في عشرين سنة: عشت.. وبسنة: ارتقيـت.. وبآسبوع: حزنت على الحال

[ورقة ... !]

السـلآمـ عليــكمـ ورحمة الله وبركاتـــه..

... موضــوعي جــآد .. لآ يــوجد مكان للسخرية فيــه ...


موضوعي .. أعرض فيه تجربة شخصيــة .. وأرجو أن أرى نقد .. وجــدال في نفس الموضوع لآجل الموضوع .

تجربتي :
هي سفري لماليــزيا .. من تاريخ 10 نوفمبر 2008 إلى 27 أكتوبر 2009
ما أكذب عليكم إذا قلت أنها سنة بقد العشرين سنة اللي عشتها بالسعودية قبلها.

من وصولي لعتبات مطار كوالالمبور klia بعام 2008 إلى عودتي إليه هذا العام .. وأنا في كل يوم أندهش بتقدم الحضارة الماليزية بعد أن كانت غابة تــآمة وبعض المزارعين فيها إلى وصولها لمكانة قيـّمة على الساحة الدولية.. وبقدر الدهشة، أحزن على حال وطني.

الشــوارع.. وترصيــفها .. بحكم عيشي في جدة.. فآترك لكم التعليــق عن حال جدة.. أما عن حال ماليزيا.. فوالله الذي لا اله الا هو، لا توجد اي مقارنة بين البلدين لتفاااااوت مستوى الترصيف و- أعزكم الله - جودة الزفت المستخدم!!
تصــريف المياهـ .. والطريقة المذهلة بصنع مجرى وآخر يبعد عنه سنتيمترات على طول الشارع عند كل رصيف بحكم أن المطر هناك يستمر لساعات أحياناً. بعكس حالنا حين تمطر لمدة ربع ساعة.. وترى الشوارع غااارقة بالمياه
قيــآدة السيارات .. وما أدراك ما قيادة السيارات.. ما أخفيكم القول أن العرب هناك هم من يقودون بطريقة عشوائية. وقلّـــــــــــــــــــــــــما تجد ماليزي أو أي أجنبي آخر يقود بطريقة عشوائية.
ولكن عند عودتي. رآيت شوماخريون في بلدي.. كلاً يقود برآيه ويتمسك به. ويآبى أن يترك المجال لآخر ليتحرك..

ببلدي دخلت مركز صيانة الـ hp .. ووجدت العشوائية لدرجة إني انتظرت 45 دقيقة لاستلام جهازي فقط.. بعكس ماليزيا.. حيث التنظيم والترتيب هي السياسة المتبعة هناك حتى بالمحلات العادية هناك!

الكثيــر الكثيــر من الأمور التي والله أتعبتني بالمقارنة.


ولكـــن لا زال هناك بصيص أمل بارتقاء بلدي.




خاتــمة: حدثني أحد الأصدقاء حين وجوده بماليزيا أن هناك رجلاً صينياً رآى مرافق صديقي وحبل جزمته - أكرمكم الله - غير مربوط .. فآبعد الصيني الجوال عن إذنه .. واستآذن من صديقي وآشار على حذاء رفيق صديقي بآدب وابتسامة. فما كان من صديقي إلا أن شكر الصيني وسار الصيني في طريقه..





تحيــة ورقيــة ... :)

[tag2000sa]

ورقة تبغانا نتناقش في التقدم والتطور ؟؟؟ .. ولا العشوائية ؟؟؟

ﻷن وحدة تحكمها العادات والتقاليد ... قبل كل شيء .. ﻷننا بلد محافظ أكثر من غيرنا ولنا حرمتنا اللي صعب نتخلى عنها في سبيل تطور أو عولمة أو ما شابه

والثانية تجري في دمنا ... واعتقد مستحيل نعيش بدون دم يجري بعروقنا

[ورقة ... !]

