(تجمع طالبـــــــات المستوى{5-6}--لنقل اخبار الدورة التاهيلية )

[ام حمدان]

	السلام عليكم ورحمة الله وبركاته عزيزاتي طالبات الانتساب طيب الله اوقاتكم بذكره سيكون هذا الموضوع خاص بنقل اخبار الدورة لمواد المستوى الخامس والسادس التي ستبدا بإذنا الله يوم السبت الموافق19/5 /1432 هـ والمنعقده في مقر الجامعه وارجو من الطالبات اللاتي سيحضرن الدورة عند كتابه اي خبر عن موادهم كتابة اسم الماده ورمزها في بدايه الرد بالالوان المحدده كالتالي : مواد المستوى الخامس اللغويات 321 - مقدمة في الادب 341 - مقدمة في الترجمة 350 -مناهج بحث331 مواد المستوى السادس ادب القصه (فكشن) 342 - المسرحية (دراما)343 -الصوتيات(فونيتكس)332 - الصرف (مورفولجي) 333 - النحو (سينتاكس)334 ملاحظات هامه : 1- سيحذف اي رد خارج عن الموضوع مباشرةً اما ردود الاستفسارت المكرره ستحذف بعد ان تتم الاجابه عليها وردود الشكر والدعاء سيتم حذفها بعد مرور يومين عليها 2- اي استفسارات خارجه عن الموضوع يرجى كتابتها هنا http://www.skaau.com/vb/showthread.php?t=373089 3- هذا رابط فهرس القسم وهو دليلكم الشامل لكل الروابط المهمه في القسم فقبل كتابه استفسار عن رابط معين الرجاء الاطلاع عليه وستجدون به الروابط التي تهمكم مثل روابط المواد المفيده وروابط اسئله الاختبارات السابقه وروابط التجمعات الخ جميعها موجوده هنا http://www.skaau.com/vb/showthread.php?t=373089 وفي الختام اسئل الله ان يجعل هذا الفصل حافل بالنجاح والانجازات للجميع

[ام حمدان]

lane331مناهج بحث

مس نجوى الغريبي شرحت شابتر 1 وباقي لنا شوي فيه ونخلصه المحاضره الجايه كل الكلام الي ذكرته عن الشابتر موجود في الكتاب ماجابت شي جديد ولغة الكتاب سهله اقروه وراح تفهموا الشبتر بيتكلم عن ايه

تقول بشكل عام انا ما ابغاكم تحفظوا الشرح الموجود في الكتاب تحت كل نقطه افهموا فقط الكلام وبتقدروا تختصروا المهم فيه باسلوبكم

يعني اقراو واحفظوا النقاط الهامه في كل شابتر والنقاط الي تحتها والشرح الدش الي تحت كل نقطه افهموه فقط واستنبطوا المهم منه
الكتاب دسم لانه بيسهب في الشرح لكن لمن نقراه بفهم راح نميز الشي المهم فقط في كل نقطه ونعرفه ونقدر نصيغه باسلوبنا لمن نجاوب في الاختبار
وحسينا من كلامها ان الاسئله بتكون مباشره وبتطلب امور واضحه وبديهيه وماحتتعمق كثير
ولسى مع المحاضرات الجايه راح يتضح لنا كل شي

اهم نقطه في المحاضره
انها تكلمت عن البروبوزال (مقترح البحث ) الي مفروض نعمله
قالت تبغانا نتكلم عن عمل ادبي قصه او روايه بس ماتكون قصيره حتى نقدر نلقى فيها افكار نتكلم عنها او مشاكل نناقشها
وماتبغى البحث يكون عن اللغويات او اي من فروعها قالت تبغاه عن عمل ادبي فقط
ومااعطتنا تفاصيل كثير قالت حتبدا معنا خطوه خطوه
وطلبت مننا نرسل لها ايملاتنا ضروري على هذا الايميل حتى ترسل لنا الخطوات خطوه خطوه وتفهموا في كل خطوه ايش تعملوا وبتكون فيه مهله محدده لارسال كل خطوه وتصححها وترجعها خلال المهله لو لقيت شي غلط يعني تعطيكم فرصه تاخذوا الدرجه الكامله وتتعلموا من اخطائكم
lane331research@gmail.com



تقول اكتبوا اسمكم في الرساله ورقمكم الجامعي
ولو عندكم اي استفسار عن البحث نفسه
او حابين تسئلوها عن القصه او الروايه الي بتعملوا بحثكم عنها والمفكره الي حابين تتكلموا عنها فيها فعادي اسئلوها وإن شاء الله بترد عليكم

ضروري الكل يرسلها حتى توصلكم الخطوات


بالتوفيق

[ѕυрзя пıdσ]

كفيتي و وفيتي يا ام حمدان الله يسعدك

يابنات مين كتب الكلام الي في عرض الدراما ؟؟؟

وقالت المس حتجيبو في الاختبار ولا لا

[white rose]

الصرف (مورفولجي) 333
المحاضره الاولى -مس منى البلوي
ودعواتكم يا حلوين

[رؤى م.]

