سؤال لجميع لطالبات الانجليزي

[om_assil]

سؤال اتمنى الاجابة عنه هل تخصص الانجليزي صعب ولازم دروس خصوصية وكرف ولو الواحد مجتهد ويحب التعليم ويحب يتعلم كل شي جديد ممكن يعتمد على نفسه وينجح ويجيب معدل عالي ولا المعدلات العالية في تخصص الانجليزي مستحيلة علشان حاجز اللغة ولو الواحد اجتهد ممكن يخلص الجامعة فكم سنة وشكرا لتعاونكم حتى قبل ماتردولي

[رويده عباس]

على حسب

اتوقع انه مو صعب ولا سهل هو على حسب الحصيلة اللغوية الي عندك

و المعدل بينزل شويه في البداية لكن اعتقد انو راح يرتفع بعد المستوى الرابع

[om_assil]

شكرا اختي الكريمة لانك انتي الوحيدة اللي عبرتيني ورديتي

[om_assil]

اخواتي سالت السؤال من سنه وجزاكم الله خير برجع اسأله مره تانيه وان شاء الله احصل رد زين
طبعا بعد ما روقنا وخلصنااختبارات

[ركن المشاعر]

جميع استاذات قبل التخصص قالولنا اللي تفكر تدخل انجليزي يكون عندها لغة من قبل مو تدخل القسم وهيا ما عندها خلفية بالانجلش لانو ترا مو سهل وكل الاقسام صعبة مافي شيء سهل بس بالنسبة للانجلش لازم يكون عندك خلفية باللغة

[jojo opss]

هلا اختي

انا بتكلم عني وعن زميلاتي اللي معي بالقسم اللي آعررف آرائهم مسبقاً ومعاناتهم

القسم صعب مو سهل المجهود اللي تعطينه للإنجليزي لو تعطينه بأي قسم ثاني درجاتك بتكون عاليه ومعدلك ماراح يتأثر

الإنجليزي صعوبته مو بالمنهج والمواد صعوبته بالأسئله في إختبارات تدخلينها وإنتي ماتعرفين وش بيجي بالإختبار

الرايتنج الريدنج نص الإختبار من الكتاب والنص الثاني من برا المنهج

والرايتنج إنتي وحظك ممكن يجي بالإختبار موضوع ماعندك خلفيه عنه ومظطره تكتبين

.
القصه المسرحيه كل هذه المواد تحتاج قدره على الكتابه ومخزون كلمات كبير

إنتي سألتي وانا جاوبتك بصراحه كل زميلاتي مستوياتهم مختلفه من حيث الدرجات والإستيعاب والحفظ

ورغم كذا بيحملون مواد واللي عدت مستوى ثالث ورابع وخامس تتعثر بالمستويات اللي أعلى
.
إنك تحبين اللغه الإنجليزيه شي وإنك تدرسينها شي ثاني

ولا تقارن دراسة المعاهد والدورات الخارديه بدراسة الجامعه أبداً أبداً
وإذا تفكرين تلتحقين بالقسم لازم تهيأين نفسك على أشياء كثيرهـ تعتبر من سلبيات القسم
عموماً مستوى المناهج أعلى من مستوى الطالبات وحصيلتهم اللغويه هذه شئ مفروغ منه والصعوبه هنا إن المناهج بتتغير كل سنتين امكن ومع كل تغيير بتصعب أكثر من قبل
على إن الإختبار هو أصعب مرحله ممكن تواجهينها
ولا تتوقعين زي باقي الأقسام حذف وتلخيص ومراعاهـ أبداً كل هذه مافي

.

كلامي سلبي آدري لكن إنتي سألتي وأنا جاوبتك بصراحه وهذه رأي أكثر من طالبه بقسم الإنجليزي


أتمنى أكون آفدتك بسؤالك

[آخر ماتبقى]

