جميــــع مايخص السنــــــه التحضيريه ..

[M!sS chocolate]

أولاًً //


اليوم حيبدأ نزول نتـــائج القبول وأبارك قبل الزحمه لكل المقبووولين في جامعة

عزوووووز الموقره ...



قبل ماأبدأ وأشرح لكم المواضيع حقول لكم أشياء واعتبروها كنصايح لكم



◄السنه التحضيـــريه ۰❥•۰•●
أنا متاكده انو السنه دي حتكون أفضل بكثييير من الدفعتين اللي فاتت

لأنو احنا دفعتنا كانت أفضل من اللي قبلنا واللي كانوا هم فئران التجارب لأنهم أول دفعه

ينطبق عليهم هذا السنه ..



◄المذاكره كل درس بدرسه هادي النصيحه مو تسوبها برواز وتعلقوها قدام وجهكم لا طبقوها

لأنو بها حتكون لك السنه هادي مررررره سهله وحلوه ولاتقولوا انا ماكنت متعود من الثانوي

اني أذاكر كل درس بدرسه حتى انا زيكم وكلنا زيكم ماكنا نذاكر كل درس بدرسه بس لمن

درست المواد لقيت انو الدروس متتابعه يعني اذا مافهمت الدرس الأول مارح تفهم الدرس الثاني

واللهي ماياخذ منكم حتى ربع ساعه الدرس لو انك فهمتيه من الدكتوره حقك ...



◄أتعبوا شدو حيلكم هادي السنه اعتبروها رابع ثانوي هيا سنه وحده وبعدها حتتخصصوا واذا تبغى


تخصص حلو لازم تشد حيلك لأنو كل مالهم يرفعوا معدل الدخول للكليه احنا رفعوها لنا عن اللي قبلنا التقنيه الطبيه كانت العام 86 السنه دي سارت 89 ..



◄صحبات وماأعرف أحد وخايفه ومن دا الكلام كلنا أول مابدينا السنه كنا مرعوبين مانعرف أحد

ضعنا أول يوم فين المباني اش أسوي اش ماأسوي ولكن ماعدا الأسبوع الا وكل شيء انحل

والصحبات اتصاحبوا مع أي أحد لأنو مع التخصصات كل واحد حيروح في جهه الا في بعض

الأحيان تلاقي انتي وصحبتك نفس التخصص ...







◄الدكاتره هادي حظوظ ولكن انتوا أول حاجه جربوا الدكاتره حقكم من ثالث محاضره وليس من أول محاضره ولاتسمعوا كلام أحد هادي حطوا
عليها مليوووون خط لايجي أحد يقوله وه هادي الدكتوره ماتعرف تشرح لاتسمعي والله لو جلستي كدا مارح تفلحي لأنو سبق وسارلي الشيء دا قالوا
عن الدكتوره حق الرياضيات دعاء الله يسعدها انها ماتفهم ومن دا الكلام وانا دخل الشيء هذا في عقلي ولمن بدأنا الدراسه أشوف الإنسانه
تشرح والكل فاهم معاها الا انا ليش لأنو دخل في عقلي انها ماتفهم ولاقدرت افهم منها فسرت أحضر لدكارته


ثانيين .. يعني اذا ماكنت تفهم من دكتورك أوقات البريكات روحي شوفي مين من الدكاتره يمديكي تروحي لها
وقت البريك عندك يكون هيا عندها محاضره وأدخلي عاادي مافيها شيء لكن النقل عندنا كان ممنوع ..




◄وآخر نصيحه لكم لالالالا تتحطمــــــــوا مهما واجهتكم من مصاعب وأعرفوا انوا
قبلكم كانوا دفعتين ومشيوا ولعلمكم رغم صعوبة أول دفعه الا انو في طلاب
وطالبات جابوا الخمسه كااامله ماشاء الله ..........

يتبـــــــــع لاحد يرد لغاية ماأنتهي من الموضوع ..

[M!sS chocolate]

ثــــــــــــانيــاًً //


المـــــــــــــــــــــــواد


السنه التحضيريه لها خطتين خطه تدرسوها الترم الأول ويدرسها عدد معين
منكم والعدد الثاني حيدرس خطه ثانيه والترم الثاني تنعكس الخطتين ..
أنا عن نفسي في الترم الأول درست خطه ب فحبدأ شرحي عنها

..