السلام عليكم ورحمة الله
كيفكم بنات..الله يقويكم يارب

اليوم اخدت اول محاضرة ادب والين الان الحمد لله كلو تمام
ارتحت للاستاذه حسيت اسلوبها جديد و متطوره

بس قالت اشترو كتاب الادب الي بميتين و شويه.. انا ما عندي مشكله
بس قلت اسألكم اول ؟؟ لاني ما سمعت البنات يتكلمو الا عن الملزمه الي فيها النصوص
والشروحات من النت !!

فهل يا عزيزاتي يستاهل الشرح الي في الكتاب اني اشتريه ؟
وهل لو اشتريته برضو حنزل شروحات النت ؟؟

شكرا لكم =)

[غاية مرادي]

رؤى مايحتاج تشتري الكتاب نزلي اللي معانا من النت وبس
واذا حابه تشتريه كمرجع لك انت حره

[cute*soso]

سبآآحكم عسل ي بنات

محاضرة الفونتكس 332
مس ليلى
اسم الكتاب A course in Phonetics

الاستاذة مدري كيف بسراحة احسها مو محضرة من بدري تحوس كل شوي تقرا من الكتاب بعدين ترتب كلامها

ما اطول عليكم الكلام اللي شرحته في الملف المرفق
وفيه كلام قرته من الكتاب عشان كيذا ما كتبته لانه موجود في الكتاب وهي شرح اجزاء الفم والحنجرة و..

[white rose]

lane331مناهج بحث
ملف مس نجوى اللي ارسلتو على الايميل

[ام حمدان]

ترجمة 350 مع دكتورة ابتسام باجري

اليوم اول محاضره

بصراحه ارتحت للاستاذه باين عليها طيوبه وماتحب التعقيد وتراعي والله يبعد عنها وعننا كل من يستقصد يعسر علينا

قالت لنا اننا مطالبين بالكتاب بالكامل لازم نقراه ونفهمه ومااعرف اذا في شي لازم ينحفظ لانها ماوضحت كثير للان

وقالت ماتعرف طريقة الامتحان كيف بتكون لسى مااتفقت مع القسم وراح تبلغنا المحاضرات الجايه كيف ممكن تكون اسئلة الامتحان هل هي من الكتاب او برى او الاثنين معاً ولسى مانعرف القواميس الي ممكن ندخلها في الاختبار كله بتقولنا عليه المحاضرات الجايه إن شاء الله

الكتاب طبعا هو نفس الي موجود اسمه في المفردات وهذا اسمه
اسس الترجمه
المؤلف عز الدين نجيب

قرات لنا من الكتاب وشرحت نفس الكلام الي فيه اخذنا من اول صفحه الى ص 38 وقفنا عند (الجمع والافراد والتثنيه)
يعني طول المحاضره بتقرا معنا من الكتاب ونكتشف الاخطاء الموجوده في بعض الترجمات ونحاول معاها نفكر في كلمات مناسبه لتصحيح الترجمه
وقالت لازم نعرف الفروقات بين الكلمات الاميركيه والبريطانيه
لكن مااعرف كيف بتجي بس قالت لو جابتها بتجيب شي واضح ومو معقد
عندكم جدولين في ص 30 و31
حاولوا تحفظوه احتياط مع اغلبه اتوقع حافظينه
لغايه مانفهم منها اكثر الامور المهمه والي لازم تنحفظ
بشكل عام في الترجمه نحتاج يكون عندنا حصيله كلمات كثيره فماراح نخسر شي ان حفظنا شي حتى لو مطلوب نحفظه حتى نوفر على نفسنا عناء البحث عنه في القاموس يوم الاختبار


الكتاب مرره اسلوبه واضح ومسهب في الشرح يعني تقدروا تفهموا منه كل شي وفيه كل الاخطاء الشائعه اقرؤه وراح تفهموا كل شي وحتى فيه قطع مترجمه تقدروا تتدربوا عليها لو موحابين تمسكوا شي من خارج المنهج
انا عن نفسي بمشي عالكتاب وبتدرب بس على الي فيه اشوف الكتاب كفايه ويادوب نلحق عليه

وإن شاء الله المحاضرات الجايه اي نقاط هامه بتقولها سواء عن الامتحان او امور لازم تنحفظ راح ابلغكم

موفقين جميعا يارب

[رؤى م.]

