وش الحل مع dn وانا من اول الحاضرين !!

[سمو الروح]

أسعد الله مساؤكم بكل خير . .
والشهر عليكم مبارك وكل عام وانتم بخير . .

في البداية حبيت ابارك للمتخرجين وان يكتب الله لهم التوفيق في جميع امورهم . .
وعقبالنا ان شاء الله والله يوفق الجميع . .

اما موضوعي اللي للان محتار فيه بذكره كـ نقاط . .
من كثر اخطاء الجامعة ولخبطتها صرنا نحط ارقام ونقاط لاخطاءها للتوضيح :

أولاً : وش الحل مع اللي حاطين له DN في مادة انا حاضر اختبارها وحليت ولله الحمد . .
ثانياً : وش الحل مع رصد الدرجات بشكل غير صحيح . .
ثالثاً : (1)- كاتبين لي نوع الطالب : غير مستمر بالدراسة
(2)- حالة الطالب : منقطع دراسياً .
وانا اخر اختبار حضرته الترم اللي فات
الا اذا حاطين ترم جديد من ورانا وانا ماحضرته . .!!

انا للان ارسل لهم مايردون علي . .
ابي الطريقة الصريحة والواضحة للي عندهم خبره بمثل هذه الحركات النص كم من الجامعة الموقرة . .
هل يلزم روحتي لهم ( حسبي الله ) والا اكتفي بمجرد مراسلتهم على المعاملات الالكترونيه . .
لان احد الشباب قال لي يمكن يراجعون الموضوع هناك بالجامعة ويتم تصحيح الاخطاء الصادرة منهم

والله محتار وضايعة الطاسه حيل معي بسببهم . .
افيدونا جزاكم الله خير . .
وبلاش حركة شاهد واطلع بدون رد . .
نبي حركة شاهد وبالرد جاهد . .


للمعلومية انا من الرياض
ومختبر بمنتجع رشوش << سياحة مو جامعة


وفق الله الجميع لما يحبه ويرضاه . .

[سمو الروح]

مشاهدة


ولا أحد رد !!

جزاكم الله الف خير . .

[picasso]

الحرمان dn يا انك ما ضللت رقمك الجامعي بشكل صحيح او دخلت تختبر بشعبة غير شعبتك للنفس الماده ؟!
هذا الي اقدر افيدك ، وما راح يقصروا ان شاء الله بقية الاعضاء ، دمت بخير ..

[سمو الروح]

المشاركة الأصلية كتبت بواسطة picasso الحرمان dn يا انك ما ضللت رقمك الجامعي بشكل صحيح او دخلت تختبر بشعبة غير شعبتك للنفس الماده ؟! هذا الي اقدر افيدك ، وما راح يقصروا ان شاء الله بقية الاعضاء ، دمت بخير ..

شف يالغالي الثنتين اللي قلتها كلها ماشيه معي تمام . .
التظليل وظللنا وكالعادة زي كل المواد اللي معها ومافيه اي مشكله بخصوص بقية المواد
ماطلع لي الا هالمادة !!
يبون نجيب قلم كحل يعلمونا قبل
اما من ناحية الشعبه مايمديك تدخل الا مراقب معك من معهد العالمية او من الجامعة . .
رقمك الجامعي ومكان جلوسك ومادتك !!
يعني حتى العميان مايضيع عندهم . .

الله يعطيك العافيه بالعكس افدتني وجزاك ربي الف خير ورحم والدينك . .

[Staam]

والله انا الترم الاول طلعت لي درجة مادة dn القهر اني حال فيها زين واسمي ورقمي مضللهمولين الرصاص بغى يطلع مع الجهه الثاني . المهم ارسلت معاملات وحركاتهم يردون برساله اتصل على الرقم هذا والرقم هذا . واتصل ع الجامعه ولا احد يرد . واخذ رقم فاكس عميد الكليه ووكيل الكليه وادهر فاكسات وكل اسبوع ارسل فاكس لكل واحد من الاثنين ولا فيه فايدة . اخر شي بحثت عن رقم دكتور المادة واتصل ومايرد الاخ !! بعد كم يوم وانا ارسل فاكس كالعادة للشباب عميد الكليه ووالوكيل الا الدكتور يدق علي . قال وش عندك شرحت له الموضوع قال خلاص اتصل ع الرقم هذا وقله مشكلتك اثرة عطاني رقم السكرتير . والحمدلله رصدت الدرجه بعد 3 ايام . يعني لاعميد ولا وكيل كلها تحت رحمت ربي ثم رحمة الدكتور . عاد شف وشلون توصل له واتمنى لك التوفيق . واسف ع الاطاله ولكن حبيت اشرح لك وش صار بالتفصيل عشان ماحد يتوهك .

[الباحث018]

تواصل مع دكتور المادة بالهاتف أو مقابلته شخصياً، ويصلح لك الدرجة
هذا ما حصل معي في الترم الماضي ، وتم تصحيح الدرجة .
وسلامتك وفالك النجاح ان شاء الله

[سمو الروح]

المشاركة الأصلية كتبت بواسطة الباحث018 تواصل مع دكتور المادة بالهاتف أو مقابلته شخصياً، ويصلح لك الدرجة هذا ما حصل معي في الترم الماضي ، وتم تصحيح الدرجة . وسلامتك وفالك النجاح ان شاء الله

حيل الله اقوى مالنا الا نتواصل . .
الله يعطيك العافيه ويرحم والدينك يالغالي . .


ماقصرتوا جميعاً رايتكم بيضاء

[سمو الروح]

ياليت احد يفيدني شلون اجيب رقم دكتور المادة . .

عارف تعبتكم معي شويات . .
بس لكم دعوة بظهر الغيب . .

وفق الله الجميع . .

[سمو الروح]

المادة اسمها / السلوك الانساني في المنظمات bus 102
اعتقد للدكتور الغمري . .

احد يعرف رقمه . .
او يفيدني شلون اطلع رقم الدكتور كما سبق . .

جزيل الشكر مقدماً . .

[سمو الروح]

الحمد لله تعبثت بموقع الجامعة ولقيت البيانات الخاصة بالدكتور . .
راح احط الرابط . .
إفادة للجميع ولمن يبحث عن الدكتور نايف صلاح عبدالله الغمري . .

http://www.kau.edu.sa/CVEn.aspx?Site_ID=0001719&Lng=AR

دعواتكم ،،،