1- الإحصاء
الماده دي أنا مرره أحبها اذا فهمتها ودرست كل درس بدرسه حتمشي لأنو الدروس
متتابعه زي ماقولت لكم فوق وفيه ملخصات كثيره
انا كنت بذاكر من ملخصات أشرف بركات ومررررره كانت عاجبتني
وكل ماوحده تسألني اش أحسن ملخص أقولها أشرف بركات .,وكانت تجي بعض أسألة الإختبار

من مخلصه بالنص ..

-2الأحياء
هادي الماده اللي ترتاح فيها تحفظ التست بنك وبس وأنا كنت
للأسف مهملتها فنصيحتي لكم كل ماتخلصوا شابتر أمسكو الأسأله حقو وذاكروها
وهيا تنزل في موقع أستاذ نبيه باعشن يجي رابط التسجيل للموقع مع الكتاب
حق الاحياء كتاب الأحياء مارح تستفيدو منه أي شيء غير الرابط فاللي مثلا
معاها وحده تقرب لها فيشتركوا اثنينهم في نفس الكتاب ونفس اليوزرنيم انا كدا
سويت مع بنت خالتي لأنو الموقع بس تدخل تاخذ التست بنك وبس ..

-3الكيمياء
الكيمياء المذاكره كل درس بدرسه والكيمياء محتاجه انك تكون فاهم
وان جا حظكم عند دكاتره كويسين تمام لأنها ماده لايستهون فيها انا كنت عند
فوزيه البلوي الله يسعدها دنيا وآخره ياليت بس لو انها ترجع تدرس التحضيري
هيا درستني الترم الأول والترم الثاني مادرست أحد ..

-4 انجليزي 101
هادي الماده العجب العجاااب مع المعهد تشوفوا العجب والمفاجآت
بس انتوا أنا متاكده انهم حينتظموا معاكم لانو احنا الترم الاول بهدلونا
وكانت درجاتنا متدنيه ولكن الترم الثاني اتعدلوا ومشيوا على قوانين
واترتبوا واتحسنت درجاتنا كان الترم الاول الأسأله تجي كوكتيل
من كل مستوى أما الترم الثاني سار مستوى واحد بس والأسأله كلها منه
وسرنا نعرف كيف الاسأله وطريقتها اتحسنوا كثير .. مارح أتكلم
عند دي الماده لأنو هم لهم كل يوم نظام ..




الترم الثاني خطه أ







1 - الرياضيات
هــــادي الماده اللي أحرص عليكم مذاكرتها درس بدرسه واللا حتضيعوا
والله ماتاخذ منك حتى ربع ساعه لمن تذاكر الدرس اما بخصوص الملخصات
انا صراحه ماكنت اذاكر من ملخصات ماأدري اذا فيه ملخصات واللا لا
بس انا كنت ألتزم بالكتاب والحمد لله درجتي جدا رائعه ولازم تحلو الأون لاين
لأنو عليه بونس تزيدكم درجات وهذا الأون لاين موقع يجي رابطه مع كتاب
الرياضيات تتسجلوا فيه ويكون لكل درس في واجب ويتحدد يوم معين
يقفلوا فيه الواجب وعلى هذا الحال والكتاب المره دي حتستعملوه يعني مو زي الأحياء


2- الفيـــزياء
الماده دي فههههههههههههههههم لالالازم تجي عند دكتور/هـ يشرح تمام واللا ضيااااااع
وقبل لاتدخل الإختبار لاتعتمد في مذاكرتك على الحفظ بل على الفهم وبعدين الحفظ
انا والمادي هادي كنا أعداء للأسف ومارح ادخل أشعه بسبب اني كرهتها
ماأبغى أكرهكم فيها هيا ماده حلوه وبسيطه ولكن الأسأله تجيك في الإختبار
حق واحد فااااهم الملخصات أنا اشتريت أشرف بركات لكن صراحه
ولا استفدت منها شيء لانو الأساله ماكانوا يجيبوا منها شيء بعكس الإحصاء..

3- الحاسب
مرررررررررررره حلوه الماده دي بس اختبارهم يجيك فيه شوية حيره
يحيروك انو تلاقي الأجوبه كلها متقاربه ولكن مو كل الأسأله يعني اجمالا
ماده حلوه .

4- مهارات الإتصال
يناااااااااااااااااااس عالماده دي تجنننننننننننن محاضرتها مررررره حلوه
شوفتوا دروس علم النفس كيف تعرف شخصية غيرك زي كدا
مررررررره حلوه بس لمن تجي تذاكرها فهم + حفظ لأنو في بعض
الأسأله يجيبوها بطريقه تحيرك بس بالراحه تجيب فيه ال A بس مو معناة
كلامي تهملوها ..

