الكليه عجبتني يدرسو فيها طالبات و لا بس طلاب

[رنيم44]

لاتضحكوا على سؤالي
والله من جد الكليه عجبتني
انا احب البحر و الاحياء البحريه
والاسماك و الحيتان
واحب السفن و السفر فيها (اول مره ركبت سفينه دخت)
واللي مايحب هذي الكليه
يتفرج فيلم الكرتون اسرار المحيط في سبيستون
حيحب الكليه

[zozo-23]

ليش محد رد عليكي سوالي نفس سوالك ؟؟؟؟؟؟؟؟؟؟

[pop diva]

هعهعههعهعهعهعهع يا بنت حدودنا اداب و ادارة و اقتصاد اكثر من كدا مافي

فانت في السعودية و ارفعي راسك انك سعودية
بعلمك المحددود

[violin]

اختي الكريمه انا اخر ترم لي في كلية علوم البحار قسم احياء بحريه والله الكليه مره حلوه وجنان بس والله مره تعب وهجوله نروح مثلا رابغ نقعد 4 ايام نسوي مسح لمنطقه في البحر من حيث عدد الكائنات وطبيعة القاع واذا كان في تلوث واحيانا يجينا يوميا ننزل نغوص عشان نراقب سلوك بعض الحيوانات وفيها مواد صعبه ومواد سهله ومع الاسف ومن سوء حظنا مافيها طالبات بس طلاب لانه تخصص متعب جدا وبعض المواد لازم نتطلع في قارب وندخل في البحر المفتوح وننزل نغوص هناك لاستخراج بعض العينات واي سؤال اختي انا حاضر انتي امري واسف اذا كان الكلام ملخبط لاني كتبتها على عجله

[حارس مرمى مصاب]

يعني ما يلتحق بالجامعه الا اللي تخصصه علمي أو طبيعي بالثانويه

[black coral]

الدراسة فقط للطلاب .

[never hide]

اللي يتخرجو منها اش ممكن يشتغلو <<< تحوب اللقافة

و الله كنت اتمنى <<<<طبعا اتمنى اني ادرس فيها و اتجهول في البحر

بس الحمد لله .... درسنا واتخرجنا ونمنا ف بيتنا و الحمد لله

الله يوفق الجميع

[تحت الصفر]

انا اخاف اروح بعثه وادرس الاحياء البحريه من حبي فيها وارجع هنا ويرموني برى لانه مافي شي الشتغل فيه بهذي الشهاده علشان انا بنت

[طارق 20]

لا مافيها طالبات بس طلاب

[ملكة جده]

اموت اموت اموت وادخل علوم بحاااااااااااار

ماتتخيلوا عشقي للبحر قد ايه

كل شئ فيه اعشقه

بس ايش نسوي للعقول السعوديه قال ايه طلاب بس

احس بقهههههههههههههههههههههر
بس اش اسوي
الله يوفقكم