعه من اول الطلاب وتمر ساعه ..ساعه ونص لاتنسو حراره الشمس والوقفه كان على القليل يا رجل الامن ! استحيت على دمك ودخلتنا في المكيف (وياغبي كان اتصرفت وقلتلنا انو مافي اختبار) ....واخيرا استحا على وجهو وقال راجعو المبنى الفلاني (ومن مبنى لمبنى ! والله يالطالب السعودي صرت مجتهد) واحنا في مشاويرنا الي بين المباني قابلنا دكتور اللغه العربيه ..كيف حالك يادكتور ؟ هوا الاختبار في مبنى كم ..وجوابو .. هوا في اختبار اصلا !! (ونعم الدكتور ) المهم من احد تنقلاتنا بين المباني وصلنا مبنى 126 وقابلنا دكتور الثقافه ..يادكتور قالولنا روحو مبنى 126 اسالو عن اختبار العربي وين؟ ..وجوابو ..احنا في مبنى 126؟! (استحي مكتبك هنا ومو عارف ونعم الدكتور ايضا) يااداره ماكان سويتو شي في حياتكم ..ترسلو رسايل قبلها مثلا (ولا فالحين ترسلو في الاجازات ) ماكان نزلتو الجدول الجديد على الاودس (هذا اذا اتكرم الموقع وفتح ) ماكان حطيتو اوراق ماتكلفكم ريالات على باب المبنى وتكتبو فيها تم تاجيل الاختبار الى الموعد الفلاني (طبعا مافي عقل ) طلاب جامعه الملك عبدالعزيز ماتبغو تشوفو حل للمهزله مثلا !!

تـــــــحياتيــــ طاااالبـ مظلوووم

[azooz alghamdi]

هههههههههههههههههههههههههههههههههههههههههههههههههه ههههههههههههههه


صدق يقولكم شر البليه مايضحك



صراحه والله شي يفطسس مو بسس يضحك


الغوو الامتحاان وقفتناا بالشمس الين الساعه 2 والله شييي يقهر يعني الى متى وحناا ناكلها ؟؟؟؟



الانجليزي والله ماافتي لكم فيه ماقد حضرت محاضرات كلها ويمكن ماجيته الا اسبوعين من بدينا



نظاااااااااااااااااااااااام فااااااااااااااااااشل معقوله هذا النظااام في جامعة المؤسس ؟؟؟



والله يشفوووووون لنا حل والا ترا بفصل > يهدد

[جنوني محليني]

هذا إيش؟؟؟>>>
بصراحه لسى مااستوعبت ايش هذا الله ياخذهم اداررره وربي حرام تحزنون والله لوكنا مكانكمـ مانسكت على الفوضى الي صاااارت وانتم ماشاء الله اكيد كثير سووو مظاهرات وانا بشجعكم واكيد الكل بعد
ايش هذا اما سالفه سحب السيارات وين نعيش احنا في العصر الحجري احنا بعصر التطور والانفتاح وقبل كذا جامعه الملك عبد العزيز جامعه من أكبر جوامع المملكه وكل هذا يصير فيها من جد لا تعليق
وين النظام؟
وين الترتيب؟
وين الحلوين الي بياسسون طلاب وطالبات ؟؟يشربون شاهي
وربي شئ يحزززن وااااي مره قهر يااارب يصبركم انش اء الله بس زي ماقلت لاتسكتون وكلنا معاكمـ

[حلا ksa]

^^^^
^^^
^^

من جد جااامعه تقهرررر وهذا كوم والانجلش كوم ثاني

خلوووني سااكتته احسسسن