المشاركة الأصلية كتبت بواسطة jojo opss هلا اختي انا بتكلم عني وعن زميلاتي اللي معي بالقسم اللي آعررف آرائهم مسبقاً ومعاناتهم القسم صعب مو سهل المجهود اللي تعطينه للإنجليزي لو تعطينه بأي قسم ثاني درجاتك بتكون عاليه ومعدلك ماراح يتأثر الإنجليزي صعوبته مو بالمنهج والمواد صعوبته بالأسئله في إختبارات تدخلينها وإنتي ماتعرفين وش بيجي بالإختبار الرايتنج الريدنج نص الإختبار من الكتاب والنص الثاني من برا المنهج والرايتنج إنتي وحظك ممكن يجي بالإختبار موضوع ماعندك خلفيه عنه ومظطره تكتبين . القصه المسرحيه كل هذه المواد تحتاج قدره على الكتابه ومخزون كلمات كبير إنتي سألتي وانا جاوبتك بصراحه كل زميلاتي مستوياتهم مختلفه من حيث الدرجات والإستيعاب والحفظ ورغم كذا بيحملون مواد واللي عدت مستوى ثالث ورابع وخامس تتعثر بالمستويات اللي أعلى . إنك تحبين اللغه الإنجليزيه شي وإنك تدرسينها شي ثاني ولا تقارن دراسة المعاهد والدورات الخارديه بدراسة الجامعه أبداً أبداً وإذا تفكرين تلتحقين بالقسم لازم تهيأين نفسك على أشياء كثيرهـ تعتبر من سلبيات القسم عموماً مستوى المناهج أعلى من مستوى الطالبات وحصيلتهم اللغويه هذه شئ مفروغ منه والصعوبه هنا إن المناهج بتتغير كل سنتين امكن ومع كل تغيير بتصعب أكثر من قبل على إن الإختبار هو أصعب مرحله ممكن تواجهينها ولا تتوقعين زي باقي الأقسام حذف وتلخيص ومراعاهـ أبداً كل هذه مافي . كلامي سلبي آدري لكن إنتي سألتي وأنا جاوبتك بصراحه وهذه رأي أكثر من طالبه بقسم الإنجليزي أتمنى أكون آفدتك بسؤالك

احسنت كلامك جميل

[nour al3mr]

حيـــــــــآك الرحمن ..~

قسم الإنجليـــزي وخفايــــــآه الممتعة ..

حقيقـــــــة من يريد الدراسـة في القسم لابد أن يمتلك خلفية جيدة و سعة إطـلآع و إدراك بأهم محـاور هذه اللغـــة ..
قدرة على الكتـابة و التعبير .. قراءة بكثف و تطلع لكل ما هو جديد .. التكلم و المخاطبـة باللغة شفويـاً وبطـلآقة .. مراعــــاة الكتابة النحوية وخلوهـآ من الأخطـاء الإمـلائية .. كمية واسعة من المصطلحات الأكاديمية و المفردات..

في حال تملكهــــــا ستستطيعي بعون من الله اجتيـآز المواد البيسـك الأولية في التخصص بسهولـة و الأمـر سيـان مع مواد التخصص المتقدمــــــة لكنها تفرق أنها تعتبر جديدة كمـادة الصوتيات مثلاً هي شبيهه بعلم التجويد .. ويعتبر جديد هذا العلم إلى أن يتم تعلمه ..

فالقسم يستند على معرفتك و على تعلمك للجديد ..

يحتـاج تفرغ و صبر .. و اجتهـاد مضاعف أكثر من الأقسـام الآخرى ..

المهم أن يكون لديك حـآفز ودافع للعلم و النفع و الفـائدة ..

حيث أنه لايوجد تخصص سهـــــــل .. لكن من الأجدر القول أن هـــنـآك تخصص يتطلب مجهود مضاعف عن غيره .. ولكل مجتهد نصيب ..

مايخص عدد سنوات التخـرج فذلك يعتمد على عدد السـاعات التي تقومي بإنزالهــــــا في جدولك ..
من بعد المستوى الخـآمس ستفتح لك جميع مواد الخطة الدراسيــــــة وهنـآ يمكنك إضافة ماشئت ..
لكن طبعـاً لا ينصح بالتعجل و إضافة كم هائل من المواد في الترم الواحد حيث أن لكل مادة متطلباتها التي تحكر الطـالبة على التفرغ للمذاكــــرة ..

ولك القرار بعد الإستخــارة ..

كتب لك الرحمن خيــراً و أرشدك للخير و الصواب ..

[mazon]

الردود تخوف

بصراحه انا عندي رغبه قوية تنصحوني ادخل ..!!

وتعلم اللغة الانجليزية احد امنياتي في الحياة

[nana.GSG]

الاخوات كفو ووفو ماشاءالله عليهم
اهم شي اللي يحب يتخصص انجليزي يحط في بالو ان القسم يدرّس ادب ولغويات مو يدرّس اساسيات اللغة
يعني اللي يتخصص لازم يكون عنو لغة ع الاقل مستوى متوسط قريب للممتاز (قرأة وكتابة)واركززز ع الكتابة لانها عقبة في طريق اغلب الطلبة
اللي يبى يدخل القسم عشان يتعلم لغة مارح يستفيد غير اذا قوى نفسو بنفسو

موفقين