ماذا أفعل ؟؟؟ أنا غبت عن إختبار الكيمياء اليوم بسبب إشتباه إنفلونزا الخنازير

[مستجد تحضيري]

السلام عليكم
أنا غبت اليوم عن إختبار الكيمياء بسبب إشتباه إنفلونزا الخنازير
ماذا أفعل ؟؟؟
كيف أختبر؟؟
متى ؟؟
ما هو وضعي في المادة الآن؟؟؟ راسب ؟؟

[مستجد تحضيري]

أرجو الرد بسرعة لآن الحالة المعنوية في تردي

[بيو كيميائية ^_^]

أولاً سلامتك ماتشوف شر

تجيب عذر

وراح تضاعف لك درجة الدوري الثاني

لا ماراح تكون راسب لسه عندك 70 درجة

والله يشافيك

[مستجد تحضيري]

الله يسلمك
يعني الدوري الأول راح
ما أقدر اختبر؟؟؟

[مهموم والله]

في البداية سلامات وماتشوف شر يارب

بخصوص الاختبار فيه اعادة انا قرات ورقة معلقة على بوابة مبنى 44 قبل يومين ومكتوب فيها اذا الشخص غاب عن الاختبار لازم عذر رسمي وتوديه لمكان كان مكتوب بالورقة بس ناسي والله بالضبط ايش المكتوب

بس انا كتبت ردي حتى اطمئنك انه فيه اعادة مادام عندك عذر رسمي وروح المبنى وراح تلاقي الورقة باذن الله

[مستجد تحضيري]

إيوه عندي عذر طبي
و مشكورر .. إن شاء الله يوم السبت رايح مبنى 44 أشوف فين أودي العذر

[سوار]

انا العاام غبت و اخدولي نسبه من الاختبار التاني
وما تضاعفت ليا درجه الاختبار التاني


الله يعينك

[مستجد تحضيري]

المشاركة الأصلية كتبت بواسطة سوار انا العاام غبت و اخدولي نسبه من الاختبار التاني وما تضاعفت ليا درجه الاختبار التاني الله يعينك

كيف يعني نسبة ؟؟؟

[بيو كيميائية ^_^]

هو المعروف يضاعفون الدرجة بس كل سنة تتغير الأنظمة وعلى حسب القسم

وإن شاء الله يعاد لك الإمتحان

[مهموم والله]

الكلام هذا ماكان مموجود بالورقة حبايبي واظن والله اعلم فيه اعادة بتكون له لانهم طلبوا عذر رسمي اكيد لغرض معين وكانوا حتى كاتبين مكان المراجعة

عالعموم انت روح مبنى44 وشوف الورقة حبيبي وباذن الله تعدي الامور على خير