وش رايكم باالبلو تووث

[بنت حلوةودلوعة]

أحب أعرف وش وجهة نظر كل واحد منكم لبرنامج البلو تووث وشلون يحب يستخدمه لو كان عنده بصراحة

[نضال]

اداة بأمكانها تغير نمط حياتنا اذا ما استخدمناها بطريقة صحيحة ,,

فهي اكثر من مجرد ارسال مقاطع الفيديو كليب و الصور بالجوالات ,,


الأن بمكاننا ربط جميع اجهزة المنزل بالبلوتوث ,,, ابتداء من الكمبيوتر الى الرسيفر الى الأجهزة السمعيه الى الهاتف ,,

حتى باب الجراج بأمكاننا نفتحه عن طريق البلوتوث ,,

انا من المعجبين بتقنية البلوتوث

[x_bioc]

اول شي احب اشكرك على الموضوع المثير دا الي بصراحة كان في بالي و انت سبقتيني فيه يا دلوعة

يالله مبرووك عليكي ... و انا اتمنى انو الكل يشارك فيه و انت على راسهم

__________________________________________________

بالنسبة للأخ نضال يا ريت تجيني على مسنجر الياهو نتفاهم ...يا ابو جراج انت .. حبكت تفتح الجراج

بالبلوتوث يا اخويا ... كسلان تمسك الريموت كنترول و تغط زر ... قلي كمان نرمي ريموت الرسيفر

و نقعد نتضارب عالقنوات كل واحد يشتغل عاد ببلوتوثه ... و هيا حلني غرفة القعدة حتسير فللوجة

والله ناقص تقووول ... يسوويكو اسنانهم بالبلوتوث ... و يسحبو السيفون بالبلوتوث ... و يقضو من السوبر

ماركت بالبلوتووث ... يا حبيبي ايش الدلع دا

حلو ست البيت ترسل بلوتوث لجارتها تقلها بالله ارسليلي حزمة بقدونس و كم حبة بندورة و ادا عندك

ليمون عشان اسوي السلطة للراجل .......... ههههههههههههه و احلى شي لمن ترسلها مسج تقلها شوفي

البتاتيع قدام باب بيتكم ..........

اخويا نضال لا تزعل مني ترا الريموت حق الرسيفر مو داك التعقيد ،،،، و الجهزة السمعية و التلفون نمشي حالنا بلاسلكي

و الكمبيوتر نمشي حالنا بي يو اس بي كيبل ,,, ترا اسرع من البلوتوث بمراحل

__________________________________________________

انا حبدأ يا دلوعة في موضوعك و حاركز في نقطتين مهمة جدا و هي :

النقطة الأولى :- هل ستؤثر موجات البلوتوث تأثير سلبي على الانسان على المدى البعيد ؟!!

بصراحة انا ما لسسا ما أطلعت على ماهية البلوتوث او ايش نوع الاشعاع المستخد فيه ،

بس أسواء الاحتمالات واردة - أغلب الناس يشغل البلو توث بمجرد انو يخرج برا البيت ، يعني

لو لا سمح الله الاشعاع يأثر عالانسان " مثلا عالجهاز العصبي أو انو يسبب العقم " بنسبة 0.01 %

تخيلو الطفل الي عمرو 12 سنة و يستخدم البلوتوث بعد 20 سنة كيف حيكون وضعو ؟!!!

النقطة دي تحتاج للاطلاع و البحث و الله اعلم .....



النقطة الثانية : كم شخص منا حيدخل النار بسبب البوتوث ؟!

بالله محد فيكم فكر بالذنوب الي بتجينا من ورا البلوتوث ،،، نسبة ضئيلة جدا بتستخدمو في الخير

اما 99.9% بيكسبو من وراه ذنوب ....

ما تعرفو انو من أعظم الذنوب هتك اعراض الناس و التشهير بهم .... و اقرب مثال قصة برجس

مين فينا ما سمع عنها ... القصة سارت قبل سنتين و ماحد كان داري عن طقاعهم ايش فضحهم غير

البلوتوث ، و انا واحد من الي اتداولو الفلم .. و اطلب من الله انو يسامحني و يغفرلي ..

