استفسار عن قسم تصميم داخلي... :)

[smooth Hanno]

مرحبا..:)

معليش حابه اعرف كم شي من اللي عندهم خبره..

دحين انا مستوى تالت..وتخصصي انجلش وانتساب..وابغى احول انتظام واحول من قسمي وادخل قسم تصميم داخلي..بس ابغا اعرف ايش الاشياء اللي تدخلني القسم..يعني لازم معدل معين او اني اكون علمي او شي زي كدا؟؟

بليز اللي عندها خلفيه عن دا الموضوع لاتبخل عليا..

شكرا..:)

[ساكنه في بيتنا]

مرحبتين :) ..

التصميم مسار علمي .. المعدل اتوقع 3- 3,5 أو أكتر ما اعرف

شوفي دي المواضيع ان شاء الله تفيدك بشي ..

http://www.skaau.ws/vb/showthread.php?t=9951

http://www.skaau.ws/vb/showthread.php?t=52524

[Roa'a]

بالنسبه للأشياء اللي تدخلك القسم
انو معدلك يكون فوق ال3
و تدخلي اختبار المهارات وعليها تتم المفاضله
بس انت خلي معدلك عالي لأنو بياخدوا بأعلى المعدلات المقدمه

و طبعا لازم تكوني علمي
^_" موفقه ..

[smooth Hanno]

تسلمو ياعسل ع الرد على موضوعي..

تيب معليش بس بنت خالتي بتقولي انو صحبتها داخله القسم وهيا ادبي..انا عشان كدا حسيت انو في امل اني ادخل..

بس مدام دوبكم قلتولي انو بس علمي فخلاس مااعتقد اني حدخل..ع العموم مره شكرا..والله يوفقكم في القسم يارب..:)

[ساكنه في بيتنا]

يب :)


من زمان كان للعلمي و الأدبي بس تحين قسموا الأقسام ما ادري على اي ساس شي للعلمي و شي للأدبي ..

[Roa'a]

ايوه من السنه هادي صارا لقبول في القسم بس للعلمي للأسف
لكن زمان كان القسم للاثنين الادبي والعلمي

=)