هل رحت للمسؤول ؟

[بوليمر®]

السلام عليكم ،، وكل عام وانتم بخير


مدخل|

يوم الخميس ذهبت مع الوالدة الله يحفظها لي ويحفظ جميع امهاتكم للمستشفى الألماني في المدينة مراجعة عند دكتور الباطنية عشان تاخذ ادوية للسكر والضغط ومراجعة في نفس الوقت

طبعا الدكتور كان زعلان جدا لأن الوالدة ما بـ تلتزم بالدواء ولا بالنظام اللي عامله لها .. وكل ما قلنا لها شي تقول تعددت الاسباب والموت واحد !!

المهم .. كتب الدكتور الادوية ومنها دواء خاص بالضغط .. رحت للصيدلية واعطاني جميع الادوية ما عدا هذا الدوا .. قالي الله يعينك تشتريه من برا وتجيب لنا فاتورة نعطيك حقك !! قلت له بس هذي مو المره الاولى قبل كذا صارت معايا واضطر اضرب مشوار لأقرب صيدلية وارجع لكم ثاني .. والوالدة اكدت الكلام ان كم مره تصير لما اخويا الثاني يروح معاها.

قلت له فين مدير الصيدلية؟ .. قال مش موجود
طيب من المسؤول عن مدير الصيدلية؟ .. هنا فرصعة عيونه شوي وحس اني جدي .. وقعد يتمتم في الكلام وبالقوة وراني على مكتب المدير الطبي للمستشفى.

رحت لمكتب المدير الطبي ... طبعا ما هو موجود وكان فيه واحد في مكتب السكرتارية وشكله كذا اقل منه بشوي ..

سألته وين المدير؟

قال في اجتماع ..

قالي اقدر اخدمك ..؟

قلت ايه .. اعطيته ورقة العلاج وقلت له هذي تقريبا المره الخامسة نجي للصيدلية وما نلاقي العلاج مرتين معايا وثلاثة مرات مع اخويا .. ايش المشكلة عندكم ؟

قلت له ع العموم المره هذي انا بشتكي للمدير الطبي هنا .. ولو ما لقيت حل بروح اشتكي لمدير المستشفى .. لو ما لقيت حل بشتكي على شركة التأمين والشركة عندنا

طالع فيني وقال مايصير خاطرك الا طيب وصور الورقة حقت الدواء وقال انا ارجع لك .

بالفعل رجعنا البيت واشتريت الدوا .. ونمت وبعد العصر الوالدة تقولي ترا المستشفى اتصلوا ويقولوا انهم جابوا الدوا وكلمها المدير الطبي وجلس يعتذر لها ... لب لب لب

رجعت للمستشفى في الليل عشان كنت لسى باخذ نتيجة تحليل الدم وامر الدكتور عشان اشوفه .. المهم كلمني الدكتور وكان مبسوط وقالي ان المدير الطبي كلمه بخصوص العلاج و و و ...

جلس الدكتور يقولي الله يجزاك بالخير انت اخذت حقك وحق ناس كثير ساكتين .. الصيدلية تقريبا فيها ادويه كثيرة ناقصة وناس كثير مضجرة من دا الشي والمستشفى ماهي سألة عن احد.

انتهى ..
كتبت الكلام اللي فوق بالتفصيل عشان تكون الصورة واضحة



نقاش|وحلول

حاب نتكلم عن مسألة التواصل مع المسؤولين واهميتها وهل هي مجدية ام غير ذلك.. وايش اللي يخلي الواحد يسكت عن حقه !!؟؟

- هل نحن بنتواصل معاهم لأخذ لنا حقوقنا ؟
- هل بـ نختار القنوات الصحيحة للتواصل معاهم ؟
- هل بنتواصل مع المسؤولين تدرجيا ام اننا بنتجاوز بعضهم ونطلع لأعلى الهرم من اول مره؟
- هل بتشتكي للمسؤول عن الشخص المقصر في حقك او انك تشتكي لنفس الشخص ويصبح القاضي والخصم واحد؟

النقاط اعلاه تنطبق في جميع المجالات (دوائر حكومية .. جامعة .. مدرسة .. مستشفى ... إلخ)

ياليت يكون النقاش مدعم بالأمثلة الواقعية وان لا يكون اعرف فلان وصار مع فلان .. يعني شي يكون حصل معاك حتى يكون نقاشنا مبني على شي صحيح.

