موقع الرياضيات

[مكاوية وافيخر]

اول الترم حليت في الموقع
بس بعد الاختبارات غيرت الجهاز ومن بعدها مو راضي يفتح معايا
اذا احد يعرف كيف اقدر ادخل ع الموقع تاني يقول
حتى الاستاذة سالتها ما تعرف

تحياتيــــ ...

[P!nk ink]

يااختي انا اول جهازي كان 2007 وكان مايدخلي على الموقع وبعدين فرمته ودخلت 2003 وصار يشتغل زي الحلاوة
والله يوفقك إن شاء الله والله انا مو عارفة احل فيه شي الله يسهل لنا ...

[بحورة]

يا قلبي أنا جهازي 2007 ويشتغل معايا ما فرق الجهاز

ترى أنا أعرف تنتين من صحباتي ما يفتح معاهم من نفس الشعبة اللي انا بيها

وأنا يشتغل معايا ........


المشكلة من نفس الموقع يا قلبي قبل قترة كان بطئ ما يفتح بسرعة ودحين

مايفتح عند بعض ويفتح عند بعض

وأقولك من دحين ما قدامك تحلي إلا شابتر 3

ونص البنات ما حلو الله يعينهم

والمشكلة من عندهم يا قلبي مو من جهازك فلا تعملي فيه شئ


تقبلي مروري ...........

[..ريما..]

تاكدي من الموقع


https://secure.ecollege.com/kau/

[ALNADEL]

لا تتأكد ولا شيئ ....
كل مافي الموضوع أنه إذا سجلتي في الموقع بينزل أكواد تعريف على الجهاز...
وعلشان كذا حاولي تدخلى من نفس الجهاز وإذا ما جا معكي ....
أنسخي الريجستي للجهاز الأول وثبتيه على الثاني ....
الله معك ..

[بريق انثى]

حتى انا حليت عادي

وبعدين قفلتو مو راضي يدخل معايه

ولمن جربت من الرابط الا نزلتو ريما فتح معايه

يسلمووو ريما الله يعطيك العافية

[كواكب 123]

The system is currently unavailable due to a scheduled upgrade. The system is scheduled to be available by Tuesday, December 29, at 9:00 AM EST (14:00 GMT).

We apologize for any inconvenience and thank you for your patience.


The XL and MyLab Product Teams

[كواكب 123]

تحت الصيانه والله اعلم

[g0rba]

انا جهازي 2009 :) << صح ياجديد هع
فيستا عادي يشتغل معايا
صح في البدايه ماشتغل
بس بعدين اشتغل
المشكلة هو من الاتصال
يعني غيري البروكسي حق الجهاز
وافضل لك انك تشيلي كل الصح يعني بدون بروكسي ولا شي
يعني تدخلي على ادوات بعدين الاتصالات
بعدين اعدادات lan
بعدين شيلي الصح كلو
ان شاء الله يفيدك :)

عندي سؤؤال هو لقافه بس مدري وش اسوي لقافتي زايده هالايام :)
وش وافيخر ؟! << كف

[g0rba]

انا دوبي دخلت على الموقع
طلع لي كلام انجليزي وترجمته
هذا الترجمه
النظام غير متوفر حاليا بسبب الترقية المقرر. النظام ومن المقرر أن تكون متاحة بحلول يوم الثلاثاء ، 29 ديسمبر ، الساعة 9:00 صباحا بتوقيت شرق الولايات المتحدة (14:00 بتوقيت جرينتش).

نحن نعتذر عن أي إزعاج وأشكركم على صبركم.

بالتوفيييق