لكل البنات اللي سجلو علم نفس وتخصصهم غير تعالو

[مشموشة]

صباح الخير ياعسلات
اولا انا تخصصي فرنسي وكالعاده الجامعه تفتح تخصصات وبعدين ماتعرف اش تسوي بالمتخرجات
يعني انا كنت اتمنى انه يفتحو تخصص فرنسي للماستر ليا وللبنات المتخرجات بكالوريوس فرنسي
ولكن
ردد ياليــــــــــــــــــــــــــــــل مااطولك
ثانيا يفتحوا اقسام ويخلو كل البنات يقدمو عليها وهما اصلا مخططين انهم ماياخدوا الا بنات القسم
طيب ليش تعطونا امل اننا نقدم ؟؟
من البدايه الوجه من الوجه ابيض مايحتاج تخلونا نروح ونجي واخرتها كل اللي قدموا تصيبهم حلات اكتئاب ابتداءاً من قضم الاظافر وانتهاءً بتنتيف الشعر
القصه ومافيها اني قدمت ع تخصص علم نفس للماستر بما انو مافي خيارات تانيه وكمان قولت نفس كليتي .. المهم اني الحمدلله وديت الاوراق وقالتلي اللي اخذت اوراقي روحي للقسم واسالي متى الاختبار
..روحت لسكيرتيرة قسم علم النفس وسالتها في مراجع او شي
قالت لا اختبار عادي يعني اكيد عندكم خلفيه عن علم النفس والمواد اللي درستوها
تحسبني بكالورريوس علم نفس
قاطعتها وقولتلها بس انا تخصصي غير ..
قالت ايش تخصصك ؟
قولتلها فرنسي
وجهها اتغير واتقمصت .. وحسيت من تعابير الوجه انه مافي امل ينقبلو غير بنات القسم
طيب السؤال اللي يحتاج اجابه صريحه ليش تتعبونا وتقولوا قدموا واختبروا؟؟؟
ليش من البدايه ماتقولوا انه كل ناس يدرسوا في تخصصهم؟

طيب سؤال اهم للمسؤلين؟
اللي ماعندهم امتداد لتخصصاتهم اش يسووا
ونفسهم يدرسوا ويكملوا
ولا احنا بنات البطة السودة؟؟

ياناس شوفولنا حل عدد كبير من الطلاب والطالبات عندهم حلم لاكمال الماستر
والجامعات متوفرة ولله الحمد اش اللي ينقص منكم لمن كلنا نبغى نكمل
وليش تحديد مقاعد ؟؟
خلوا الناس اللي نفسها تدرس تكمل
كل شي صعب .. مافي شي يتم بسهوله لازم نتمرمط عشان ندرس
ولازم نتمرمط عشان نتقبل!
ورجاءً لاحد يقول كل شي سهل وقدموا ومدري اش سووا .. والمسؤولين بسووا اللي يقدروا عليه وكلام فاضي!
نبغى ندرس وبس
مانبغى تعقيد
الرحمة يامسؤولين!!!!

[ϻέϻδЯЇəʂ]

,
.
يعني اللي فهمته من كلامك ما اتعب حالي وانزل جدهـ .,
ماراح يقبلوا الا تخصص علم نفس ؟!
والا أتوكل على الله وانزل ؟!
.

[مشموشة]

المشاركة الأصلية كتبت بواسطة ϻέϻδЯЇəʂ , . يعني اللي فهمته من كلامك ما اتعب حالي وانزل جدهـ ., ماراح يقبلوا الا تخصص علم نفس ؟! والا أتوكل على الله وانزل ؟! .

