موقع كلية السـلامه ( فرع البنات )

[راسيه]

السـلام عليكم ..

كيفكم جميعــاً أتمنى تكونوا بأتم الصحه والعــآفيه ..

انا بس عندي إستسفار عن موقع الكليه اللي بالسـلامه ..

فين بالضبط ؟؟

اللي عنده خلفيه لاهنتوا بليز يقول .. لأني سألت اهلي بس ماأتحدد لي فين بالضبط ..

وهل المبنى قديم ولا جديد .. يعني كم له تقريبـاً .. ؟

وهل صحيح إنهم بنوا مبى خـآص للتحضيري فقط ..؟؟

أتمنى القى جواب .. واللي عنده معلومـآت إضافيه ياريت يقول لنا ..

الله يجزاكم خير .. ويفرج عنكم همومكم .. !!

في إنتــظآر الردود ..

[راسيه]

استنى ردودكم الله يسعدكم ..

[دلوعـ أبوها ـة]

وانا كمااان انتظر ردوودكم..
الله يخليكم .. اللي عند اي معلومة لا يبخل علينآ :$

ننتظركم..

[دلــ بــسنع ــع]

امم
انا سالت وقالوا لي جديد وفاتحينه بس للسنه التحضريه
والموقع ياليت اتفيدوني استنى

[Dr.heba]

فرع البنات هييا اصلن كانت كلية التربية تابعة لجامعة الملك عبد العزيز قريبة من دوار الهندسة

هوو حطووه بنات التحضيري عشان الضغط اللي علجامعة بس لممن نخلص التحضيري حنروح علجامعة نفسها على القسم اللي تبغيه والمبنى مو جديد قديييم

[Dr.heba]

بس يقولو الفصول جديدةومعدات جديدةوتجهيزات جديدة بس هووا مبناه قديم

[راسيه]

بس هم قــآلوا انه المبنى جديد ..

=(

يلا اهم شي نحول ع الجامعه بعدين .. إن شــآء الله ..

بعطيك الف عــآفيه يالغـلا ع الإفادهـ ..

بس لسه انتظر وصف الكليه تمام .. عشان ماأضيع لمن اي اروح .. !!

[Th4m3r]

السلام عليكم

بأشرح لك بالظبط من طريق المدينة

تروحي من طريق المدينة متجهه شمال يعني رايحة للمطار
و يوم يجيكي تقاطع صاري مع المدينة خش من تحت الكوبري و أتجهي يسار
كأنّك متجهه ع البحر

و إنت في شارع صاري
تتجهي تعدّي أول و ثاني و ثالث إشارة تقريبا
بتلاقيها ع اليسار
هي مررررة كبيرة بس المشكلة جوا الحارة يعني مغطية عليها عماير
وقفي إسألي أي محل يعرفونها بالظبط وين هيا و هي مررة قريبة منهم خلف المحلات

تحياتي

[! نغم !]

المشاركة الأصلية كتبت بواسطة th4m3r السلام عليكم بأشرح لك بالظبط من طريق المدينة تروحي من طريق المدينة متجهه شمال يعني رايحة للمطار و يوم يجيكي تقاطع صاري مع المدينة خش من تحت الكوبري و أتجهي يسار كأنّك متجهه ع البحر و إنت في شارع صاري تتجهي تعدّي أول و ثاني و ثالث إشارة تقريبا بتلاقيها ع اليسار هي مررررة كبيرة بس المشكلة جوا الحارة يعني مغطية عليها عماير وقفي إسألي أي محل يعرفونها بالظبط وين هيا و هي مررة قريبة منهم خلف المحلات تحياتي

صبايا انا رحت اليوم اشوف موقع الجامعة بنفس شرح أخوي اللي مقتبسة الرد حقه بس مافي عليها ولا لوحة وفي كذا بوابة وكذا مبنى على اليمين وعلى الشمال بس ماني عارفة من اي بوابة ندخل وماكان فيه احد عشان نسأله كانت منطقة مرررة تحسون ما كأن احد عايش فيها فما ادري هي هذي من جد الجامعة والا لأ ما ادري اش نسوي لمن نروح

[jody 66]

المشاركة الأصلية كتبت بواسطة ! نغم ! صبايا انا رحت اليوم اشوف موقع الجامعة بنفس شرح أخوي اللي مقتبسة الرد حقه بس مافي عليها ولا لوحة وفي كذا بوابة وكذا مبنى على اليمين وعلى الشمال بس ماني عارفة من اي بوابة ندخل وماكان فيه احد عشان نسأله كانت منطقة مرررة تحسون ما كأن احد عايش فيها فما ادري هي هذي من جد الجامعة والا لأ ما ادري اش نسوي لمن نروح

نغم المنطقه هاديك مدارس ومعاهد .. يعني حتكون هاديِآ ..

ان اقلك جنبها مدرستين 27 و 12 ..

ومركز التوحد وكيف تدخليها اول شي قدامك تكون بوابه حديد كبيرهـ .. وفيها زي مواقف

سيارات ..

ومكتوب فرع الطالبات جامعه الملك عبدالعزيز ..

وفي برضو من ورآ مكتوب كليه اللغه العربيه ..

اتمنى فهمتيني