إحساس غريب نحوالجامعه +أسئله مهمة عن الجامعه ؟

[أولكر999]

السلام عليكم ورحمة الله وبركاته

الله يحقق مراد كل من يرد علي .أنا والله حاطه أملي بالله ثم فيكم فلا تخيبوني..
الحين اختبار تحديد المستوى يتذاكرله شئ ولا لا؟ياجماعه والله خايفة ماأذاكر واندم بعدين رغم اني دخلت موقع واختبرت فيه وماشاء الله كنت أحل فيه ! بس الخوف مسيطر علي وخصوصا اني سنه تحضيريه تأهيلي والكل يقول أنه التأهيلي حق الكساله ومافي أحد ينجح فيه بامتياز؟وأنا والله نجحت من الثانوي ب97لكن المقدر والمكتوب هم اللي حطوني تأهيلي.
والله إني أضحك وانا في داخلي هم كبير وحزن .
نخيتكم ياالأجاويد طمنوني ولوبكلمه تزيل عن أكتافي هالهم الثقيل.

كمان حاب أسألكم عن مدى سهولة وصعوبة السنه التحضيريه تأهيلي علمي خطة (أ)؟
كمان وش الكتب اللي أقدرأستفيد منهاوتساعدني في رفع المستوى الدراسي؟

كمان كيف أقدرألفت انتباه الأساتذه غير الأدب والأخلاق ؟
وكمان الأساتذه وقت المحاضرات يخلونا نكتب كل شئ معاهم ولالا؟
لأني اشتريت 3 دفاتر أبو 200مقسمه ودفترين أبو 100تكفي ولا ازيدهم ولا انتظر الأساتذه يطلبون ؟
بالله طمنوني ولو بكلمه صدقوني راح أدعي لكل من يرد علي ..

وفي الختاام

أتمنى من الجميع الدعاءلي في ظهر الغيب بأن يسهل لي السنه التحضيرية ويجعلها سنة نجاح وتحقيق للأمنيات التي تمنيتها منذ الصغر..

(من لا يشكر الناس لايشكره الله)
سبحان الله وبحمده سبحان الله العظيم

[أولكر999]

كمان كيف سلوكيات البنات في الجامعه ؟ترى والله أنا من بنات أول ماشية في حالي مالي ومال أحد
دعواتكم أدري طولت لكن عشان أريحكم ماهو كل شوي موضوع

[بسمة جوري]

توكل على الله ودع المخاوف جانبا
بالنسبة للاختبار ذاكر له انااشوف
وكمان الأساتذه وقت المحاضرات يخلونا نكتب كل شئ معاهم ولالا؟
على حسب بعضهم يعتمد على الكتابه وبعضهم الكتب هم يخبروكم على طريقتهم في اول محاضره

مايحتا ج كتب زيادة بس ذاكر الي بتاخذوه اول بأول لان المحاضره الوحده ممكن تكون اكثر من 10 او 20 صفحه

موفق ان شاء الله وجميع الطالبات والطلاب

اذاانتي بنت غيري الجنس

[فاقدغلا]

هونيها وتهون والله الوضع كله سهاله بالنسبه لانجليزي اخذته الصيف الماضي وربي ماعرف فيه ذاك الشي والحمد لله اخذت فيه 78 وبالنسبه لتحديد المستوى ماحليت فيه شي كله من راسي لدرجة اني اجاوب بدون مااقرأ السؤال , وبالنسبه لنا كنا نكتب معا الدكتور وقت المحاضره . وبالنسبه لمواد شوفي اذا لها ملخصات او اسئله سابقه , وان شاء الله اكون افدتك وربي يوفقكك وجميع الطلاب

[angel heart]

لا الاختبااار مايتذاااكر له وانا دخلته السمستر اللي راح

عشان لو ذاكرتي له راح تحل عشان المذاكره واذا خلوكي بمستى عالي راح تتعبي انتي وممكن اذا مامشيتي في مستوى اعلى من مستواكي ينخفض معدلك لاسمح الله

++

والدفاتر مرررره كثيره ترى

يكفي دفتر او اثنين اللي هيا تجي مقسمه لان في مواد مانكتب في دفاتر كلو تحديد ع الكتاب

++

سلوكيات البنات ترى يمكن تشوفي شي كذا او كذا بس طبعا محد يتعرضك اذا انتي في حالك

يعني شوفي وطنشي خليكي في حالك

ولاتشيلي هم ياعسل ان شاااء الله تعديها بنجاااح وبمعدل عااالي

بالنسبه للاستاذات حاولي تشاركي وتجلسي بالصف الاول عشان يعرفوكي

وجيبي التكليفات اذا اعطوكم في وقتها

وترى الوضع ايييييزي يعني لاتحطي في بالك

الله يوفقك ويحقق لك رغباتك

[غرام ~]