5- انجليزي 102
اتكلمت عنها سابقا وأنا متاكده انهم حيتعدلوا معاكم لأنو هذا كلام الدكتور
اسامه الطيب لمن سووا لقاء معاه ..

في المحاضرات أكتبوا كل شيء أنا كنت الكيمياء أكتب تلخيصها للدرس وكانت تقولنا لاتذاكروا الا من تلخيصيالله يسعدها الإحصاء مايتحاج
كل شيء تكتبه موجود في الكتاب ماعدا بعض النقاظ فخليكم متابعينهم بكتبكم نفس الشيء في الرياضيات كانوا بعض البنات
يكتبوا بس كل اللي يكتبوه موجود في الكتاب لكن بعض الملاحظات اللي تقولها الدكتوره ماتكون موجوده فأكتبوا
كل شيء مهم تقوله الدكتوره أهم شيء زي ماقولت
لكم ذاكروا كل درس بدرسه ...

[عبدآلعزيز]

المشاركة الأصلية كتبت بواسطة m!ss chocolate ثــــــــــــانيــاًً // المـــــــــــــــــــــــواد السنه التحضيريه لها خطتين خطه تدرسوها الترم الأول ويدرسها عدد معين منكم والعدد الثاني حيدرس خطه ثانيه والترم الثاني تنعكس الخطتين .. أنا عن نفسي في الترم الأول درست خطه ب فحبدأ شرحي عنها .. 1- الإحصاء الماده دي أنا مرره أحبها اذا فهمتها ودرست كل درس بدرسه حتمشي لأنو الدروس متتابعه زي ماقولت لكم فوق وفيه ملخصات كثيره انا كنت بذاكر من ملخصات أشرف بركات ومررررره كانت عاجبتني وكل ماوحده تسألني اش أحسن ملخص أقولها أشرف بركات .,وكانت تجي بعض أسألة الإختبار من مخلصه بالنص .. -2الأحياء هادي الماده اللي ترتاح فيها تحفظ التست بنك وبس وأنا كنت للأسف مهملتها فنصيحتي لكم كل ماتخلصوا شابتر أمسكو الأسأله حقو وذاكروها وهيا تنزل في موقع أستاذ نبيه باعشن يجي رابط التسجيل للموقع مع الكتاب حق الاحياء كتاب الأحياء مارح تستفيدو منه أي شيء غير الرابط فاللي مثلا معاها وحده تقرب لها فيشتركوا اثنينهم في نفس الكتاب ونفس اليوزرنيم انا كدا سويت مع بنت خالتي لأنو الموقع بس تدخل تاخذ التست بنك وبس .. -3الكيمياء الكيمياء المذاكره كل درس بدرسه والكيمياء محتاجه انك تكون فاهم وان جا حظكم عند دكاتره كويسين تمام لأنها ماده لايستهون فيها انا كنت عند فوزيه البلوي الله يسعدها دنيا وآخره ياليت بس لو انها ترجع تدرس التحضيري هيا درستني الترم الأول والترم الثاني مادرست أحد .. -4 انجليزي 101 هادي الماده العجب العجاااب مع المعهد تشوفوا العجب والمفاجآت بس انتوا أنا متاكده انهم حينتظموا معاكم لانو احنا الترم الاول بهدلونا وكانت درجاتنا متدنيه ولكن الترم الثاني اتعدلوا ومشيوا على قوانين واترتبوا واتحسنت درجاتنا كان الترم الاول الأسأله تجي كوكتيل من كل مستوى أما الترم الثاني سار مستوى واحد بس والأسأله كلها منه وسرنا نعرف كيف الاسأله وطريقتها اتحسنوا كثير .. مارح أتكلم عند دي الماده لأنو هم لهم كل يوم نظام .. الترم الثاني خطه أ 1 - الرياضيات هــــادي الماده اللي أحرص عليكم مذاكرتها درس بدرسه واللا حتضيعوا والله ماتاخذ منك حتى ربع ساعه لمن تذاكر الدرس اما بخصوص الملخصات انا صراحه ماكنت اذاكر من ملخصات ماأدري اذا فيه ملخصات واللا لا بس انا كنت ألتزم بالكتاب والحمد لله درجتي جدا رائعه ولازم تحلو الأون لاين لأنو عليه بونس تزيدكم درجات وهذا الأون لاين موقع يجي رابطه مع كتاب الرياضيات تتسجلوا فيه ويكون لكل درس في واجب ويتحدد يوم معين يقفلوا فيه الواجب وعلى هذا الحال والكتاب المره دي حتستعملوه يعني مو زي الأحياء 2- الفيـــزياء الماده دي فههههههههههههههههم لالالازم تجي عند دكتور/هـ يشرح تمام واللا ضيااااااع وقبل لاتدخل الإختبار لاتعتمد في مذاكرتك على الحفظ بل على الفهم وبعدين الحفظ انا والمادي هادي كنا أعداء للأسف ومارح ادخل أشعه بسبب اني كرهتها ماأبغى أكرهكم فيها هيا ماده حلوه وبسيطه ولكن الأسأله تجيك في الإختبار حق واحد فااااهم الملخصات أنا اشتريت أشرف بركات لكن صراحه ولا استفدت منها شيء لانو الأساله ماكانوا يجيبوا منها شيء بعكس الإحصاء.. 3- الحاسب مرررررررررررره حلوه الماده دي بس اختبارهم يجيك فيه شوية حيره يحيروك انو تلاقي الأجوبه كلها متقاربه ولكن مو كل الأسأله يعني اجمالا ماده حلوه . 4- مهارات الإتصال يناااااااااااااااااااس عالماده دي تجنننننننننننن محاضرتها مررررره حلوه شوفتوا دروس علم النفس كيف تعرف شخصية غيرك زي كدا مررررررره حلوه بس لمن تجي تذاكرها فهم + حفظ لأنو في بعض الأسأله يجيبوها بطريقه تحيرك بس بالراحه تجيب فيه ال a بس مو معناة كلامي تهملوها .. 5- انجليزي 102 اتكلمت عنها سابقا وأنا متاكده انهم حيتعدلوا معاكم لأنو هذا كلام الدكتور اسامه الطيب لمن سووا لقاء معاه .. في المحاضرات أكتبوا كل شيء أنا كنت الكيمياء أكتب تلخيصها للدرس وكانت تقولنا لاتذاكروا الا من تلخيصيالله يسعدها الإحصاء مايتحاج كل شيء تكتبه موجود في الكتاب ماعدا بعض النقاظ فخليكم متابعينهم بكتبكم نفس الشيء في الرياضيات كانوا بعض البنات يكتبوا بس كل اللي يكتبوه موجود في الكتاب لكن بعض الملاحظات اللي تقولها الدكتوره ماتكون موجوده فأكتبوا كل شيء مهم تقوله الدكتوره أهم شيء زي ماقولت لكم ذاكروا كل درس بدرسه ...