والله العضيم يا اخوان الفلم و صل لندن ..... انتو احكمو بنفسكم ,,, و قيسو عليها باقي الافلام

من اغتصاب و كسر عين و عربدة و سكس ،،، و الي اوقح من كدا بعض الي يرسلك فلم السكس لبلوتوث

في مكان عام .... تخيلو توصل لبنت ، او طفل و الطفل يروح يوريها لأخوانو و اخواتو ... بالله في احد

يرضاها على اهلو ... غير الشباب الي فاضحين صاحباتهم بالصورة و رقم الجوال عليها ... بالله احنا

مسلمين ادا بنسوي الاشياء هذي ... و ازيدكم كمان البلوتوث دا ريح الجرارين و القوادين ... بدال ما

يشيل البوم الصور معاه مكان ما يرووح و يجي دحين الكتلوج في استديو الجوال ... يا سلام

و غير الغش الي في الامتحانات ،،، و غير الكلبات الي تفقع البيض ،،، يجوك شوية هبل يستخفو

قال يبغو يضحكونا ،،، مين شاف المطوع ابو دقن الي يرقص راب ،،، ايش الهبل دا ،،، و الا التاني

الي مسويلك كلب نانسي عجرم ,,, يا عيني ,,,, والله الاطفال ما بيسو الحركات دي


دا كوللو كوووووووووم و الي يرسل فيروسات كوم ،،، ايش الناس جايبة فلوسها من الشارع

ايش قلة الحيا دي ,,, بالله مو حرام جهاز بالملعونة اختها فلحظة يخرب



انا هاذا رأيي ف يالبلوتوث و يا ريت يشيلوووه و يفوكونا من شرروو




ترا في بدايل كثير ،،، للي يبغو يرسلو مستندات او ارقام تلفون يستخدو الانفرا رد ابركلهم


معليش طولت عليكم بس يا ريت اشووف رأي الجميع ف يالموضوع دا و الي يعابطني راح اعابطو


برب

[x_bioc]

معليش فيه اخطاء مطبعية في رددي السريع هوا ايش الفرق بين الرد السريع و الرد على الموضوع ؟؟


الاخطاء المطبعية :
و الجهزة السمعية >>> الاجهزة السمعية

بصراحة انا ما لسسا ما أطلعت >>> شيلو ال "ما"

ريح الجرارين >>> ريّح الجرارين

الكلبات >>> الكيليبّات

كلب >>> كليب



في حاجة نسيت اقولها ايش رايكم بحكاية الترقيم الي بالبلوتوث ... في شباب مساكين

عارضين اسم البلوتوث بي رقم الجوال .... على بالهم حيشبكو .... هههههههههههههههههه

ابصملك بالعشرين مع اصابيع رجولي " الله يكرمكم " محا تجيكم بنت حلوة لو تتمنطرو .... حاتجيك

شاكوشة او مطرقة ..... طيب ادا ما جاتكم تشادية أو جاوية .... يعني برضو البنت عنده نظر

حتقول في نفسها لو الواد حلو و وسيم ما كان احوج نفسو انو يعرض رقمو لي كل من هب و دب


ملاحظة ::: ترا منتشرين اليومين دي عالبلوتوث " القيز GAYS " الشاذين الخكر بالعامية


انتبهوو منهم ,,, خاصة ادا كان رقمك مميز ،،، ترا يتشعبطو فيك ،،، على بالهم انك


كاش و معاك سيارة سبور و كبينة عالبحر و شكشكة لووووووووووووووووووووووووووووووووول


الله يشفيهم

يالله شكلي مصختها

في امان الله

[x_bioc]

معليش في غلط مطبعي كمان في الرد الثاني

البنت عنده نظر >>> البنت عندها نظر


والله شكلو النظر عندي ضعف ... يا رب استر

[نضال]

يا بو الشبااااب,, احد يرد على 3 مرات ؟؟؟

ايش هو ؟؟ بتلعب قيم طائرة انت ؟؟

بعدين مين اللي هقص عليك و قلك ان البلتوث اشعاع و انه يجيب العقم و الكلام دا؟؟

يا ابو الشباب البلوتوث موجات اف ام ,, لها تردد منخفض جدا ,, عمرك شفت واحد يسمع راديو يجيله عقم ؟؟؟


ايشبنا ؟


و بعدين انت قاعد تتكلم عن الأنفرا رد ؟؟
بطلوووووووه

كح كح ,,

اولا الأنفرا رد بطيء في نق البيانات ,, ثانيا لازم تلصق الجهازين جنب بعض حتى يبداء النقل ,,