المشاركة الأصلية كتبت بواسطة ام حمدان ترجمة 350 مع دكتورة ابتسام باجري اليوم اول محاضره بصراحه ارتحت للاستاذه باين عليها طيوبه وماتحب التعقيد وتراعي والله يبعد عنها وعننا كل من يستقصد يعسر علينا قالت لنا اننا مطالبين بالكتاب بالكامل لازم نقراه ونفهمه ومااعرف اذا في شي لازم ينحفظ لانها ماوضحت كثير للان وقالت ماتعرف طريقة الامتحان كيف بتكون لسى مااتفقت مع القسم وراح تبلغنا المحاضرات الجايه كيف ممكن تكون اسئلة الامتحان هل هي من الكتاب او برى او الاثنين معاً ولسى مانعرف القواميس الي ممكن ندخلها في الاختبار كله بتقولنا عليه المحاضرات الجايه إن شاء الله الكتاب طبعا هو نفس الي موجود اسمه في المفردات وهذا اسمه اسس الترجمه المؤلف عز الدين نجيب قرات لنا من الكتاب وشرحت نفس الكلام الي فيه اخذنا من اول صفحه الى ص 38 وقفنا عند (الجمع والافراد والتثنيه) يعني طول المحاضره بتقرا معنا من الكتاب ونكتشف الاخطاء الموجوده في بعض الترجمات ونحاول معاها نفكر في كلمات مناسبه لتصحيح الترجمه وقالت لازم نعرف الفروقات بين الكلمات الاميركيه والبريطانيه لكن مااعرف كيف بتجي بس قالت لو جابتها بتجيب شي واضح ومو معقد عندكم جدولين في ص 30 و31 حاولوا تحفظوه احتياط مع اغلبه اتوقع حافظينه لغايه مانفهم منها اكثر الامور المهمه والي لازم تنحفظ بشكل عام في الترجمه نحتاج يكون عندنا حصيله كلمات كثيره فماراح نخسر شي ان حفظنا شي حتى لو مطلوب نحفظه حتى نوفر على نفسنا عناء البحث عنه في القاموس يوم الاختبار الكتاب مرره اسلوبه واضح ومسهب في الشرح يعني تقدروا تفهموا منه كل شي وفيه كل الاخطاء الشائعه اقرؤه وراح تفهموا كل شي وحتى فيه قطع مترجمه تقدروا تتدربوا عليها لو موحابين تمسكوا شي من خارج المنهج انا عن نفسي بمشي عالكتاب وبتدرب بس على الي فيه اشوف الكتاب كفايه ويادوب نلحق عليه وإن شاء الله المحاضرات الجايه اي نقاط هامه بتقولها سواء عن الامتحان او امور لازم تنحفظ راح ابلغكم موفقين جميعا يارب

السلام عليكم ورحمة الله عزيزتي
حبيت بس اقولك شي يريحك في حال كان اختباركم نفس اختبارنا الترم الماضي وهو-قطعتين وحده عربي ووحده انقلش وتترجمي كل وحده للغه المقابلة- وتدخلي معاكي الدكشنريهات

ترا الموضوع جدا بسيط وما يحتاج خوف ولا تعقيد انتي بس تحتاجي تسوي خطه لنفسك قبل الاختبار عشان تقسيم الوقت

انا عملت براكتس في البيت اني اخلي للقطعه الي تترجم للعربي نص ساعه و باقي الوقت عشان القطعه التانيه

وتدربي يدك على فتح الدكشنري عشان تحصلي الكلمات, لانه بعض الدكشنريهات تترجملك مصدر الكلمه مو نفس الكلمه في الزمن المضارع مثلا

ونصيحه لوجه الله لا تكتبي بالمرسام ههههههههههههه
لاني اتورطت الترم الي فات من ضيق الوقت

طبعا هادا كله لو كان اختباركم زي اختبارنا وما اتغير عندكم شي