[northstar]

موضوع رائع وهادف اخي بوليمر

من الافضل قبل ان نقدم شكوى ان نذكر الشخص بواجبه فلربما هو يستذكر تلك المسؤوليه على عاتقه ويعالج الوضع بطريقه سلميه
اما ان تفاقم الخلاف فهناك جهات نستطيع التقدم من خلالها بشكوانا

شكرا لك اخي

[بوليمر®]

المشاركة الأصلية كتبت بواسطة northstar موضوع رائع وهادف اخي بوليمر من الافضل قبل ان نقدم شكوى ان نذكر الشخص بواجبه فلربما هو يستذكر تلك المسؤوليه على عاتقه ويعالج الوضع بطريقه سلميه اما ان تفاقم الخلاف فهناك جهات نستطيع التقدم من خلالها بشكوانا شكرا لك اخي

صادقة اخت نورث ،، المسؤول تقع على عاتقة امانة ويجب عليه ان يتحلى بالخُلق الرفيع ،، فالمسؤولية تكليف وليست بتشريف كما يظُن البعض

عذرا منك فأنا هنا لا اتكلم عن المسؤول ومناصحتة .. فهذا موضوع اخر ففي الدرجة الاول اتحدث عن نفسي وانت تتحدثي عن نفسك هل نحن بنسلك الطريق الصحيح لمخاطبة المسؤول .. هل قد توجهنا للمسؤل لحل مشاكلنا ام اننا نقف ونقول المسؤول ظالم ولن يأخذ لي حقي فغيري سبق ان تقدم بشكوى ولم يأخذ حقه !!

[northstar]

المشاركة الأصلية كتبت بواسطة بوليمر® صادقة اخت نورث ،، المسؤول تقع على عاتقة امانة ويجب عليه ان يتحلى بالخُلق الرفيع ،، فالمسؤولية تكليف وليست بتشريف كما يظُن البعض عذرا منك فأنا هنا لا اتكلم عن المسؤول ومناصحتة .. فهذا موضوع اخر ففي الدرجة الاول اتحدث عن نفسي وانت تتحدثي عن نفسك هل نحن بنسلك الطريق الصحيح لمخاطبة المسؤول .. هل قد توجهنا للمسؤل لحل مشاكلنا ام اننا نقف ونقول المسؤول ظالم ولن يأخذ لي حقي فغيري سبق ان تقدم بشكوى ولم يأخذ حقه !!

ليس هناك شخص ظالم
لكن يعتمد على اسلوب طرح المشكله
ممكن تخلي الغلط عليك او الغلط عليه

وللاسف كثير منا يفتقد اسلوب الطرح الذي يجعل الموضوع يصب في صالحك
فيسيء الناس الظن فيك

[lo0ody]

اولا مشكور على الموضوع الهادف وانا رايي انو الواحد لازم مايسكت لو شاف غلط خصوصا لو كان حيفيد اشخاص غيره كمان بس اسلوب الواحد هو الي يأثر في الشخص الي بتتفاهم معاه وردة فعله بيكون حسب اسلوبك معاه

[بوليمر®]

المشاركة الأصلية كتبت بواسطة lo0ody اولا مشكور على الموضوع الهادف وانا رايي انو الواحد لازم مايسكت لو شاف غلط خصوصا لو كان حيفيد اشخاص غيره كمان بس اسلوب الواحد هو الي يأثر في الشخص الي بتتفاهم معاه وردة فعله بيكون حسب اسلوبك معاه

اهلا lo0ody

واكيد ومن المفترض اننا ما نسكت عن حقنا خاصة اذا كان معانا كل الاثباتات والاهم نكون على حق

شاكر لك مروك وتعليقك lo0ody

[hanadiateiah]

it depends ...u can complain and find someone who listens ...and u can complain and find someone who kicks u out....the second happened to me at college ...when i complained about a D grade.. knowing that i deserve an A+ ..maybe i was too rude to her ..so,she kicked me out ..anyway ..eventually ..they told ..that if i complain again ..i will get an F... and that my essay ..goes under creative and not academic writing !!!! what a reason .....best of luck ..

[بوليمر®]

المشاركة الأصلية كتبت بواسطة hanadiateiah it depends ...u can complain and find someone who listens ...and u can complain and find someone who kicks u out....the second happened to me at college ...when i complained about a D grade.. knowing that i deserve an A+ ..maybe i was too rude to her ..so,she kicked me out ..anyway ..eventually ..they told ..that if i complain again ..i will get an F... and that my essay ..goes under creative and not academic writing !!!! what a reason .....best of luck ..

