تجربتي مع البحث والتدريب د. عبدالله الخالدي الاحمدي

[مشوار طويل]

حبيت انزل هذا الموضوع ليس من باب النفاق او اني حصلت على 100

ولكن لان الرجل انصفني واعطاني حقي وزود واكثر من 4 كلهم a و a+
وباقي الطلاب إن شاء الله درجاتهم عاليه



الدكتور الترم الي راح عجزت انا والاخوان المسجلين عنده نلقى مشاركه او موضوع له نعرف كيف طريقة الدكتور ومالقينا

وتوكلنا على الله واخذنا الماده عنده

الدكتور متعاون عن طريق بريده وموظفينه وجواله يرد بأي وقت

وقمة التعاون والاخلاق وراح تلمسو التعاون وكلامي وزود اذا تعاملتو معاه



طريقة الدكتور اذا سجلت عنده يرسل لك عن طريقك بريدك متطلبات البحث وفيها ثلاث خطوات

الخطوه الاوله والثانيه ماهو ضروري تتكون متتاليه

الخطوه الاولى :::: عبارة عن اسئله تتكون من 9 اسئله ,,, خذ الاسئله ورح مكتبة الامير سلمان بجامعة الملك سعود واخل الكلمات المهمه بالكتاب بجهاز البحث الي تحت بالمكتبه
ويطلع لك اسماء كتب سجل اسم الكتاب ورقم الرف والدور
المكتبه تعطيك بطاقة تصور تقريبا 150صوره بعشرة ريال على ما اعتقد
المهم خذ الكتاب وصوره والاهم صور الغلاف الخارجي وصور الصفحات الي راح تتقل منها

الخطوه الثانيه تختار موضوع عام وتكلم الدكتور اذا اعطاك الموافقه
تصمم استبانه على حسب ماهو مبين بمتطلب البحث (( الاستبانه ترتيبب ارقام وليس مقاييس صح وموافق وغير موافق ،،، لازم يكون بالاستماره سؤالين السوال الاول الاسباب والسوال الثاني المسببات للسوال الاول ))

الخطوه الثالثه بعد مايعتمد الدكتور الاستبانه تصورها 100 صور اقل شي وتوزعها على اشخاص وتحاول تعطيها اشخاص فاهمين بشي اسمه استبانه (( يعني تقدر تروح اي جامعه وتلقى طلاب الماستر وتوزعها عليها بيوم واحد تخلصها ))

طبعا كل خطوه لها وقت نهايه بس ووقتها جدا كافي وليس قصير

بعد كذا تروح مكتبه ويحللها لك عن طريق برنامج متقدم للبحوث spss او حمله انت وحللها

واهم خطوة بعد التحليل وبعد ماتطلع لك الانحراف والمتوسط الحسابي
والاهم والي الدكتور يدقق عليه انك تشرح كل الاسباب الي حطيتها بالاستبانه سبب سبب وتبداء بالاهم (الي عطوه الناس رقم واحد الى ان تصل الى اقل اهميه ))


ماهو اجباري ولكن من الافضل دامك تعبت على بحثك انك تغلفه تغليف فاخر
وبالنسبه للاستبانات والمسودات ارفقها لتطمئن الدكتور انك تعبت ببحثك

وانا ماراح اقصر معاكم للطلاب الجادين والراغبين بالحصول على a+
عن طريق جوالي

الدكتور يحب الطلاب الي يناقشه باسلوب راقي ويكون طالب فاهم ويفهم وش يبي منه الدكتور


بالتوفيق

[المرقاب 888]

ألف مبروووك

والله يجزاه خير الدكتور على تعاونه واخلاقه كما ذكرت

وبالتوفيق للجميع

[الحوووووووووووت]

راحت علينا والله يامشووووووووووووار ... طحنا عند الروابده الله يهديه ويسامحه ...

الله يوفقك ومشكور على التوضيح لأخوانك في المستقبل لياخذوا حذرهم ويعرفون يختارون الدكتور المناسب ...

[مشوار طويل]

يرفع

والي مو واضح له كلامي يتواصل معاي وراح افيده

الدكتور مايتفوت للي يبي درجه

بالتوفيق

[جامعي متفائل]

اخوي مشوار مشكور على الشرح والمساعده. سؤال هل ممكن أخذها في الترم الصيفي.

[alzaeeem8]

بأختصار شديد

دكتور رائع أمير بأخلاقه بتواضعه عكس الدكتور حداد اللي كل الناس تدعي عليه
خير مثال جستنيه توفى الله يرحمه والكل يدعي له فرسالتي اوجهه للدكتور حداد كم طالب يدعي عليك والله أني أعرف شباب راحو عمره وأن أحد الطلاب يقول والله ان هدفي من العمره طلب المغفره والدعاء على من ظلمني الا والمقصود حداد.
لكن شوفوا الدكتور عبدالله الخالدي لاتجد طالب الا ويدعي له والكل يحبه ايضاً الحركان الكل يحبه ويحترمه فهل هناك أمل أن يقتدي به من يحملون أسم دكتور ولايمثلون هذا التشريف الأكاديمي؟!

فلله درك أبا معتاد..

[السلطان 4343]

هلا اخوي مشوار
ماقصرت وبيض الله وجهك ولكن انا لست من سكان منطقه الرياض فكيف احصل على ماذكرت وكذلك العمل فيه نوع من الصعوبه في ان اجد الوقت الكافي لاعمل ماقلت فهل من طريقه تساعدني فها لاني في الترم القادم سأضيف مادة البحث عندي

[مشوار طويل]

المشاركة الأصلية كتبت بواسطة السلطان 4343 هلا اخوي مشوار ماقصرت وبيض الله وجهك ولكن انا لست من سكان منطقه الرياض فكيف احصل على ماذكرت وكذلك العمل فيه نوع من الصعوبه في ان اجد الوقت الكافي لاعمل ماقلت فهل من طريقه تساعدني فها لاني في الترم القادم سأضيف مادة البحث عندي

ليس فيها حهد لك

باختصار وماله داعي نوضح اكثر المفترض تفهمها

مر اي مكتبه يجاوبو لك الاسئله واهم شي يصورون لك المراجع وانتبه يحل لك من النت
الاستبيانات اعطي من تثق فيهم كل واحد 30 يوزعوها او شف لك طريقه تعبها ( افهمها )
برضو تحليل الاستبانه والشرح بمكتبه ونت ريح راسك بس مر شيك عليهم باستمرار

بالتوفيق

[farashdi]

الله يعطيك العافية مشوار

هل يوجد عند الدكتور ترم صيفي ؟؟

لاني ناوي اسوي البحث بالصيف افضل وافتك واريح بالي

[روح عصفورة]

مبروك لكل المتخرجين وعقبال الجميع