المشاركة الأصلية كتبت بواسطة tag2000sa ورقة تبغانا نتناقش في التقدم والتطور ؟؟؟ .. ولا العشوائية ؟؟؟ ﻷن وحدة تحكمها العادات والتقاليد ... قبل كل شيء .. ﻷننا بلد محافظ أكثر من غيرنا ولنا حرمتنا اللي صعب نتخلى عنها في سبيل تطور أو عولمة أو ما شابه والثانية تجري في دمنا ... واعتقد مستحيل نعيش بدون دم يجري بعروقنا

الغــآلي تاج

نتناقش في الاثنين .. وبآسلوب سلس

بالاولى : التقدم والتطور . مو معناتو انه نسيب الدين وننغمس في الدنيا .. ونقول دا تطور ..
التقدم والتطور .. مخ لازم يتفتح .. ومشروع لازم يتحقق .. وآمل في شباب البلد ( اللي للاسف قلة منهم الواحد يآمل عليهم )

التقدم والتطور.. دنيــآ لازم نغيرها.. ووطن نحبه وندور كيف نرفعه بين الامم

من حيث العادات والتقاليد.. فخليني اقول لك على حاجة بسيطة
شايف الصورة دي اللي انا حاطها؟ دي ايام ماليزيا والشعر كان طويل
لو تشوفني الان ( كآنــي حالق حلاقة مدارس ) بمعنى الكلمة...

سبب حلاقتي مو عتاب او خصام استقبلته من احد..
سبب حلاقتي اني ما ادور مشاكل بسبب العادات والتقاليد اللي انت ذكرتها
دا شي .. يفتح موضوعنا ..
العادات والتقاليد عندنا للاسف الشديد دمرت كثيـــــــر ..
لو تطلع ماليزيا يا تركي وتشوف كيف السعوديين بيحضنوا في زوجاتهم وسط العالم والناس.. وبيشوفوه عادي
لكن تعال شوف كيف يتعامل معاها من يوم يدخل الطيارة ولا يعتب المطار .. والله - اعزك الله - زي الجزمة القديمة..

طيب ليه؟؟ اذا انت تعامل حرمتك من يوم وهي في السعودية بدي الطريقة .. ياخي لا تشطح كتير وتبين للعرب اللي يدرسوا برة انك انت مو والف على الاحضان.. وتسويها بطريقة حتى الماليزيين يضحكوا عليك!!


في قلبي كتير وكتير على العادات والتقاليد اللي مالها داعي في الدنيا دي .. بس اش نسوي
بالنهاية : عادات وتقاليد


منتظر ردك

[MISS EZ3AG]

صراحة لا أستغرب .. قبل شوي كنت اقرا موضوع لوحدة من الأخوات مشابه لموضوعك
الناس صاروا يطلعوا برا ويجوا يشفقوا عالسعودية ..
المشكلة مو تقصير من الحكام ..!! ياما ميزانيات تنصرف بالهبل عشان نتطور ونتقدم .. لكن مابتوصل لمحلها الصّح =)
أموت وأعرف فين تروووح :) :)

كأقل مثال ممكن أوصفه لك .. ازدحام مدينة جده
أنا بحكم مجال تخصصي .. اكتشفت انه تخطيط مدينة جده غلط في غلط ..!!!
أكبر دليل إن جدة مدينة ممتدة عالساحل يعني طولية .. من متى مدينة طولية كل أبو شوارعها دواوير ..؟؟؟!! ويقولوا جدة زحمه .. من الدواوير اللي حاطينها ياهووو -_-
المهندس اللي خطط للمدينة الله يهديه عمل التخطيط على اساس جمالي وهندسي .. ومافكر إنه بعد ثلاثين سنه قدام راح يصير زيادة هائله بالسكان سواء مواطنين أو وافدين بحكم انه مدينة جدة عاصمة التجارة بالمملكة غير إنها ميناء وبوابة الحرمين!!
ولما جو بيعدلوا الغلطه راحو على (البلد) ومحو أبو كل التراث والبيوت اللي هناك والله شي يبكي .. وكله كوم والكباري اللي لها أكثر من سنة ونص موقفه شغلها وتعدت الفترة اللي من المفترض إنها تنتهي فيها .. تلاقوهم حاطين الاساسيات وبعدها تركوا المشروع سنه ولا سته شهور وبعدها كملوا الباقي .. عارفين انه اللي اعلى منهم ماعندك أحد *_^

والكلام يطووووول عن مدينة جدة .. لكن ما أقول غير ............. حسبي الله على من كان السبب :)

[ورقة ... !]

