استفسار بخصوص التقديم لدوره التوفل

[shada_Ak]

احد يقدر يوضحلى بخصوص التقديم لدوره التوفل لوسمحتو مافهمت

يعني الدوره دي في كليه الاداب فين اقدم لها وهل لو قدمت عليها خلاص ما يحتاج اختبار التوفل ؟؟

لان التقديم يا جماعه ينتهي ب1-12 والوقت ضيق ومافي اختبار في هذي الفتره ممكن لو سجلت في الدوره اختبر في وقت تاني ؟؟؟


ياليت اللي سجل او اللي عنده فكره يرد


طلب تاني



ممكن لو سمحتو رقم عماده الدراسات العاليا شطر الطالبات

[خلود باناجه]

الدورة بديل عن التوفل
تحولي4000 رقام لرقم حساب العمادة تلاقيه في موضوع هنا مكتوب قبل شويه
بعدها يعطوك بطاقة ورقم جامعي

[shada_Ak]

طيب ايش اسم الموضووع

[برونزااج]

وكيف فيه ناس تقول
كلية الآداب تخصص علم نفس وجغرافيا وتاريخ ولغة عربية وعلم اجتماع
لاتحتاج إلى توفل
بل
دورة تقام بعد القبول النهائي مع بداية الدراسة

فكيف نودع في حساب العمادة الآن وحنا لسه ما انقبلنا القبول النهائي

[shada_Ak]

الاوراق المطلوبه مطلوب صورتين من تنيجه اختبار التوفل

[shada_Ak]

يعني تخيلو لو حنقدم الاوراق كلها مو جوده الا التوفل


واخر يوم للتقديم اول ذو الحجه ومن هنا لداك اليوم سالت في الجامعه مافي اختبار بديل توفل

[اموره انا]

ماينفع نحول المبلغ بعد مايتحدد القبول بشكل نهائي؟

[feras.abood]

الحساب ببنك سامبا
بأسم / عمادة خدمة المجتمع والتعليم المستمر بجامعة الملك عبد العزيز
رقم الحساب / 4701709433

[عماد الحسن]

السلام عليكم والله يعينكم جميعاً.، والشكر الجزيل لك من شارك بالرأي والمشورة.

بخصوص دورة الإنجليزي للمتقدمين للماجستير فسوف توضح جميع أمورها في اليومين القادمين بحول الله حتى نكسب الوقت ويكون لدى الكل علم بها ، والله يوفقكم.

[ساشينكا]

اخت shada هم طالبين درجة اختبار التوفل او البديل او الايلتس يعني حتى لو اخذتي دورة التوفل اللي تقولين عنها ماراح تفيد لانه مو هي المطلوبه اول ما تخلصين الدوره راح يسلموكي شهادة تفيد بحضورك للدوره و شهادة باجتيازك الدوره التحضيريه لاختبار التوفل و ليس درجتك في اختبار التوفل . و بعد ما تخلصين من الدوره اللي راح يكون مدتها شهر ونصف تروحي تحجزي للاختبار من الموقع اللي راح يعطيكي اياه المعهد و تحولين المبلغ لدخول الاختبار وتطبعين النموذج اللي يطلعلك و تروحين للمعهد مره ثانيه و راح يحددون لك موعد اختبارك لانه بيكون اونلاين على الانترنت ( طبعا هذا التوفل الجديد درجته من 120 كل قسم عليه 30 درجه ) التوفل اللي من 500 درجه راحت ايامه . هذا الكلام من معهد direct english اللي هو معهد الخليج للتدريب والتعليم (نيوهورايزن) اعتقد انه المعهد الوحيد اللي يعقد فيه اختبار للتوفل, انا حضرت للتوفل بس للاسف الى الان لم اقدم الامتحان .
ارجو ان اكون افدتك , دعواتك .