الدخول دون البطاقه الجامعيه يسير

[*غند*]

السلام عليكم

لو سمحتووو ابغى ارووح اختبرالبرزينتيشن في جده والبطاقه

الجامعيه ماهي معي يدخلوني

الرجااااء الرد المستعجل

[smooth Hanno]

لا ياقلبي ما اعتقد يدخلوكي..لازم بالبطاقه..

بس لو كانت السكيوريتي اللي عند الباب طيبه ممكن توريها جدولك او شي يثبت انو انتي من الجامعه وقوليلها انو مره ضروري ادخل..وان شاالله تدخلك..

[*غند*]

عارفه انا في المدينه اخاااف اطق مشوااار

وما تدخلني لازم اتأكد انها تدخلني

اخاف اقلبها مناحه عند الباب من تعب السفر ههههههههه ياربي قهر

[smooth Hanno]

تيب اسمعي انتي مع ايت استازه؟؟

لانو لو نفس استازتي(مس ريم فطاني)..فانا عندي رقمها وممكن تدقي عليها وتقوليلها وهيا ممكن تكلم السكيوريتي اللي برا..

[*غند*]

لا انا عند ريم سائحي

بس اذا عندك رقمها ارسليلي هوا

اعرفها درست عندها

[غنوج]

شوفي بامكانك تدخلي الجامعة اذا كان معاك جدول محاضراتك يثبت انك في الجامعه وريهم جدولك وحيكتبولك خطاب تدخلي وتخرجي فيله ان شاء الله مادام عندك اختبار

[*غند*]

خيتو اكيييييد

اتوكل على الله

[smooth Hanno]

ارسلك رقم مس ريم واللا خلاس ماتبغي؟؟؟

[*غند*]

عارفه انا ماشيه الحين

خلاص الله يسهلها علي

ويعطيكي العافيه ما قصرتي

[غنوج]

بالسلامة ان شاء الله