صدقيني ياعزيزتي الخطه مدروسه وماراح يقبلو الا بنات القسم وكمان في المنتدى يقولوا العدد محدود
مااقدر اقولك ايوة ولا لا
الا اذا كنتي من الناس اللي ممكن يصيبهم احباط بعد الرفض.. وقتها اقولك لاتتعبي نفسك!
بس معليش اسالك انتي من اي مدينه ومافي جامعة في منطقتك يعني ليش التعب؟

[ϻέϻδЯЇəʂ]

لا عادي عنوني .,
انا من الطائف بس هنا انظمتهم شوي فيها تعقيد .,
فسبحان الله اليوم بس اللي دريت ان القبول مفتوح بجامعة الملك عبد العزيز .,
وقلت اجرب ومشى الحال .,
بس كثير ردود احبطتني بجد وخصوصا اذا كان العدد بالفعل 5 طالباات .!
يعني اش الحكمة في تقييد الامكان ؟!
.
,

[مشموشة]

المشاركة الأصلية كتبت بواسطة ϻέϻδЯЇəʂ بس كثير ردود احبطتني بجد وخصوصا اذا كان العدد بالفعل 5 طالباات .! يعني اش الحكمة في تقييد الامكان ؟! . ,

لالالالالالالالالالالالالالالالالالالالالالالالالا لالا
حرام عليكي كمان 5
انا اللي راح ابدأ انتف شعري

[ϻέϻδЯЇəʂ]

والله هذآ الي قرأته ياعنوني

وعلى هـ الرابط .,!
http://www.skaau.com/vb/showthread.php?t=118313&page=10
.
,
فـ الله يقدم مافيه الخير للجميع .,
.
,

[الوردة الجريحة]

يابنات لو الله اراد لكم راح يقبلوكم اتوكلوا على الله بلا احباط

الشئ الثاني اللي اخذت بكالوريوس فرنسي تعبت حالها مافي ماستر لهم دايما لو اخذتوا انجليزي يفتح شهر 3 التسجيل وبعدين الانجليزي اهم من الفرنسي لانه اكثر الدول تتعلم انجليزي وهو لغة العصر وحتى لو رحتي لاي واحد مايتكلم عربي وكلمتيه انجليزي بيفهمك ع طول لكن موكل الناس يعرفوا فرنسي بصراحه هذا رأيي واختلاف الاراء لايفسد للود قضية
سجلوا علم نفس وتوكلوا ع الله ولو طلبوا مراجع راح نكتبها هنا وذاكروها اسأل الله لنا ولكم القبول

[اموره انا]

7 تحطيم مره وربي
استغفر الله العظيم

[وردية طموحة]

والله انك جيتي ع الجرح يامشموشه
انا ذقت الويلات عشان خاطر الماستر والله لو درت عني جمعية حقوق الانسان كان كرموني وأدوني جائزة الفتاة الطموحه المكافحه وجائزه مليون ريال قصدي دولار خخخ

والله اني مرره طمووحه ومكافحه نفسي اكمل لو بدون مكافئه لكن الخاص ظروفي الماديه ماتسمحلي
حتى أهلي يقولون لي خلاص مو لازم تكملي ابوالعلم الا يجي بالمذله

حتى بكره بروح للموت كليتي عشان أختم أوراقي وارسلها في نفس اليوم للجامعه لاني ما أقدر انزل جده
بس كيف أرسلها بdhl

[مشموشة]

المشاركة الأصلية كتبت بواسطة وردية طموحة والله انك جيتي ع الجرح يامشموشه انا ذقت الويلات عشان خاطر الماستر والله لو درت عني جمعية حقوق الانسان كان كرموني وأدوني جائزة الفتاة الطموحه المكافحه وجائزه مليون ريال قصدي دولار خخخ والله اني مرره طمووحه ومكافحه نفسي اكمل لو بدون مكافئه لكن الخاص ظروفي الماديه ماتسمحلي حتى أهلي يقولون لي خلاص مو لازم تكملي ابوالعلم الا يجي بالمذله حتى بكره بروح للموت كليتي عشان أختم أوراقي وارسلها في نفس اليوم للجامعه لاني ما أقدر انزل جده بس كيف أرسلها بdhl

وردية عزيتي انا زيك طموحي عالي ماله حدود
وخاص مااقدر عليه
ولكن شوفي ماراح نيأس
وفي هاذي الحاله اللي احنا فيها مالك الا حلين
ياتقضمي اظافرك
ياتنتفي شعرك
الين النظام يتغير ويحسوا فينا >>> مافي امل