وشرايكم .. بمادة تاريخ العلوم العربية والإسلامية hist 334 - (( مادة حرة ))

[الدريبي1]

السلام عليكم ورحمة الله وبركاته ..

ياجماعة انا اخترت المادة كمادة حره في جدولي هالترم وبصراحه لقيت لها ملخص حوالي 30 صفحة في قسم التاريخ . طبعاً المادة دكتورها محمد الطاسان

لكن السؤال

هل فيه احد منكم اخذ المادة قبل كذا .. ؟
وكيف كان الإختبار هل كان اختياري ام مقالي .. ؟
وهل هي سهله أو لا .. ؟
وهل الملخص الموجود يكفي للمذاكره ..؟



ياليت ياليت احد منكم يفيدنا
اسال الله ان يجزاه الجنة ..

اخوكم الدريبي

[فواز الميموني]

انا اخذتها في الترم اللي راح الأسئله صعبة جدا جدا نصيحة أخ لاتأخذها

[ضلع طويق]

نصيحه من واقع تجربه لاتستشير احد بالمواد الحره ابد
الماده اللي تناسبك وتشوف انها مريحه بالنسبه لك اختارها ولاتشاور
والله يوفق الجميع .

[tareq14]

والله انا اخذت مادتين حره عند الدكتور الفاضل عبدالعظيم شمسان

مشروعات عامه ملخص 45 ورقه

معتمده من الدكتور ويقول ماراح يطلع منها االاختبار

[خالد((معدلي))]

شباب تكفون نبغى معلومات اكثر عن الماده والدكتور لاننا منزيلينها ماده حره

[حـسـن]

انا نزّلتها كمادة حرة ايضاً , اتمنى اللي درسوا المادة يفيدونا اكثر

شكراً جزيلاً

[فواز الميموني]

انا أخذتها الترم اللي راح وكانت الأسئله صعبه جدا ولا واحد طلع من الإختبار مبسوط.. تقريبا 75% جايبين 60 بالدف هذا اللي حبيت اقوله والله يوفق الجميع

[حـسـن]

المشاركة الأصلية كتبت بواسطة فواز الميموني انا أخذتها الترم اللي راح وكانت الأسئله صعبه جدا ولا واحد طلع من الإختبار مبسوط.. تقريبا 75% جايبين 60 بالدف هذا اللي حبيت اقوله والله يوفق الجميع

لو تكرمت اخوي , الصعوبة كانت في عدم وضوح الأسئلة والا في كثرة الأسماء والتواريخ ؟
هل كانت كلها اختيارات والا فيه صح وخطأ ؟

شكراً لك

[فواز الميموني]

الإسئله كانت إختيارات متعدده وكلها اسماء وليس فيها تواريخ والله يوفق الجميع

[saaudi]

اسئل مجرب انا اخذتها الترم اللي راح عند الطاسان ومذاكر من الكتاب بصراحة كانت الاسئلة قمة التعقيد والطلبة كلهم طلعو متذمرين جدا .........انا ما انصحك فيها...........والاسئلة كانت كلها اختيارات وعلا فكرة كنت متوقع احملها ومع انها حرة لكن جت سلامات واخذت 60 حسبي الله علية