القراءه 1 يا أهل الخبره ومن اجتازوها

[نجمal]

بسم الله الرحمن الرحيم

عندي بعض الاشكاليات في هذه الماده ومجلدها ( ويالله انا عليك ما اكثر كلماتها ودشها )

تفائلنا خير مع الاستاذ مشاري ولكن الماده يبغا شغل مو بسيط وعند المذاكره ما عرفت كيف الم فيها

رغم ان منتدى الملخصات كفى عن كثير من الجهد الله يجزاهم خير



يا اهل الخبره افيدونا بافضل طريقه للالمام بهذه الماده مع ملاحظة ضيق الوقت

وكذلك عندي اشكال في paraphrese and summarize ودي بتوضيحها وشرحها مع الامثله والله لا يضيع لكم تعب

[ahmed-1]

الله يعينك على المادة الغثية

اهم شي فيها هو حفظ اكبر قدر من الكلمات

[نجمal]

المشاركة الأصلية كتبت بواسطة ahmed-1 الله يعينك على المادة الغثية اهم شي فيها هو حفظ اكبر قدر من الكلمات

وش نحفظ وش نخلي مع الاستماع واللغويات الله يعين بس

اسال الله ان يعننا ذا الصيف

[المسعودي الهذلي]

الله يعينك اخوي نجم .. تصدق السؤال اللي محيرني للحين

اني مدري كيف عديت هالماده للحين ماني مصدق

بس الدكتور معقوله ماحدد لكم شيء في الدوره التاهيليه ..

*أهم شي احفظ الكلمات وتعاريفها والمرادف والمضاد

موفق

[نجمal]

المشاركة الأصلية كتبت بواسطة المسعودي الهذلي الله يعينك اخوي نجم .. تصدق السؤال اللي محيرني للحين اني مدري كيف عديت هالماده للحين ماني مصدق بس الدكتور معقوله ماحدد لكم شيء في الدوره التاهيليه .. *أهم شي احفظ الكلمات وتعاريفها والمرادف والمضاد موفق

هلا وغلا فيك اخوي ابو الوليد والله تحديد الي عليه الكلام ما فيه وننتظر احد يفيدنا في السمري والبرافريز

والاخوان الي عندهم هالماده عندي سؤال بالنسبه للمترادفات / انا ما لقيت الا الي في صفحة 115 مدري فيه غيرها وبالنسبه للكلمات وتعريفها هل نكتفي بالكلمات الموجوده تحت القطعه

المشكله حضرنا الدوره التاهيليه وما كاننا سوينا شي

[المسعودي الهذلي]

المشاركة الأصلية كتبت بواسطة ahmed-1 الله يعينك على المادة الغثية اهم شي فيها هو حفظ اكبر قدر من الكلمات

أبو حميد وين الناس .. من طول الغيبات جاب الغنايم

عسى ماخلاف بس ... ولا مالك بالصيفي

[ahmed-1]

المشاركة الأصلية كتبت بواسطة المسعودي الهذلي أبو حميد وين الناس .. من طول الغيبات جاب الغنايم عسى ماخلاف بس ... ولا مالك بالصيفي

هلا وغلا بحبيب الكل

والله ما هنا غنايم ،، والصيفي مالي فيه
مخليها شتوي انا

الله يعطيك العافية وييسر الأمور ،،،،،

[sherlock]

مواد الريدينق من أغث المواد فعلاً
وتحتاج وقت طويل لمذاكرنها كونها مليئة بالكلمات الواجب حفظها
الدكتور يمدحونه وانت في هالحاله اجتزت النصف
باقي النصف الاخر عليك بالكلمات الي تحتها نقط والموجودة اسفل الكتاب
لاتنزعج منها حاول تقرأها بتمعن لان الحفظ صعب جداً مافيه وقت
وركز على التمارين الموجودة وحلها وهذا الاهم كون الاستاذ مشاري يأتي بالاسئلة بالنص من الكتاب

تعديها سلام سلام .. توكل على الله وروق حالك

[نجمal]

المشاركة الأصلية كتبت بواسطة sherlock مواد الريدينق من أغث المواد فعلاً وتحتاج وقت طويل لمذاكرنها كونها مليئة بالكلمات الواجب حفظها الدكتور يمدحونه وانت في هالحاله اجتزت النصف باقي النصف الاخر عليك بالكلمات الي تحتها نقط والموجودة اسفل الكتاب لاتنزعج منها حاول تقرأها بتمعن لان الحفظ صعب جداً مافيه وقت وركز على التمارين الموجودة وحلها وهذا الاهم كون الاستاذ مشاري يأتي بالاسئلة بالنص من الكتاب تعديها سلام سلام .. توكل على الله وروق حالك

الله يجمل حالك ويطمنك ولكن ما في احد يشرح لنا السمري والبرافريز مع الامثله

[Ayman14]

ال Paraphrase هو انك تعيد صياغة الجمل( التلاعب بالقواعد وتغير الكلمات بكلمات اخرى مشابه بالمعنى ) بطرقتك الخاصه بحيث تكون مختلفة عن الجملة الاصلية مع الابقاء على الكلمات الرئيسية. اهم ميزة لل Paraphrase ان يكون بنفس حجم القطعة الاصلية, يعني لو اعطيك قطعة من 3سطور ال Paraphrase حقك لازم يكون تقريبا 3 سطور

ال summary هو الملخص المفيد من القطعة بحيث تأخذ النقاط المهمه بدون الشرح الزايد. اهم ميزة لل summary ان يكون اقصر بكثير من القطعة الأصلية, يعني لو اعطيك قطعة من 3 سطور ال summary حقك لا يزيد عن سطر ونص.

ما ادري قدرت اوضحها لك ولا لا؟ ان شاء الله اقدر اجاوب على اسئلتك