اللغات الاوربيه ؟؟؟

[ماينوصف غلاها]

بسم الله الرحمن الرحيم

السلام عليكم ورحمة الله وبركـــــــــــــاته

اتمنى ان الكــل في اتم الصحه والعافيه

حبيت هالقسم وحبيت استفسر عن كم مووضع

اولا انا سنه تحضيريه

وحابه اعرف اش في لغات غير الانجليزي والفرنسي

وكم الواحد يحتاج معدل عشان يدخل انا عني حابه ادرس فرنسي

وهل تنصحوني ادخل ولا لا

ياليت احد يمدني بهالمعلومات واكون شاكره لكم من كل قلبي

[مني يغار الورد]

وعليكم السلام ورحمة الله
ياعسل هوه مافي غير الفرنسي وادب انقلش
بيعتمد اكيد كم بنت طالبة التتخصص وع اساسه يحطو المعدل
بس انا لمن كنت تحضيري طلبو 4.50 ولازم الكا1و2 95 هذا بالنسبة للانقلش
أما الفرنسي اعتقد والله اعلم اذا ماخانتني ذاكرتي 3.50 وكمان بالإلكا 1و2 95
وبايش انصحك والله العظيم انا مااقدر افيدك بس بما انك تحبيه استخيري والله يكتب لكـ اللي فيه الخير
بالتوفيق ....

[HHM]

وعليكم السلام اهلين فيكي | ماينوصف غلاها |
كنت فيوم من الايام مكانك بس كنت حابه ادخل انجليزي
ترمين ورا بعض وانا احاول ادخل القسم ومافي اي مانع يمنعي
درجاتي كانت 95-100 ماشاءالله كل ماروح يقولو مافي مكان اكتفينا !
تحطمت وقتها صحباتي تخصصو الا انا وكان الفرنسي رغبتي
الثانيه | لغة كنت حابه اتعلمها بس ماادرسها|
استخرت وتوكلت على ربي ورحت اعبيء استمارة التخصص
الرغبه الاولى انجليزي والرغبه الثانيه فرنسي << مصرهـ
بعدها بكم يوم نزل اسمي فالفرنسي
وقتها ماكنت عارفه افرح ولا ابكي
بدات دراستي فالفرنسي عشقت اللغه حبيتها بزيادهـ
واللهي ماندمت ولا فيوم اني دخلت القسم
دكتورات اخلاق وتعامل ولا احلى
لغه تميزك عن غيرك لان مو اي احد يعرف فرنسي هنا الكل انجليزي
وفوق هذا كلو في مادة تتكلم عن اركان الاسلام والايمان والاحسان
وسيرة الرسول صلى الله عليه وسلم والصحابه
المواد في الصعب وفي السهل بس لو اجتهدتي ربنا ماراح يضيع تعبك
نصيحتي لك استخيري وربنا اكيد حيكتبلك اللي في الخير ^__^
اسفه عالاطاله

[حبيتك تنسيت النوم]

السلام عليكم


شوفي بالنسبه يالأولاد بما أن مستوى معدلاتنا أقل من البنات بكثير وشي مخجل بصراحه

طالبين مننا للتخصص أنقلش .. نعدي elca 1-2 بأي درجة والمعدل يكون فوق 3.75

والفرنسي .. مافي أي شروط .. زميلي معدله 2.90 مو بس خصصوه .. الا طلعوه بعثه لـ باريس الله يوفقه .!


والله أعلم أن ساعات شعبة الفرنسي أقل مننا طلاب الأنقلش


الله يوفقك أدرسي رغبتك وأستفيدي من تجارب بنات القسم

[ماينوصف غلاها]

مني يغار الورد

مشكوره ياعمري عالرد والله يوفقك وينولك كل الي ببالك

اسعدني تواجدك وردك

hmm

يالبى قلبك عالرد الي يبرد القلب

وربي مو عارفه كيف اشكرك
وياليت كلمة شكر توفيك حقك فرحني ردك

وان شاء الله انه ربي يسهل علي وادخل لغه فرنسي يــــارب

والله يوفقك ياقمر ومشكوره

حبيتك تنسيت النوم

مشكور يالغالي عالمرور

والله يوفقك ويوفق الجميع

وان شاء الله ربي ييسر لي هالسنه وتعدي على خير واجيب معدل كويس
عشان ادخل الي نفسي فيه

والي يدخل هنا يدعيلي وان شاء الله لكم بالمثل

مشكورين جميعا عالمرور الي عطر الصفحه

لكم تحياتي / ماينوصف غلاها