هنا يلزم علينا ان نعرف لمن نقدم الشكوي يا اخت hanadiateiah .. لا تخلو اي ادارة او منظمة من الهيكل الإداري هل برأيكم جميعهم سيكونوا ظالمين ؟؟!! لا اعتقد
ثم لو انك كما تقولين تم ظلمك في درجة مادة ما .. وقمت بتقديم الشكوى لمدرسة المادة وتم الاكتفاء بذلك اسمحي لي انت غلطانة .. فأنت وجهتي شكوتك للقاضي ولخصمك فيكف لك ان تأخذي حقك
يوجد في الجامعات روساء اقسام بإمكانك التوجه لك شريطة ان تكوني متأكدة من درجتك

eventually ..they told ..that if i complain again

هنا المشكلة هم قالو they told .. يا اختي الكريمة الناس ما عندها غير الكلام ومشكلتك غير مشكلتي فكيف تسمعي لغيرك !!
صدقيني ابواب المسؤولين مفتوحه بس حاولوا تطرقيها بالشكل المناسب

شاكر لك مشاركتك

[المسلم العربي]

السلام عليكم..

فعلاً التواصل مع المسؤولين أمر ضروري وإن لم يأتي بالنتيجة المرغوبة فعلى الأقل نبلغ ونؤدي ما علينا والله على كل شئ حسيب..

لي تجربة واحدة منذ حوالي سنتين أو أكثر مع حماية المستهلك ولا أود الدخول في تفاصيلها إلا أنها مخالفة ليست بالهينة لدى بعض التجار وانتهى الموضوع بأحد المسؤولين بإدارة حماية المستهلك في وزارة التجارة يدخل اليأس في نفسي ويحيلني إلى الوزير بأن أرسل له فاكس وأن زمام الأمور ليست بيد هذه الإدارة التي يفترض أن يكون لها من اسمها نصيب. وكان نفسي قصير في ذلك الحين فيأست من الموضوع بحكم أن أهل الإختصاص يعلمون بالأمر ولا يفعلون شئً.
وأظن المخالفة لا تزال قائمة إلى الآن والله المستعان.

[بوليمر®]

المشاركة الأصلية كتبت بواسطة المسلم العربي السلام عليكم.. فعلاً التواصل مع المسؤولين أمر ضروري وإن لم يأتي بالنتيجة المرغوبة فعلى الأقل نبلغ ونؤدي ما علينا والله على كل شئ حسيب..

اكيد وهذا امر مفروغ منه اخي المسلم العربي .. فالكثير منهم يخافون الله ولم يوضعوا في المكان هذا الا لحل المشاكل

المشاركة الأصلية كتبت بواسطة المسلم العربي لي تجربة واحدة منذ حوالي سنتين أو أكثر مع حماية المستهلك ولا أود الدخول في تفاصيلها إلا أنها مخالفة ليست بالهينة لدى بعض التجار وانتهى الموضوع بأحد المسؤولين بإدارة حماية المستهلك في وزارة التجارة يدخل اليأس في نفسي ويحيلني إلى الوزير بأن أرسل له فاكس وأن زمام الأمور ليست بيد هذه الإدارة التي يفترض أن يكون لها من اسمها نصيب. وكان نفسي قصير في ذلك الحين فيأست من الموضوع بحكم أن أهل الإختصاص يعلمون بالأمر ولا يفعلون شئً. وأظن المخالفة لا تزال قائمة إلى الآن والله المستعان.

للأسف بعض المسؤولين عدمه مثل وجوده ولا يقدم ولا يأخر شي.. فـ دائما ما تراه يحيل الأمور للذي اعلى منه لعدم وجود الصلاحيات لدية

لكن تظل مخطئ في عدم مراسلتك للوزير .. فـ دائما نحن مثلك نستثقل الامور ونجد صعوبة في التواصل معهم من اجل اخذ حقوقنا وحقوق غيرنا.
من الممكن ايضا ان يكون هذا المسؤول على حق وان الموضوع ليس في يده فأحالك للوزير .. لكنك انت رفضت .. فـ إذن تعتبر انت المقصر في عدم التواصل مع اعلى جهة .

تحياتي لك ابو عبدالله وشاكر لك المشاركة