نزول درجات المحاسبه مع العشوائيه في الدرجات

[ابن مجيول]

السلام عليكم ورحمه الله وبركاته

يااخوان انا نزلت لي درجات المحاسبه واخذت 60 يعني ناجح بالدف مع اني كنت واثق بإذن الله درجاتي ماتنزل عن ال 90 درجه واتفاجئ بالنهايه بهذه الدرجه

مع ان فيه واحد من زملائي حصلت له نفس الوضعيه اخذ 61 مع انه متوقع فوق ال 85

ياليت احد يقدر يفيدنا كيف نقدر نراجع درجاتنا من عند الدكتور وماهو الحل في مثل هذا الوضع

مع تمنياتي لي ولكم بالتوفيق والنجاح

[kfooo]

انا متوقع فوق 95
واخذت 70 مع العلم انه احسن اختبار حليت فيه

وش الحل

[من الربع الخالي]

تماما نفس المشكلة..... بالرغم اني في الترم الماضي حصلت على درجة غير متوقعة في مادة التحليل الاحصائي واتصلت عليهم وارسلت لهم فاكس وقالوا لي راح نتاكد ونتصل عليك ولكن للاسف بدينا في السنة الجديدة و قربنا نخلص ولا عندك احد ....... المهم ماضاع في الدنيا مايضيع في الاخرة وشي احسن من لاشيء
وما نقول الا الحمد لله على كل حال ,,, واتمنى لمن لم يحالفهم الحظ التوفيق في المرات القادمة ان شاء الله

[ابن مجيول]

يااخي الكريم الواحد عليه ان يفعل بالاسباب وان يطلب حقه

لان الخطأ وارد من الدكتور او من الموظف الذي يقوم بتسجيل الدرجات

وبصراحه الماده هذي هي اللي كنت معتمد عليها بعد الله سبحانه على رفع المعدل عندي

وانا عندما خرجت من الاختبار كنت ادعوا للدكتور بالخير لانه كان واضع الاسئله بشكل سهل ومبسط ولاكن بعد نزول الدرجات مااقول إلى حسبي الله عليه ونعم الوكيل اللي ضيع مجهود هذا الترم باخطاء بدائيه

بس ياليت من اهل الخبر ه والاختصاص اللي يقدرون يفيدونا كيف نطالب بإعاده تصحيح الدرجات وماهي الخطوات المتعبه فيها

[الأسطورة]

وانا نفس الصدمه وربي ماكنت اتوقع مديني 60 الله لا يسامحهم ضيعوا تعبي ورب المصحف اسهل اختبار كان عندي ومتوقع اجيب فوق 95 بالراحه بس وربي انصدمت بس ماراح اسكت بروح لهم الجامعه والله لاجننهم مع العلم انى ولله الحمد ماقد رحت الجامعه اراجع في درجه ماده وهذا السمستر الثالث لي الله لا يسامحهم وربي عقدوني بس ابي اعرف وين اروح اراجع بالضبط وش الاجراءات كمان

[موفنبيك]

أخوي ابن مجيول

أنا مثلك متأكد اني حال كويس وفي الاخير 60 وحاب اقدم اعتراض الاكتروني وراح انتظر رد منهم خلال اسبوع اذا ماوصلني رد راح اطلع للجامعة وقدم اعتراض على العميد حتى لو اوصلها لمدير الجامعة او التعاليم العالي المهم ماتضيع درجاتي على الفاضي

ياليت اذا احد يعرف كيف اقدم اعتراض الالكتروني يبلغنا ..

[البرنس الذهبي]

انا معطيني f


ماادري من فين جت

[ابن مجيول]

ياشباب نبي تفاعلكم في الموضوع لان هناك ايضآ نفس الموضوع في قسم كليه المنتسبين يتكلم على نفس الاشكاليه

يعني ان كثير من الطلاب قد تضررو من هالماده وليس لشخص او اثنين وهذا دليل على ان هناك اخطاء فادحه في التصحيح او ممن ادخل البيانات

ياليت اصحاب الخبره يقدرون يفيدونا في هالموضوع لكثره المتضررين من هذه الماده

ومانقول إلى حسبنا الله عليه ونعم الوكيل الله لايفوق الدكتور الي ضلم هالطلاب وضيع مجهوداتهم

[wolf of najd]

انا من قسم ادارة اعمال ونفس المشكله صايره لنا عني انا شخصيا هذي المادةكنت حاطها في مخباتي ومعتمد عليها في رفع المعدل وفي الاخير انصدم بالـf والله حرام حسبي الله على الظالم ...

[hssoon]

شكل الدعوه لعب في لعب

الي معدله نازل مايعطونه درجات عالية لانه ممكن يحول انتظام

والي معدله نازل يزودنه عشان يستمر وما يوقف

ماقول إلا حسبي الله عليهم إذا الموضوع في تلاعب أو استخفاف