ثالثا ,, ثبت علميا ان الأنفرا رد له مضار و انه يسبب السرطان ,, و لعلمك الأنفرا رد فكرته هي نفسها فكرة الريموت كنترول ,,

على الاقل ,, البلوتوث ماله اضرار صحية ,,

بالنسبة للجراج اللي على قولك حبكت افتحه بالبلوتوث ,,

فهو افضل من انك تشيل ريموت كنترول بكبره في سلسلة مفاتيحك ,, و تغير بطارية كل فترة و التانيه ,,

اقلها انك بتفتح الجراج من نفس الجوال ,,

و لعلمك ,, اجهزة الـ ATM " الصراف الآلي " بتعتمد في المستقبل على تقنية البلوتوث بحيث انها تخدم اكثر من شخص في نفس الوقت ,,

كل دي من فوائد للبلوتوث ,, جاي تقول ياليت يشيلوه ؟؟

طيب ليه ما يشيلو الأنترنت ؟؟ ماهو فيه مواقع اباحية ,, و قضية برجس اللي انت تتكلم عنها ما طلعت الا من النت ,, و برجس نفسه اول ما نزلها نزلها على النت ,, ما سمعته يقول عطني الاب توب بسرعه ؟؟

يا بو الشباب ,, روق المنقا

[x_bioc]

يعني اخويا نظال تبغا تقنعني انو بني عرييييب يبغو يستخدمو البلوتوث على مزاجك


يا ابويا الكلام دا قولو لمن تحج البقرة على قرونها


و يا ريت تفتح عيونك و تقرا ايش كتبت

النقطة دي تحتاج للاطلاع و البحث و الله اعلم ..... يعني ما حبيت اتفلسف فيها عشاني ما اعرف

و فرضت فرضية و مشكوور عالمعلومة و بالفعل انا سألت و قالولي موجات اف ام


انبسط يا عم ...

و كلامك عن البلوتوث ما عليه غبار كلام حلو و جميل ...

ولكن اخوي نضال !!!!

انا مع القاعدة الشرعية الي انا و انت و دلوعة و فلان و علان درسناها في المدارس الي تقول :

" درء المفاسد مقدم على جلب المصالح " ما اعتقد انو عندك اعتراض على النقطة دي


بالنسبة لقولتك برجس نشرها بالانتر نت .... انا معاك

بس بيني و بينك بدري علينا نحتفل بآخر أممي قرأة و كتابة ... (زي اليابانيين) فما بالك

كمبيوتر ... و حلني ادا احتفلنا بآخر امي انترنت قبل عام 2050 المنطق بيقول كدا


البلوتوث و يالله الخراج ..... و لو مو الفساد اللي فيه ما كان اتعلمووه الشيّاب و البزوره قبل الشباب


و لو جيت تقارن عدد البلوتوث اللي تترسل في اليوم بي عدد الداون لود او الايميلز بصفة عامة

يعني طيبها و بطّالها .. في بلدنا الحبيبة حتلاقى مافي مقارنة


اعرف شباب كل يوم يروحو المقاهي و الكافيييهات و الاماكن العامة عشان يشوفو آخر البلوتوووثات


يا عمي الشغلة كلها ذنوب X ذنوب و انت اكيد عارف الشي دا


و الانتر نت يا حبيبي مدينة الملك عبدالعزيز مسيطره عليه بتعمل حجب لمواقع السكس باآلاف يوميا

و انترنت ارامكو الي هيا ارامكو عاملة مراقبة ... و لو اثبتو على موظف انو دخل على موقع اباحي

فيها تحقيق و يمكن يحرمووه من الخدمة .. و مو بعيد يطردوووه



يا سيدي المسلم غيوور على دينو و عرضو و اذا انت الطالب الجامعي منتى جي تقتنع انو البلوتوث فساد

و تقلي ايش معنا الانترنت برضو فساد .. ايش حيقولو الشياب و الاطفال الي أخدين فكرة سيئة عن الانترنت

من غير ما يشوفووه



يا حبيبي 100 % من طلاب جامعاتنا بيستخدمو الانترنت في جداولهم ..

و 75% يمكن اكثر بيعتمدو على الانترنت في بحوثهم ...

و الشركات و البنوك و المؤسسات و رجال الاعمال .... كوللو بيمشي أمورو بالانترنت ...