أولكـــــــر

الله يوفقكـ إن شـاء الله

مـآفي شئ مستحيل ولا أنكر أنه في شئ صعب

ولكن الصعب يُـزال بـإلإرادهـ والعزيمه

وإن شـآء الله خــــــير

يـآرب

موفقين إن شـآء الله ودعواتك لنـــآ

غرآم

[M!sS chocolate]

المشاركة الأصلية كتبت بواسطة أولكر999 السلام عليكم ورحمة الله وبركاته الله يحقق مراد كل من يرد علي .أنا والله حاطه أملي بالله ثم فيكم فلا تخيبوني.. الحين اختبار تحديد المستوى يتذاكرله شئ ولا لا؟ياجماعه والله خايفة ماأذاكر واندم بعدين رغم اني دخلت موقع واختبرت فيه وماشاء الله كنت أحل فيه ! بس الخوف مسيطر علي وخصوصا اني سنه تحضيريه تأهيلي والكل يقول أنه التأهيلي حق الكساله ومافي أحد ينجح فيه بامتياز؟وأنا والله نجحت من الثانوي ب97لكن المقدر والمكتوب هم اللي حطوني تأهيلي. والله إني أضحك وانا في داخلي هم كبير وحزن . نخيتكم ياالأجاويد طمنوني ولوبكلمه تزيل عن أكتافي هالهم الثقيل. كمان حاب أسألكم عن مدى سهولة وصعوبة السنه التحضيريه تأهيلي علمي خطة (أ)؟ كمان وش الكتب اللي أقدرأستفيد منهاوتساعدني في رفع المستوى الدراسي؟ كمان كيف أقدرألفت انتباه الأساتذه غير الأدب والأخلاق ؟ وكمان الأساتذه وقت المحاضرات يخلونا نكتب كل شئ معاهم ولالا؟ لأني اشتريت 3 دفاتر أبو 200مقسمه ودفترين أبو 100تكفي ولا ازيدهم ولا انتظر الأساتذه يطلبون ؟ بالله طمنوني ولو بكلمه صدقوني راح أدعي لكل من يرد علي .. وفي الختاام أتمنى من الجميع الدعاءلي في ظهر الغيب بأن يسهل لي السنه التحضيرية ويجعلها سنة نجاح وتحقيق للأمنيات التي تمنيتها منذ الصغر.. (من لا يشكر الناس لايشكره الله) سبحان الله وبحمده سبحان الله العظيم

من ردك الثاني قولتي انك بنت طب ليش حاطه انك ذكر !!! ...

شوف مدري شوفي بس حتكلم اني اكلم بنت لأني حاسه كدا باين من كلامك انو حاجه اسمها
تذاكري قبل الإختبار هذا الشيء لا تسويه ياحبيبتي اسمه اختبار تحديد مستوى يعني يشوف مستواك وانتي دخلتي مواقع واختبرتي وهذا الشيء حلووو ومفيد لك انك تعرفي كيف الأسأله
لكن اش الفايده لو انك ذاكرتي وجبت درجه وحطوكي في مستوى مو مناسب لك عند واحد بريطاني على باله انومستواك توب وانت مستواك شيء ثاني ... هذا الإختبار يحدد مستواك
ومنه يحطوكي عند دكتوره عارفه مستواكي فمارح تعطيكي شيء ماتعرفيه ... هو مجرد دحديد
مستوى لاغير يبغوا يعرفوا كيف مستواك عشان يحطوكي عند دكتوره مناسبه لمستواكي ...


وحكاية انك خايفه من التحضيري ياقلبي مافي شيء سهل في الدنيا هادي ولافي شيء صعب
ذاكرتي أول بأول حتشوفي انو الماده سههلللله طنشتي واهملتي حتشوفيها صعببببببه ...
هادي مهي أول سنه تدرسي فيها وأكيد قد درستي مواد كنتي تشوفيها صعبه لكن في النهايه درستيها ومشيت الأيااام ونجحتي فيها....


أنا تحضيري زيي زيك لكن شيء اسمه أخاف ليش الواحد يتوكل على ربه ويعمل بالأسباب

ويذاكر ويشد حيله وربي حيسهل لك امورك دايما قولي اللهم لاسهل الا ماجعلته سهلا وانت تجعلل

الحزن ان شئت سهلا والله يوفقكي هذا اللي قدرت أفيدك فيه أما الباقي إن شاء الله يفيدوكي اللي درسوا قبلي لاني حالي من حالك في هادي الامور ...