مساعدة في الجدول .. محتاااجتكم ^_^

[ahmadi1]

السلام عليكم ورحمة الله و بركاته ..

أنا طالبه مستجدة اعمال و محتااااره ايش انزل مواد هادا الترم .. المفروض باقيلي ترم و اتخصص لكن أجلت مواد فزاد عليا ترم عشان أخلص عدد الساعات اللازم و اتخصص ..
فأرجو من الناس اللي عندها خبرة يساعدوني في جدولي .. المواد المتأخرة عندي acct 213 , bus 220 , والخطة للترم دا فيها تسويق و تمويل و نظم معلومات و انجليزي و ثقافة ..
أبغى انزل المواد اللي أقدر ارفع فيها معدلي ..و تكون متناسبه مع بعض من حيث الصعوبه ..

أسفه على الاطالة و اتمنى أنكم تساااعدوني .. شكرا

[باور هورس]

اجلي التمويل

وخذي ال 6 الباقي الادارة والتسويق والنظم كلها نظري التمويل والمحاسبة مسائل والمحاسبة أشوفها أسهل الثقافة والانجلش معروفة

[Hannah smith]

وعليكم السلام و رحمة الله
مممم كل المواد هذي تقريبا مقدمة لتخصص معين
و اتوقع لازم تخلصي المادة عشان تتخصصي بالتخصص
يعني اذا كنتي تبغي محاسبة ف لازم تكوني مخلصة محاسبة 117 و محاسبة 213
فهو على حسب التخصص اللي تبغيه
مثلا اذا تبغي نظم .. خذي نظم و ادارة و محاسبة و ثقافة و انجليزي
تسويق كلو كلام و النظم و الادارة كذلك ف رح تتعبي اذا كان عندك مشكلة بالحفظ و نزلتيهم كلهم
و التمويل و المحاسبة فهم مع شوية حفظ
بالتوفيق يا رب

[ahmadi1]

شكرا على ردودكم.. الله يسعدكم يارب ..ايوا انا ناويه اتخصص نظم باذن الله بس ان شاالله انزل مادة سادسه كمان عشان اجتاز عدد الساعات المطلوب .. الله يسهلنا جميعا يارب