تقلي فساد .... يا حبيبي الناس الي بتدور الفساد في الانترنت نسبتهم لا تذكر ....

اغلبهم مراهقين و عالم صييع داشرين ... و المسألة ما تطول معاهم .. كلها سنتين و يشبع غريزتو

و يعقل ... و ما يدور عالى الفساد ...

يا حبيبي لا تحاول تبررلي الكلام الي انت جالس تقولو .... كلامك دا يا ريت تحفظو في المستندات

و انساه ... و ادا ربنا طول في اعمارنا بعد 20 او 30 سنة .. ديك الساعة نزلو في المنتدى

حتلاقي ناس يوقفو في صفك .......


يا ريت الاخوان يشاركونا في المصيبة دي .... ترا انا و انت شكلنا محا نجيبها البر

هههههههههههههههههههههههههههههههههههههههههههههههههه هههههههههههههه

امزح معاك يا ابو الشباب


بس هوا حل من الاثنين يا انا اقنعك او انت تقنعني


استنى ردك بفارغ الصبر .... يا ابو جراج بلوتوث هههههههههههههههههه ما ادري ايش الثيم الي منزلها

على جراجكم لووووووووووووووووووووووووووووووووووول ترا امزح ... لا تزعل

[Markteing Man]

السلام عليكم ورحمة الله وبركاته

إخواني لا تخرجوا برا الموضوع , خلو النقاشات الجانبية الى اقسام ثانية , مجرد ملاحظه لا أكثر .

انا رأي ان هذي التقنية رائعة جدا , ولكن المشكلة تكمن في كيفية الاستخدام , لو نظرنا الى الانترنت لوجدنا انه بحر فيه ايجابيات وسلبيات والتلفزيون والسيارة , اذا كلما كان هناك وعي وادراك من قبل المستخدم كان ذو فائدة اما اذا كان المستخدم لهذه التقنيه جاهل , لا يقدر الاختراع , لا يقدر النعمة فلن ولم يعي اهميتها وسوف ينتقل الي الاستخدام السئ للتقنية .

شكرا

[نضال]

Markteing Man


اذا عندك اقسام ثانية ممكن ننقل لها النقاش يا ليت تعطيني اسم القسم او الرابط حتى ننقل النقاش فيه ,,

x_bioc


انت جبت احصائيه اعتمدت فيها على تخمين من عندك
=================

حبيبي 100 % من طلاب جامعاتنا بيستخدمو الانترنت في جداولهم ..

و 75% يمكن اكثر بيعتمدو على الانترنت في بحوثهم ...

و الشركات و البنوك و المؤسسات و رجال الاعمال .... كوللو بيمشي أمورو بالانترنت ...

تقلي فساد .... يا حبيبي الناس الي بتدور الفساد في الانترنت نسبتهم لا تذكر ....
===========================

ارجع للأحصائيات في مجال الأنترنت ,, و بتشوف ان نسبه المراهقين اللي يستخدموا الأنترنت نسبتهم فوق 80%

و اذا على قولك اغلب اللي يدخلوا الأنترنت " على الأقل في العالم العربي" يدخلوه للأعمال !!! روح ادخل للشات ,, و شوف اللي بيحصل هناك ,,

شوف المواقع العربية و طلع لي كم نسبه المواقع العلمية و المواقع الترفيهية ,,


90% من مواقعنا ترفيهية ,, و ارجع للأحصائيات و اسأل عنها بنفسك ,,


انت تتكلم عن منع تقنية ؟؟؟

افغانساتان و الهند في عهد غاندي هي من الدول اللي حاولت تتقوقع على نفسها و تمنع التقنيات و تمنع الأنفتاح على العالم الخارجي ,, و النتيجة انها صارت دول متخلفة !!

الشغلة الثانية ,,

انت شفت كيف الأوربيين يستخدموا البلوتوث حتى تحكم اننا اسئنا استخدام التقنية ؟؟

حبيبي اذا انت عندك مشكلة في اسخدام التقنية فحاول تحل المشكلة مع نفسك بدل من منعها عننا جميعا ,, فأنت منت مسؤول عن البنت اللي تطلع مع خويها و تخليه يصورها و هي عارفه ان جواله فيه بلوتوث ,,

ولا انت مسؤول عن الولد اللي يحمل المقاطع الأباحية من زملائه و يكسب ذنوب و معاصي ,,

[x_bioc]

الكلام الي ما يعجبك لا تقراه ..... ترا انا و نضال بنحل مشكلة ما بنتسلى هنا .... يعني ادا حابب

تدخل معانا الله يحيك ..... ما تبغى مافي داعي تتعدى حدودك ... اوكي



خلينا في موضوعنا ...

