استفسار بخصوص امتحان مستوى الانقلش لطالبة قدمَت معاملة تحويل لانتظام أمس

[عبير منشي]

السلام عليكم.

امس السبت لما رحت الفيصلية اكمل التحويل والتخصيص في الانقليزي مارضيوا يحولوني بسبب تاريخ شهادتي وطلبوا اكتب معاملة وسألت لو تطوّل الين تطلع نتيجتها قالوا راجعي الاربعاء.

ما قبلوا يكتبوا اسمي مع البنات اللي داخلين انقلش. قالت لي الست الكبيرة اللي لابسة بني (اللي راحو عارفينها) اللي كانت جالسة جنب الاثنين اللي يسجلوا البنات فطاولة لوحدها.. قالت لما تحولي تعالي كملي اجراءاتك بس دحين الافضل تروحي تسددي رسوم انتسابك وتنزلي جدولك!!

حسبى الله ونعم الوكيل عليها. قفلتها فوجهي أو كإنها تهددني انه ماحيكون فيه قبول للبنات اللي شهاداتهم اقدم من خمسة سنين.

المهم يا بنات انا اخذت بكلامهم في العمادة وما طلعت على كلية الانقلش.

ممكن وحدة من اللي رايحين اليوم تسأل لي لو عادي اروح اسجل اسمي مع اللي حيختبروا يوم الثلاثاء احتياطاً عشان لو انقبلت اكون خلاص امتحنت ؟

أم أنهم سيقومون بعمل امتحان خاص للطالبات اللي ينتظروا نتيجة معاملاتهم الأربعاء أو ربما السبت القادم لو العمادة ماشدت حيلها؟!

انا من مكة و مواصلاتي جداً صعبة. ابغى وحدة الله يجزاها خير تسأل لي في قسم الانقلش عند المسئولة عن تسجيل اسماء الطالبات في امتحان المستوى .

قولولها فيه بنات قدموا معاملات تحويل لانتظام ورفضت العمادة تسجل اسماءهم في الانقليزي عادي يجوا يمتحنوا ولاّ تمتحنوهم بعدين لما تطلع نتيجة تحويلهم ؟

تعّبت الأخت رغد مشرفة جنة الحرف هنا و كلفتها تسأل لي كمان . لكن احتياطاً اللي تقدر منكم تسأل يا ليت يا بنات والله :(

ألف شكر ..

[نور الاسلام1]

عبير انا زيك الشهادة قديمة مارحت امس عشان كنت في المستشفى بروح اليوم بس انا قدمت معاملة وتحولت لوحدة القبول والتسجيل وحدة القبول
ماادري بشوف اليوم

[نور الاسلام1]

عبير فين رحتي العمادة اللي بعيدة ولا غرفة التحويل والتخصيص اللي في كلية الاداب

[عبير منشي]

المشاركة الأصلية كتبت بواسطة نور الاسلام1 عبير فين رحتي العمادة اللي بعيدة ولا غرفة التحويل والتخصيص اللي في كلية الاداب

الله يوفقك.. و سلامتك من كل شر. لا حبيبتي بخصوص التحويل من انتساب لانتظام يتم في فمبنى القبول والتسجيل اللي بعيد على قولتك.

و اكمال التخصيص في الانقلش والتسجيل للامتحان يتم في كلية الاداب قسم انقليزي.

ربي يوفقك ويعطيكي اللي تتمنيه يارب وتطلع نتيجتك مقبولة.

ممكن لو سمحتي لو انقبلتي و رحتي تسجلي اسمك فامتحان الانقلش تسألي عن حالتي لو يرضوا يمتحنوني ولاّ لازم انتظر نتيجة التحويل ؟

إلا لو تخصصك مو انقلش فمعذورة .

[عبير منشي]

لا تنسوني الله يخليكم.

[ahlam gha]

عبورة كيفك ي قمر

انا اليوم بروح اسجل اسمي واسال لك ان شاء الله وﻻ يهمك

وبادق عليكي اقلك وش صار معي


والست الكبيرة باين عليها لئيمة هههههههههه
من اول ما شفتها توصوص في اذانيهم فهمت انها مصدر المشاكل في الحياة هههههههه

[عبير منشي]

المشاركة الأصلية كتبت بواسطة ahlam gha عبورة كيفك ي قمر انا اليوم بروح اسجل اسمي واسال لك ان شاء الله وﻻ يهمك

المشاركة الأصلية كتبت بواسطة ahlam gha وبادق عليكي اقلك وش صار معي والست الكبيرة باين عليها لئيمة هههههههههه من اول ما شفتها توصوص في اذانيهم فهمت انها مصدر المشاكل في الحياة هههههههه

ألف شكر حلومة ربي يوفقك .

الست عرفت انها الوكيلة تخيلي !
تربوية و هذا تفكيرها مع البنات. تفكير ارهابي ! كل ماوحدة كتبت معاملة طلب تحويل تقلها انصحك ادفعي رسوم انتسابك وكملي !

[قلم شاعرة]

وانا للحين مجد سكني عشان اتخصص دفعت الرسوم وراجعت هم اكتر من مره واتصلت عليهم كتييييير بس للأسف دون نتيجه حقون التخصص يقولو لزم وتسكين اول وحصون التسكين يقولو تعالي الاسبوع الي يجئ الي يجئ يعني عاده الاسبوع والله مرمطه من مكتب لمكتب ومعالمه إلكترونيه وايميلات دون فايدمدري أش اسوي

[عبير منشي]

المشاركة الأصلية كتبت بواسطة قلم شاعرة وانا للحين مجد سكني عشان اتخصص دفعت الرسوم وراجعت هم اكتر من مره واتصلت عليهم كتييييير بس للأسف دون نتيجه حقون التخصص يقولو لزم وتسكين اول وحصون التسكين يقولو تعالي الاسبوع الي يجئ الي يجئ يعني عاده الاسبوع والله مرمطه من مكتب لمكتب ومعالمه إلكترونيه وايميلات دون فايدمدري أش اسوي

اتصال ع العمادة عمرهم ما ردو على اتصالاتي.
دبري أمورك بكيف ما يكون حتى لو تشوفي لك سواق يوصلك لحد الجامعة بـ 100 لو انتي من برة مكة مو مشكلة المهم لازم تروحي تسأليهم بنفسك والله يعينك و يسهل عليكي.

[ahlam gha]

السﻻم عليكم انا توني جاية من الجامعة انشويت من الشمس وتكسرت رجولي وانا ادوور مكتب رئيسة القسم ولمن لقيت المكتب وقفت استناها لين تخلص من اجتماعها هذا غير الزحمة والكتمة استغفر الله


المهم عبورة هذا الاختبار مو بس للي يبغو يحولو في بنات كثير قاعدين يسجلو اسماءهم

يعني تقدري تجي تسجلي اسمك وتعبي الورقة الي تعطيكي هيا مافي مشكلة اصﻻ ما راح يسالوكي


بالتووفيق ي قلبي