استفسار عن الطب + تهنئة

[Dr.Sosa]

السلام عليكم ورحمة الله وبركاته

كيفكم يادكاترة

إن شاء الله طيبين


أول شي اعرف بنفسي انا خلصت الثانوية ولله الحمد ومابقيلي غير القدرات

فــــادعولي بالتوفيق ^_^


غير كدا انا انشاءالله وبإزن الله رح أدخل الطب انشاءالله

فعندي اسئلة وكدا

لكن قبلها لازم اهنيكم

ألف ألف ألف مبروك لكل الي اتحققت امنياتهم بجد فرحتلكم انا مرررررررا احب اشوف الناس تدخل طب ومنجد افرحلهم الله يسعدكم ^_^

بس ترا بقولكم محا تكونو دكاترة أحسن مني بإزن الله

وأسئلتي

ابغا اعرف كم النسبة تبعت الطب الي قبلوها دي السنة ؟

سمعت انو في ناس كتير انقبلو ؟


والنظام كيف حتكونو لسا اولى طب ولا تانية ؟


وكيف تختارو تخصصكم ؟


والله يوفقكم يارب وتسيرو أحسن دكاترة في العالم
شدوووو حيلكم وارفعو راسنا ^_^


وشكرا مقدما

[rayyan1444]

وعليكم السلام ورحمة الله وبركاته

الله يبارك فيك وعقبالك ان شاء الله ونشووفك دكتوره قد الدنيا

ومبرووووووووووك ليكي على انتهاء امتحانات الثانوية وعسى الله ان يوفقك لما فيه الخير والصلاح


وبالنسبة للقبول اول شي لمن تسجلي في الجامعه راح تنقبلي سنة تحضيرية والسنة التحضيرية هذي تدرسي فيها مواد عامة ( رياضيات فيزياء احياء كيمياء انجليزي حاسب مهارات اتصال و احصاء) وعلى حسب درجاتك ومعدلك تدخلي الكلية اللي تبينها ..

وكلية الطب فيها تخصص واحد عام اللي هو طب وجراحة تدرسيه لمدة سبع سنوات ولمن تنتهي تتخرجي بمسمى طبيب عام ..


وبالتووووووووفيق

[A N G E L]

مبرووووووووووووووك والله على نهاية الاختبارات
ماشاء الله ريان كفى ووفى
بس حبيت اقولك
انو لما تخلصي التحضيري
تدخلي على طول سنة تانية مو سنة اولى
يعني تتخرجي مع اي دفعة طب في المملكة
ومبرووووك مررة تاانية
تقبلي مروري خيتو

[M!ss Mojy]

ياااااااااااااااااااه جالسه اتخيل نفسي لمن كنت زيك السنة الي فاتت ودخلت منتدى الجامعة اقولهم ابغى طب

ياحبيبتي ربي يوفقك وتعدي القدرات على خيــــــــــــــر هوا اختبار سهل وخفيف ان شاء الله يعدي سهالة

وبعدها بإذن الله موزونك يطلع وتنقبلي عندنا في الجامعة تدرسي تحضيري علمي

المواد الي تدرسيها مثل ماقال ريان ...

وطبعا لازم تعرفي انو المناهج انجليزية ولكن الشرح بالعربي

ماعدا مادة مهارات الاتصال مادة بالعربي ....

وامممممممممممم ايش كمان ابغى اقولوا

انتي لمن تخلصي القدرات والتحصيلي ان شاء الله

حاولي تطوري نفسك في الانجليزي اكثررر يعني اقري اشياء انجليزي واهم شي اسمعي انجليزي

وان شاء الله تدرسي السنه التحضيرية وعلى حسب معدلك في السنة التحضيرية تتخصصي في الطب

ومابقولك كم المعدل المطلوب لان هذا يختلف على حسب دفعتك ومعدلاتهم

وعارفه اني طولت في الكلام بس كلووو عشان ابغاكي تدخلي الجامعة وانتي عارفه ايش الي بيصير مو زي حالتنا

واي سؤال ياعسل احنا هنا موجودين ( مسنترين بالاصح) فضااااوه بسسسس

بالتوفيق لك ولكل بنوتات الثانوي ....

[M!ss Mojy]

وي سوري ياعسل من الحماس نسيت ارد على اسئلتك هع

ابغا اعرف كم النسبة تبعت الطب الي قبلوها دي السنة ؟

امممممممم مااعرف بالضبط بس حتى لو قلت لك ماراح تستفيدي شي لانو مثل ماقلت لك

هذا يعتمد على بنات دفعتك ومعدلاتهم

سمعت انو في ناس كتير انقبلو ؟

على حسب الكلام الي قالوه لنا بداية السنه انو كلية الطب تستقبل 150 طالبة

والنظام كيف حتكونو لسا اولى طب ولا تانية ؟

سنة ثانية بإذن الله

وكيف تختارو تخصصكم ؟

بالنسبة لكل الي فالمسار العلمي انفتحت لهم 9 تخصصات

طب_ طب موازي_طب اسنان_ علوم طبية_ علوم طبية ( تمريض) _صيدلة _ حاسب_ علوم _ اقتصاد منزلي

وفي موعد حددتوا لنا عمادة القبول والتسجيل وفتحوا لنا الرغبات واحنا رتبناها حسب رغبتنا
( طبعا كله من خلال الاودس الي هوا موقع نظام الخدمات الاكاديمية للطلاب)

وهذا هو الرابط اذا حابه تشوفيه odus3.kau.edu.sa/students

وبعد كذا على حسب معدلك يتم قبولك ... ممكن يكون قبولك حسب الرغبة الاولى

وممكن لااااا .... كلو توفيق من ربنا

والمفروض ان نتايج التسكين تطلع في رمضان على حسب ماهو محدد مسبقا

ولكن الدكتور مشاط رحمنا وخلى تسكين الطب والاسنان والصيدلة والهندسة الاسبوع الي فات

وباقي الكليات في رمضان ........

اتمنى اني اكون افدتك ياعسل

بالتوفيـــــــــــــق

[dr.coffee]

Dr.mojy كفت ووفت^^

[dr.hope]

ما شاء الله

ريان ومس موجي ما خلولنا شي

بس حاب اقلك

انك في دي السنة حتسمعي كلام محبط كثييييييييييييييييير من الناس

اهم شي لا تسمعيلهم ولا ما راح تحققي حلمك

وان شاء الله تدخلي الطب ونهنيكي زي ما هنيتينا

:)

[Dr.Sosa]

جزاكم الله ألف خير يارب

والله يوفقكم يارب

واستنوني بعد سنة بإزن واحد أحد

تسلمو

[سلطان الهوى العسيري]

السلام عليكم ورحمة الله وبركاتة اهنئكم بقدوم شهر رمضان المبارك وكل عام وانتم طيبين يا دكاترة المستقبل
اعرفكم علي انا طالب سنة تحضرية الخطة ب وما ادري وش قصدهم بالخطة ب حلمي ان اكون دكتور وان شاء الله احققة دعواتكم لي بالتوفيق وبالتوفيق لجميع الدكاترة
والله ماقصرتوا اجبتوا على جميع الاسئلة إلي كانت عندي ماعدا
هل اختبار تحديد المستوى الانجليزي يؤثر على حلمي؟
وهل السنة التحضرية صعبة جدا؟

[واثق الخطا]

اختبار تحديد المستوى مجرد روتين

السنة التحضيرية ليست صعبة