اول حاجة حابب اقلكم هيا انو لا يوجد وجه مقارنة بين بحر الانترنت و قطرة البلوتوث

دا شي و داك شي ثاني ... و يا اخويا نضال .. شكلك انت ما بتقرى سطر و تسيب سطر

يا اخي انا قلتلك ... ان الي بيدورو الفساد في النت هما العاطلين و المراهقين الي انت بتقول عليهم

و بالنسبة للعالم الي بتستخدم الانتر نت للترفيه اغلبهم طلبة ... و دا من ابسط حقوقهم

يعني صعبة يذاكر طول وقتو .... لازم من الترفيه ... و خصوصا انو ما وراهم مسؤليات ..

و بالنسبة للنسب الي انت قلتها شوية صعبة .... ما ادري مين اللي بيخمن انا والا انت ....

يا حبيبي معقولة 80% مراهقين ... و اقتصاد العالم كوللوو قائم على ال 20%

يا حبيبي ... 90% من صفحات الانترنت تدخل في البزنس حتى مواقع الاباحة فيها بزنس


انت تستهون بالدعايات الي تتعرض في الصفحات ... يا حبيبي سيبنا من موضوع الانتر نت

و خلينا في موضوعنا ...


==============================================

حبابي ... انا معاكم انو تقنية البلوتوث رائعة و انها دخلت عالم الاتصالات من اوسع ابوابه

كلامكم سليم 100% ...


بس على قول Markteing Man

90% من مستخدمين البلوتوث في السعودية او (العالم العربي ) جهلة ما يفهمو شي في التطور و الحضارة

اقتباس Markteing Man
(((( اما اذا كان المستخدم لهذه التقنيه جاهل , لا يقدر الاختراع , لا يقدر النعمة فلن ولم يعي اهميتها وسوف ينتقل الي الاستخدام السئ للتقنية ))))

و ال 10% الي بيستفيدو مننو هم المستشفيات المتطورة - و بعض الشركات - و بعض الاشخاص

المعدودين و غيرهم ...

يعني لو قسناها على مستوى الافراد حنلاقيها محصورة بين بلوتوث جوال و كمبيوتر

و الحاجتين دوول استخدام البلوتوث فيهم غالبا ما يكوون سلبي ....


يعني تقدرو تقولو .... بعد 20 ممكن سنة بالقليل ممكن نستفيد من الخدمة هادي زي الاوروبيين



انا بتكلم عن الواقع ......... لا تنسو انو احنا في جدة و ف يالشرقية ... و لسسا التقنية دي ما دخلت بيوتنا

و جراجاتنا (( انبسط نضال )) ههههههههههه وهدا شي طبيعي ...


الناس اكتفو ببلوتوث الجوال و الكمبيوتر ... يعني اخدين الحكاية ترفيه و اشباع غرائز

اقتباس نضال
((( انت شفت كيف الأوربيين يستخدموا البلوتوث حتى تحكم اننا اسئنا استخدام التقنية ؟؟ ))))

شفت الاوروبيين يا اخويا بس متا نسير زيهم ...


اقتباس نضال
((( انت تتكلم عن منع تقنية )))

انا بتكلم عن منع بلوتوث الجوال بصفة خاصة ..... طبعا حيكون المنع من داخل الأسرة

يعني شي دخل عالمنا صعب اننا نمنعو ....



و على فكرة ترا انا اتمنى انو نطلع من طوق العالم الثالث ... و نواكب الحضارة ... و نماشي الاوروبيين

في حضارتهم .... و صدقوني انا حكون من اوائل الناس الي حيستفيدو من تقنية البلوتوث الي بتقولو عنها


و إن شاء الله لمن افتح بيت اول حاجة اعملها اركب بلوتوث على الجراج و في الندرة

و الدخلة حافتكرك يا نضال ..... هههههههههههههههههههههههههههه


معليش عالاطالة و يا ريت تكون و جهة نظري وصلتلكم ... سلام