أول شي يسلموو ع الموضووع من جد رآئع =)

عندي استفسآر اللي هو

بالنسبـه لـ الموآد اللي ذكرتيها هل هي من المسآر العلمي ولآ الإدآري ؟؟

وهل هي للبنات فقط ؟؟

[ميعاد]

المشاركة الأصلية كتبت بواسطة عبدآلعزيز أول شي يسلموو ع الموضووع من جد رآئع =) عندي استفسآر اللي هو بالنسبـه لـ الموآد اللي ذكرتيها هل هي من المسآر العلمي ولآ الإدآري ؟؟

للعلمــــي

المشاركة الأصلية كتبت بواسطة عبدآلعزيز وهل هي للبنات فقط ؟؟

للبنات والاولاد..

نفس المنااهج تقرييييييييييييبا ( في بعض الشابترز تختلف )

ولكن مو نفس الاختبارات..

[M!sS chocolate]

ثالثــــــا //

هذا للبنـــاااات فقط

طيب دحين نجي لحاجه شاغله ثلاث أرباع البنات لاني كنت في يوم من الأيام زيهم وكان هذا الشيء
شاغلني أاكثر شيء اللي هو

ستااااايلك في الجامعه كيف ؟؟!◕‿◕


بإختصااااااااااااااااار قبل ماأقول كل شيء بالتفصيل كل شيء مريح خذيه للجامعه أما شيء ضيق لا
لأنك حتمشي مشي من مبنى لمبنى كل ماده حتكون في جهه ..

❤وااااااقي الشمس ...

أنا كنت أستعمل نيتروجينا ومرره كان مريحني رغم أانو بشرتي
دهنيه بس ماكان يدهن علي وحتى فتحني ..

