بليز هلب مي .. الفيزيكس ملخبط حياتي

[بنت ناس واللقب الماس]

السلام عليكم ورحمة الله وبركاته >>(:
كيفكم ؟؟ وكيف السنة التحضيرية معاكم ..
وكيف الفيزيكس..
لو سمحتو هلب مي ..
كيف اذاكر فيزياء ..؟؟؟؟؟؟؟؟؟؟؟؟؟ ابغى اذاكر كم كلمة قبل ماتجي الاختبارات
ماني عارفة حاسة نفسي ملخبطة ..
استاذتنا تشرح بالعربي وارجع للكتاب انجلش ..
مرررررة ملخبطة مع اني بالعربي فاهمتو .. بس..
قولولي انتو كيف بتذاكرو ..
عشان استفيد..*_^
وكمان الي زيي متلخبط يستفيد

[فتى جده]

أختي بنت النااس أنا مثلك حاايس بس .. >> لقيت فكرة اليووم << مسووي برفيسور

حاولي ترجمة الملخصات للأستاذ حمزة أبو جبل .. وإن شااء تفهمين ..

إدعلي ... بالتوفيق ..

م / فتى ج ــده

[حسن حبيب]

طيب بالله وين القى ملخصات ابو جبل

[بنت ناس واللقب الماس]

وين الاقيها

[بنت ناس واللقب الماس]

ياهو مو معقولة ..شكلي انا الوحيدة الي بدرس فيزيكس
وينكم ..

[StrawBerry]

والله وانآ كمآن زيكـ ومرهـ حآيسهـ ومني عآرفهـ ايش اسوي ؟؟؟
واستآذتنآ غيروهآ لنآ ثلاثهـ مرآت ... وآخر مرة جآبلونآ وحدهـ مرة ما تعرف تشرح والكلآس كلو مو فآهمـ شي ...
وربي مرهـ خآيفة ومني عآرفهـ اش اسوي ؟؟؟
بس البنآت يقولو انو السكشن الفيزيآء مرهـ مفيد وفيهـ الاستآذات يشرحو مرة تآنية ويحلو المسآئل .. انآ السبت كنت غآيبهـ فمآحضرت بس ان شآء الله بحضر دايما وبحآول افهمـ <<<تشرح قصهـ حيآتهآ خخخخخخ
اش اسوي من الهمـ الي حآسهـ فيه ولاحبآط من دي السنهـ ...
واذآ قصدكـ ع الكتآب مآلك الآ انو تترجمي .......
وبس .......
بليزززززز آحد يرد علينآ ويسآعدنآ ...............

[نوف18]

نفس الحكايه تشرح الاستاذه عربي كله مع انجليزي كوكتيل وماشاء الله فاهمه
ارجع البيت افتح الكتاب ما ني فاهمه حاجه احس اللي تشرح غير ما ادري كيييييييف ؟؟؟
وبعدين الاستاذه ما تكتب كل شئ لا بس المختصر قوانين و مسائل و ...؟
وتقول ان المسائل ما ارح تجي زي كذا طويله يحكي قصه شان الوقت يدوب تحلي لا راح تجي واضحه يعني مثلا يعطيك المسافه و الزمن ويطلب منك السرعه تقووووول واضح
ولكن اللي في الشكشن تقول صح انه يجي السؤال ثلاث كلمات بس يبغاله فهم يعني صعب <<< يوم قالت كذا كنت باطس ببطنها خوفتني والله



وبالنسبه للملخصات هي بالعربي ولا بالانجليزي وولا كيف ..؟؟
لا تكون بالعربي ونرجع ننترجمها انجليزي مشكله ؟؟




والجدول الدوري متى ينزل ؟؟



هذه ربع اللي افكر فيه والباقي الله يستر عليه !!!









يـار ب تمر هذه السنه ع خير

[بنت ناس واللقب الماس]

الله يعديها على خير ويوفقنا ونجيب a+

[& مايكل سكوفيلد &]

انا اقول انصحك بكتاب الدكتور سعود يغمور بالانجليزي

رخيص ............

والكتاب طريقته جميـــــــــــــــــــــــــــــــــــــــــــــــ ــــلة جدا

اسئلي عن الكتاب وتشوفي

تقبلي مروري

[وفاء جدة]

شوفي حبيبتي اهم شئ تركزين على المسائل وعلى الوحدات

لان الاختبار كله مسائل ووحدات وكمان التعاريف لازم تعرفيها

اغلب شئ في الاختبار المسائل وتنفهم بالانجلش

وبالتوفيق....