شهادة الانتساب ينفع اكمل فيها ماجتسير

[ماجد الفاقد]

انا بصراحه شاد حيلي وإن شاء الله اني اجيب معدل مرتفع بعد التخرج
بس السؤال : هل شهادة الانتساب تنفع اني اقدمها مثلاً على برنامج الملك عبدالله لدراسة الماجستير برا أو على حسابي أو أي جامعة هنا بالسعودية ؟ مع العلم اني راح اختار تخصص إدارة أعمال.
باختصار يمديني اكمل ماجستير بعد التخرج ولالا؟

[some_0ne]

من جد ياليت نحصل على الافادة؟؟

[مسافر بس]

إدارة الأعمال تكمل الماجستيرومعترف فيها

يا شباب وشابات ما أدري من وين التكهنات هذي جاية هي على علم وألا من راس الواحد

يا خواني (من قال لا أعلم فقد أفتى) حرام اللي قعدين تسوونه من جد الواحد منا لا شاف موضوع غير يضع للمساته وبصمته الكريمة لو ما يعرف والله عجيب

أرجوا اللي ما يعرف ما يفتي بغير علم لأن هذا الكلام الغير موثوق يؤثر على من لا يعف ويترك الحديث لمن عنده علم .

[Zaid Alkhayyal]

لا ما ينفع لأنه الشهادة مو معترف فيها وبالتوفيق ^_^

[سليمان (أبو إبراهيم)]

المشاركة الأصلية كتبت بواسطة zaid alkhayyal لا ما ينفع لأنه الشهادة مو معترف فيها وبالتوفيق ^_^

يا شين اللي يتكلم و هو ما عنده سالفة

كلام الأخ بوليمر صحيح

[Zaid Alkhayyal]

المشاركة الأصلية كتبت بواسطة سليمان (أبو إبراهيم) يا شين اللي يتكلم و هو ما عنده سالفة كلام الأخ بوليمر صحيح

تعرف لو جبت دكتوراة من جامعة الملك عبدالعزيز ومعدل 5 من 5 وتبي تشتغل في دول متطورة مثل امريكا ما بتعترف بالشهادة >_>?

[Mrs.Faith]

المشاركة الأصلية كتبت بواسطة zaid alkhayyal تعرف لو جبت دكتوراة من جامعة الملك عبدالعزيز ومعدل 5 من 5 وتبي تشتغل في دول متطورة مثل امريكا ما بتعترف بالشهادة >_>?

سبحان الله العظيم..

قل خير ا او اصمت

وترى الصمت ابلغ من الكلام..

ايش دخل امريكا في الهرجة!!!

الناس وين وانت وين؟؟؟!!!

[aziz8008]

المشاركة الأصلية كتبت بواسطة zaid alkhayyal تعرف لو جبت دكتوراة من جامعة الملك عبدالعزيز ومعدل 5 من 5 وتبي تشتغل في دول متطورة مثل امريكا ما بتعترف بالشهادة >_>?

كم نسبه الطلاب اللي تخرجو من اي جامعه سعودية وراح يشتغل برا السعودية ؟؟ لا يكاد يتعدون 0.01 %


ماننكر كلامك ان شهاده الجامعه غير معترف فيها عالميا سابقا

سابقا كانت جامعه البترول والملك سعود هي المعتمده دوليا فقط

ولكن من الممكن ان فيه جامعات الحين صارت ايضا معتمده مثل جامعه الامير سلطان وغيرها من الجامعات الحكومية


بس بالوقت الحالي اتوقع صارت معتمده اكاديميا ودوليا وخصوصا بعد ماتكون الدراسه بالانجليزي

بس داخليا معترف فيها وايضا جميع الجامعات الحكوميه والاهليه معتمده داخليا

وبالنسبه لموضوع خريجي بكالوريس انتساب فيتم قبولهم لدرجه الماجستير بغض النظر سواء كان مجاني او برسوم وايضا سواء داخليا ( في جامعات المملكة الحكومية او الاهلية ) وخارجيا ( سواء في برنامج الابتعاث او الدراسه على حسابه الخاص )

ولكن القبول يخضع للشروط الخاصه لكل جهه

سواء ببرنامج الابتعاث او شروط الجامعه المقبول بها الطالب



بالتوفيق للجميع

[Nephrology]

المشاركة الأصلية كتبت بواسطة zaid alkhayyal تعرف لو جبت دكتوراة من جامعة الملك عبدالعزيز ومعدل 5 من 5 وتبي تشتغل في دول متطورة مثل امريكا ما بتعترف بالشهادة >_>?

شكلك تسمع بأمريكا بالأفلام
رح أسحب ملفك من الجامعة لتثبت لنا صحة كلامك

[كفو وجاد]

المشاركة الأصلية كتبت بواسطة zaid alkhayyal لا ما ينفع لأنه الشهادة مو معترف فيها وبالتوفيق ^_^

الا مايميديك يالغالي
وبجامعة الملك عبدالعزيز 32 الف او 34 الف ريال يالغالي