❤ النظاره الشمسيه ....

هادي مهمه لأنو حتتعرضي لشمس وعاد شمس جده مايحتاج نتكلم عنها
بنات التأهيلي مارح يحتاجوا لدي الأشياء لأنو حتكون دراستهم في
مبنى واحد كل محاضراتهم في نفس المبنى
فمارح يتعرضو للشمس الا في وقت الدخول والخروج فقط ..

❤ملابســـــــك ..
االبناطيل ممنوعه
التنانير لالالازم تكون تحت الكعب
البلايز العريان ممنوع

بعض الأحيان يمشوها ومايهتموا وبعض الأحيان يمسكوا البنات
الشؤون وياخذوا بطاقتك أنا أغلب الأيام بناطيل ولكن أكون لابسه عبايه
خخخخخخخخخخخ يعني مخبيه كل شيء ..

حتستغربوا لو قولت لكم انو ثلاث أرباع الجامعه عبايات والقليل مايلبسها فكل واحد وراحته
انتوا جربوا الإثنين وشوفي على اش ارتحتي ..
بس لاتكثروا ملابس أفتكر وحده من بنات العام
قالت اشتريت ملابس مليااااااااان كأنو وحده ماعندها ملابس وفي النهايه يمكن 3 تنورات بس اللي استعملتها
كثروا من البلايز وتكون خفيفه مو ثقيله عشان الحر وخلي لكم جاكيت للكلاسات اللي تكون بااارده
خصوصا في المبنى السابع
ثلللللج وأيام الإختبارات انا في المقدمه قبل كل شيء جاكيتي لأني مع التوتر
أبرد على طول ,

واللي طالعين فيه أكثر شيء في الجامعه التنانير اللي تجي من النوع اللي استرتش واسعه وتكون فوق الكعب بشويه مرره مريحه
والأغلبيه يفصلها حاولت ادور لها شكل أو صوره بس مالقيت ... بس زي ماقولت لكم
كل شيء مريح لاتاخذوا حاجات
ضيقه لانك حتمشي كثييييييير خذوا حاجات عمليه ..
أمس رحت مجمع العرب ولقيتها في ZARA مسوين عليها تخفيض اظن قيمتها هيا اساسا ب ميه وحاجه 140
زي كدا قيمتها بس هو مسويها تخفيض ب 79 فروحوا ألحقوها قبل ماتخلص ..




❤ (فلاتات – جزمه ) اللي يريحك انا في البدايه لبست فلاتات لكن صراحه مررررررره ماريحتني
لأني مااحبها ولا ألبسها فاللي أساسا تلبسها حتنفع لها
للجامعه لأنها مريحه أما انا سبتها ولبست جزمه حق رياضه وفي بنات كثيير يلبسوا جزم يعني من كل ماهب ودب تلاقي كل شيء ..
والمجنووونه فيكم اللي تلبس كعب ..


❤مكيـــــــــــاجك
في البدايه حتكونوا لكم نفس تحطوا لكن حتجيكم أيام الواقي وكحل وروج ومشيتوا
فالمكياج حلو لمن يكون خفيف لانو انتي رايحه جامعه محل دراسه مش زواج ..



❤شنطتــــــــك

شنطتك كبيره وعمليه لأنك حتشيلي كتب حجمها كبير أنا كنت أروح للمكتبه وأخليه يقص لي بس الجزء
اللي حدرسه ويسويها زي الملزمه وهيا بس دي اللي آخذها باقي الكتاب في البيت لأنو الكتاب حجمه
كبييييير وانتي بس امم يعني 200 صفحه اللي حتدرسيها ههههههههه لاتتفجعوا من الرقم ..


النهـــــــــــــــــــــايه //

أي خطأ كتابي أعتذر منه
وبالتــــــــوفيق للجميــــــــع شدو حيلكم ولاتستهونوا بالسنه دي
أنا مااخوفكم ولكنها يبغالها شدة حيل ومذاااكره ..

[Mr.Ambitious]

يديكي الف عافية ع المودوع الاكتر من راآائع

جزاكي الله خير

[بنوته شقية]

الله يعطيكي العافيه موضوع متعوب عليه بجد

[توتو غير]

جزاك الله خير..
ماقصرتي "

[يالله رحمتك]

ياقلبوه تسلمي على المعلومات القيمه هاذي
الله يسعدك ادنيتى خلفيه عن النظام وكل شي

[Dr.Shaikhah]

جزآك الله الف خير