المشاركة الأصلية كتبت بواسطة miss ez3ag صراحة لا أستغرب .. قبل شوي كنت اقرا موضوع لوحدة من الأخوات مشابه لموضوعك الناس صاروا يطلعوا برا ويجوا يشفقوا عالسعودية .. المشكلة مو تقصير من الحكام ..!! ياما ميزانيات تنصرف بالهبل عشان نتطور ونتقدم .. لكن مابتوصل لمحلها الصّح =) أموت وأعرف فين تروووح :) :) كأقل مثال ممكن أوصفه لك .. ازدحام مدينة جده أنا بحكم مجال تخصصي .. اكتشفت انه تخطيط مدينة جده غلط في غلط ..!!! أكبر دليل إن جدة مدينة ممتدة عالساحل يعني طولية .. من متى مدينة طولية كل أبو شوارعها دواوير ..؟؟؟!! ويقولوا جدة زحمه .. من الدواوير اللي حاطينها ياهووو -_- المهندس اللي خطط للمدينة الله يهديه عمل التخطيط على اساس جمالي وهندسي .. ومافكر إنه بعد ثلاثين سنه قدام راح يصير زيادة هائله بالسكان سواء مواطنين أو وافدين بحكم انه مدينة جدة عاصمة التجارة بالمملكة غير إنها ميناء وبوابة الحرمين!! ولما جو بيعدلوا الغلطه راحو على (البلد) ومحو أبو كل التراث والبيوت اللي هناك والله شي يبكي .. وكله كوم والكباري اللي لها أكثر من سنة ونص موقفه شغلها وتعدت الفترة اللي من المفترض إنها تنتهي فيها .. تلاقوهم حاطين الاساسيات وبعدها تركوا المشروع سنه ولا سته شهور وبعدها كملوا الباقي .. عارفين انه اللي اعلى منهم ماعندك أحد *_^ والكلام يطووووول عن مدينة جدة .. لكن ما أقول غير ............. حسبي الله على من كان السبب :)

شوفي . اذا جينا على المبالغ.. فكل يومين بنسمع الحكومة الله يحفظها بتعلن عن ميزانيات ضخمة في سبيل اصلاح البد لكن مدري على قولتك وين تروح!
واذا جينا على الزحمة.. فوالله من يوم ما رحت الين ما رجعت والكباري اللي في الشوارع الرئيسية لسه ما خلصت .. وفي النهاية تلقى لوحة من الشركة القائمة على المشروع : ( نآسف لعدم إزعاجكم ) .. ركزي على (( عدم )) ;)

وإذا جات على تعديل البلد.. فدي تعديل غلطة.. وحل لا بد منه للاسف الشديد..

ولســـــــه يا أختي.. لو تشوفي هناك الزحااام في ماليزيا بس على عكس جدة.. والله في ظرف دقائق بتلقي المرور جا على الشارع المزدحم ونظم خط السير وينفك الزحام


ويـــــــــــن جدة عن كوالالمبور !!

[عندما يتكلم الصمت]

ولكـــن لا زال هناك بصيص أمل بارتقاء بلدي

عل َ هذا البصيص يكون بادرة خير , تنبع من دواخلنا كأفردا لـ تنعكس على بلادنـا التي أحبها
بعـد و بعــد و ..... , وأخيرا ً لأنني مازلت حتى الأن على أرضهـا ..!

عودا ً حميدا ً مكللا َ بالتفائـل ..


\
\

عنــدمـــا يتكلم الصمت ..

[ورقة ... !]

المشاركة الأصلية كتبت بواسطة عندما يتكلم الصمت عل َ هذا البصيص يكون بادرة خير , تنبع من دواخلنا كأفردا لـ تنعكس على بلادنـا التي أحبها بعـد و بعــد و ..... , وأخيرا ً لأنني مازلت حتى الأن على أرضهـا ..! عودا ً حميدا ً مكللا َ بالتفائـل .. \ \ عنــدمـــا يتكلم الصمت ..

