طريقة تعبئة التوصيات العلمية للطلاب الخريجين .. صورة

[أبو فاتن]

السلام عليكم ورحمة الله

سألوني أصدقاء كثير داخل وخارج المنتدى عن طريقة تعبئة نماذج التوصيات العلمية للطلاب الخريجين خصوصاً بعد ماتغير نظام التوصيات وصارت مطبوعة ومختومة وجاهزة بالقسم وماعلى الطالب إلا إنه يملأ الفراغات كما هو موضح بالصورة المرفقة باللون الأحمر كلاً حسب مايختاره هو من حيث :

* بيانات الطالب باللغة العربية + اللغة الإنجليزية ..
* مسمى المادة ورمزها ..
* أفضل درجة حصل عليها الطالب رقماً ورمزاً ..

فحبيت إنه الكل يطلع عليها وإن كنت أعلم بأنها ليست بتلك الصعوبة ولكن ربما يهتدي بها من أضل الطريقة يوماً ما











تمنياتي للجميع بالتوفيق والنجاح

[نصيب]

جهد جبار كالعادة أبا فاتن ...خدمك المال والبنون ..

سؤالي مثل هذه التوصيات هل هي متاحه لكل الطلاب بغض النظر عن التقدير او المعدل ؟

وهل هي مهمة بشكل عام أو أنه فقط لمن يرغب بإكمال الدراسات العليا؟


الله أدعوا ان يعانقك التوفيق ديناً ودنيا...

[حسوون العولقي]

جززززاك الله خيراً يابو فاتن

حتى بعد تخرجك وانت مازلت ينبوع لاينضب لطلاب هذا المنتدى ..

جعلها الله في ميزان حسناتك


وأمدك بطول العمر وسعه الرزق والدرجات العلى في الدنيا والإخره..

[أبو فاتن]

المشاركة الأصلية كتبت بواسطة حسوون العولقي جززززاك الله خيراً يابو فاتن حتى بعد تخرجك وانت مازلت ينبوع لاينضب لطلاب هذا المنتدى .. جعلها الله في ميزان حسناتك وأمدك بطول العمر وسعه الرزق والدرجات العلى في الدنيا والإخره..

هلا وغلا بأخوي الغالي حسون ..


فديتك وفديت نبل مشاعرك


من طيبكم تعلمنا الله يحفظك


الله يجزاك الفردوس الأعلى ويجزاك الف خير ياغالي

[أبو فاتن]

المشاركة الأصلية كتبت بواسطة نصيب جهد جبار كالعادة أبا فاتن ...خدمك المال والبنون .. سؤالي مثل هذه التوصيات هل هي متاحه لكل الطلاب بغض النظر عن التقدير او المعدل ؟ وهل هي مهمة بشكل عام أو أنه فقط لمن يرغب بإكمال الدراسات العليا؟ الله أدعوا ان يعانقك التوفيق ديناً ودنيا...

هلابك أخوي نصيب

وجزاك الله كل خير ربي يحفظك


بالنسبة لسؤالك الأول .. نعم متاحة لجميع الطلاب بغض النظر عن التقدير أو المعدل

أما من حيث الأهمية فهي مهمة للدراسات العاليا أما غيرهم لا .. ولكنها بنفس الوقت شي حلو تكون معاك يمكن تحتاجها بيوم من الأيام




تحياتي العظيمة لك

[aboodi70]

يعطيك العافية وتستحق الشكر
لكن هل املأ نموذج لكل مادة او لا..!؟ ومتى ابدأ اسويها الحين ولا بعد الوثيقة
وهل يشترط ان التقدير ممتاز..!؟
ووين اوديها للدكتور او السكرتير!!؟
وهل هناك اوراق اخرى زي هذي تنفعنا لو صلحناها خصوصاً اللي يبي يكمل دراسته..

[bebow]

نفس سؤال اخوي aboodi70
هل يتم استلام التوصيه قبل او بعد التخرج ؟؟
وجعل الله ماتقدمه في ميزان حسناتك

[أبو فاتن]

المشاركة الأصلية كتبت بواسطة aboodi70 يعطيك العافية وتستحق الشكر لكن هل املأ نموذج لكل مادة او لا..!؟ ومتى ابدأ اسويها الحين ولا بعد الوثيقة وهل يشترط ان التقدير ممتاز..!؟ ووين اوديها للدكتور او السكرتير!!؟ وهل هناك اوراق اخرى زي هذي تنفعنا لو صلحناها خصوصاً اللي يبي يكمل دراسته..

المشاركة الأصلية كتبت بواسطة bebow نفس سؤال اخوي aboodi70 هل يتم استلام التوصيه قبل او بعد التخرج ؟؟ وجعل الله ماتقدمه في ميزان حسناتك

ياهلا وألف مرحبا الله يحفظكم

بالنسبة للنماذج .. نعم نموذج توصية منفرد لكل مادة من المواد اللي تبي عليها توصية وهي المواد اللي تكون حاصل فيها على درجات عالية
وتاخذونها الله يوفقكم بعد إستلام الوثيقه واستخراج السجل الاكاديمي
بالنسبة للتقدير مو شرط ممتاز عادي اهم شي عندك كم مادة درجاتكم فيها عالية
وهالنموذج لاتودونه ولا تجيبوبه لانكم بتلقونه مطبوع جاهز بسكرتارية القسم الخاص بكلية كل طالب
أما بالنسبة إذا فيه أوراق أو لا للطلاب اللي ناويين يكملون دراستهم خصوصاً بالخارج فلم يتبقى لهم سوى وصف المقررات باللغة الإنجليزية




وبالتوفيق لكم يا شباب

[ابو بدر 2009]

المشاركة الأصلية كتبت بواسطة أبو فاتن ياهلا وألف مرحبا الله يحفظكم بالنسبة للنماذج .. نعم نموذج توصية منفرد لكل مادة من المواد اللي تبي عليها توصية وهي المواد اللي تكون حاصل فيها على درجات عالية وتاخذونها الله يوفقكم بعد إستلام الوثيقه واستخراج السجل الاكاديمي بالنسبة للتقدير مو شرط ممتاز عادي اهم شي عندك كم مادة درجاتكم فيها عالية وهالنموذج لاتودونه ولا تجيبوبه لانكم بتلقونه مطبوع جاهز بسكرتارية القسم الخاص بكلية كل طالب أما بالنسبة إذا فيه أوراق أو لا للطلاب اللي ناويين يكملون دراستهم خصوصاً بالخارج فلم يتبقى لهم سوى وصف المقررات باللغة الإنجليزية وبالتوفيق لكم يا شباب

فعلا انا سويتها العام لواحد من الزملاء بقسم ادارة عامه ووقعت ثلاث مواد من مدير القسم ولكن يفضل ان ياخذ الطالب توصيات منه عدة دكاتره بالقسم.

[أبو فاتن]

المشاركة الأصلية كتبت بواسطة ابو بدر 2009 فعلا انا سويتها العام لواحد من الزملاء بقسم ادارة عامه ووقعت ثلاث مواد من مدير القسم ولكن يفضل ان ياخذ الطالب توصيات منه عدة دكاتره بالقسم.

بيض الله وجهك أخوي ابو بدر ماقصرت

وفعلاً تقدر تاخذها مطبوعة بأسماء مختلفة للدكاترة