مقارنة بين رجال اليوم ورجال الامس

Friend for ever · #1 19-04-2008, 10:57 PM

بالأمس ,,,,,,,,, اليوم

إليكم هذا الحوار بين (امرأة أيام زمان وزوجها):

الزوج: - مرحبا يا مرة... شو عاملتينا عشا اليوم؟
الزوجة: - يه يه يه... تقبر عضامي... إجيت حبيبي؟!! تقبرني شو حركتك
خفيفة ومابتزعج حدا...

لك حلّت البركة على أرض الديار يا روحي...

طابختلك حرّه بأصابيعو ويا لنجي وكبة لبنية تقبشني...
الزوج: - يا الله يالله بلا كتر غلبة، قومي حطي الأكل قومي..
الزوجة: - لك إي مو تكرم ابن عمي... مو تكرم... لك من هالعين هَي
قبل هَي...
الزوج: - ناموا الولاد؟
الزوجة من المطبخ: - ناموا حبيبي ناموا على عشية،
وحميتلّك الحمام يا عمري...

الزوج بعد أن يرى أصناف المائدة أمامه:

إيييييييييييييييييييييييه.. باين السهرة رح تحلى اليوم... يمضغ
اللقمة
الأولى ويقول: ممممممممممممم طيبة هالكبة طيبة!!!
الزوجة رافعة يدييها للسماء: - لك روح... ربي مولاي يبيضلك أيامك...
ويبعد عنك ولادين الحرام يا حق..
ينهي الزوج طعامه قائلاً: - الحمد لله...
الزوجة: - عجبك الأكل يا عمري...
الزوج: - إي والله... تسلم إيديكي... تعبتك معي..
الزوجة مرتبكة من الفرح: - عجبك الأكل؟؟!... لك تطلع على قبري شو
إنّك هني
وبتعرف تحكي... لك تكفنّي بإيديك على هالكلام الحلو يا حق.. بكرة
بدي اعملّك حمام محشي وبطاطا بالفرن إي بدك تأكل أصابعك وراهن...

بعدين شو تعبتني وما تعبتني؟!...

ليش أنا عندي غيرك بالدنيا يا حبيبي؟!!، لك تشكل آسي يا
حق...
الزوج وهو ينشّف يديه بعد غسلها: - جاهز الحمام يا مرة ؟؟
الزوجة بخجل... وبابتسامتها الحلوة : - ولَو تقبشني... ولَو!!!
وحطيطيلك صابونة غار من يللي جابتهم أمك تقبرني...

> وإليكم هذا الحوار بين (امرأة اليوم وزوجها):
الزوج: - مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة: - شو إيمتى جيت؟؟ مبكّر مو على عادتكيعني...
على كلٍ عملتلك مجدرة برغل وعدس... شو بدي اطبخلك يعنيومبارحأكلت لحمة بالصينية؟؟...
الزوج: - يا الله تقبشيني، قومي حطيلنا الأكل لنأكل..
الزوجة: - ليكو الأكل عندك بالمطبخ... وين بدو يروح يعني؟؟!! كمان بدي
جبلك الأكل لحد عندك؟!
الزوج باتجاهه إلى المطبخ: - ناموا الولاد على حد علمك؟

الزوجة: إي شو نيّمهم هلق وبكرة عندهم عطلة؟؟؟ ...

الزوج يحدث نفسه من المطبخ: العمى شو هالمجدرة؟؟!!!!!...

يمضغ اللقمة الأولى ويقول: - إي والله كأني عم آكل بحص مو
برغل!!!

الزوجة : - شو عم تبربر يا رجال؟؟

ينهي الزوج طعامه قائلاً:آ...؟؟مو شي حبيبتي... موشي...
الزوجة: - عجبك الأكل؟

وجة...الزوج بإحباط: - إي طبعاً طبعاً... تسلم إيديكي...
الزوجة بتأفف: - معناها كل يوم بعملك منها إذا حبيت...
الزوج وهو ينشّف يديه: جاهز الحمام يا ترى؟؟

الزوجة ترمي الجريدة أرضاً صارخة في وجهه: - العمى على هالقصة... طبختِيا مرة؟... ناموا الولاد يا مرة؟...جاهز الحمام يا مرة؟... إي شو أنا ما عنديشغل غيرك يا رجالالرجال:أي والله تقبشيني معك حق فوق تعبك طول النهار أنا جاية زيدها عليكي ....أنا أسف حبيبتي
المرة:بتعقد وعم تتبسم وتقلوا ماشي الحال رح سامحك هل المرة بس لا بقى تعيدها....

GAME OVER · 26-04-2008, 11:01 PM

ماضي جميل

وحاضر مؤسف !!

م.دافووور · 27-04-2008, 02:37 AM

فرق ...

روح البنفسج · 27-04-2008, 04:55 AM

يسلمو على هيك موضوع

dr_love · 27-04-2008, 01:49 PM

فرق بين الاثنين وحتى الحين اتغيرو الرجال والنساء ماصارو زي زمان للاسف الشديد

M3llAM_2007 · 28-04-2008, 08:01 PM

هرج حلو بس ياريت تنعاد ايام الماضي (( والله احسن انها ايام حلوه عاشها اباءننا واجدادنا ))

n_n · 30-04-2008, 04:02 AM

ههههههههههههههههههههههههههههه اسلوب الحوار رووووعه المشكله انا قاعده اقرا واقوم بالدورين بين الحاضر والماضي ههههههههههههههههههههه
حقيقي ابدعت بصياغة الحوار (( شو رايك تبلش تعمل سيناريو لأي عمل فني والله انت مبدع وبتأكل عيش هالأيام)) ههههههههههههه
(( بنسبه لزبدة الموضوع انت اجدت الفكره وانا مااقدر اقول اكثر من الله يعين عليكم يارجال ويعينكم يارجال على الحريم ....... والله كل جنس اردى من الثاني ))

الفتى · 30-04-2008, 01:01 PM

حسيت اني جالس اتفرج على مسلسل بـــــــاب الحارة هههههههههههههههه

بس شوف ترا مافيه فرق بين الماضي والحاضر

الفرق يوجد بالعلاقة ما بين الزوج والزوجة سواء كان بالماضي او الحاضر

بس من جد الحوار عجيييييييب هههههههههه

عباطة · 30-04-2008, 11:33 PM

الله على الجيل الجاي الله يستر بس

مقارنة بين رجال اليوم ورجال الامس

منـــتـــدى لــــــــــــهُ