عندما يتكلم الصمت..
سلمت يداك على بعث البصيص الي تكلمت انا عليه ^_^

[مـ ـهـ ـا]

انا ابغى افهم ايش جاب طاري التطور ..عند العادات والتقاليد ترى مو مخلينا شعب متخلف وبدائي الا دي العادات اللي كل ما قلنا ليه ولا ابغلا اسوي وابغى اروح قالولي لا العادات ما تسمح او ابيخ جمله سمعتها بحياتي انت وراك قبيله (يرحم اومها دي القبيله اللي ما تعرفني الا باسم وحتى الاغلب اسمي ما يعرفوه وكمان نستنى رايهم ونتاخر على حسابهم)وبعدين م اسمها عاده يعني مو الكل راح يتفق معاها وتقاليد <<يعني نفذ وانت سااكت بجد حاجه تنرفز .


هدا التعليق بس حلى حكايه اعاده و التقليد اما ما تجي عند التطور <<ترى تعبت من كتر ما ادور حلول للناس الهمجيه اللي بدون اي مسؤليه الكامله فنضرها وهو دا لسبب اللي يخليهم على حالهم ياخي بجد بجد عرب هم من تاريخ التفاخر حتى لو كانو غلط >>>>اااااااااااااااااااااه بس يمين بالله حاجه تبكي انت لا تقارن وتشحط برا
انت بس شوف كمان تخف اهل المدينه ولا ابعد كمان وروح الطايف (((استغفر الله))ليا رجعه مره تانيه ع الموضوع

[ورقة ... !]

المشاركة الأصلية كتبت بواسطة مـ ـهـ ـا انا ابغى افهم ايش جاب طاري التطور ..عند العادات والتقاليد ترى مو مخلينا شعب متخلف وبدائي الا دي العادات اللي كل ما قلنا ليه ولا ابغلا اسوي وابغى اروح قالولي لا العادات ما تسمح او ابيخ جمله سمعتها بحياتي انت وراك قبيله (يرحم اومها دي القبيله اللي ما تعرفني الا باسم وحتى الاغلب اسمي ما يعرفوه وكمان نستنى رايهم ونتاخر على حسابهم)وبعدين م اسمها عاده يعني مو الكل راح يتفق معاها وتقاليد <<يعني نفذ وانت سااكت بجد حاجه تنرفز . هدا التعليق بس حلى حكايه اعاده و التقليد اما ما تجي عند التطور <<ترى تعبت من كتر ما ادور حلول للناس الهمجيه اللي بدون اي مسؤليه الكامله فنضرها وهو دا لسبب اللي يخليهم على حالهم ياخي بجد بجد عرب هم من تاريخ التفاخر حتى لو كانو غلط >>>>اااااااااااااااااااااه بس يمين بالله حاجه تبكي انت لا تقارن وتشحط برا انت بس شوف كمان تخف اهل المدينه ولا ابعد كمان وروح الطايف (((استغفر الله))ليا رجعه مره تانيه ع الموضوع

اختي مها :
" أصابع يدك مهي سوا "
تعرفي المثل دا ولا لآ ؟
يعني في كل بيت مو في كل مدينة بس .. تلقين الطيب والبطّـال
الفاهم . والسبيكة
العاقل . والخدمي
في كل بيت بتشوفي اصناف بتسطّــل .. واصناف بتبهر

الله يهدي الجميع



تحيـة ورقيـة ... :)

[shaden]

للأسف مازلنا في قوقعة العادات المدمرة التي خلقت من ثقافة اجتماعيىة عقيمة

عزيزي ورقة :

ماذا تفعل لو كنت أنثى مثلنا ؟ كل مايدور حولك هو كلمة وحدة انتي بنت غير ؟؟؟؟؟؟؟؟؟

عشان المجتمع دائما ينظر للبنت انها غيييييييير ؟ لمتى بس ؟

أما عن نفسي فأنا بادئة في عائلتنا بكسر حواجز العيب والي مايسير بأني أول فتاة في عائلتنا أشتركت في أندية ثقافية
ومشاريع اجتماعية تجمع مابين الجنسين ولا أملك أي خجل فيما أقول فأنا فتاة زرعت في نفسي قيم دينية قبل الاجتماعية

وأهلي معي ولله الحمد يناصرون شادن

أما عن الحواجز الاجتماعية فلا تعنييلي شيء

أشكر اطلالتك الرائعة