إستفسار: هل يمكن التحويل إلى جامعة أم القرى لأي طالب من السنة التحضيرية

[سلطان المالكي]

أرجوا الإفادة

هل أستطيع التحويل من جامعة الملك عبدالعزيز إلى جامعة أم القرى الترم الثاني

وكيف يتم ذلك وما هي المتطلبات

[g0rba]

سلام عليكم
اخوي ماتقدر الترم التاني لان اصلا مافي تقديم باام القرى الترم التاني
لان يمكن يحولوها لتحضيري لكل الاقسام لان هالسنه هندسة وطب

ويمكن السنه الجيه لكل الاقسام انا كلمت عميد القبول والتسجيل
قال شهر 8 يبدى التقديم يعني على السنه الجيه وحتى انا بحول ويمكن حااسحب من بعد الاختبارات
اذا نجحت كملت مانجحت سحبت :)

[مهموم والله]

مالقيت الا أم القرى الناس يهربوا منها وانت تروح لها انصحك تشوف جامعة ثانية ^^

[د-فوفه]

يب يب يب

اكرر سؤال اخوي لانو ام القرى احلى مافيهاا انو مافي سنه تحضيري

ومهموم ليش تقول موكويسه اشبها يعني ادا عندك خلفيه تكلم

[skuua]

يمدحون جانعه الطائف

[BLACK AURION]

بالنسبة لأم القرى أنا واحد من أصحابي داخل فيها طب مباشرة (مو مثلنا) ويقلي الدراسة ممتازة جدا فيها والدكاترة طيبين واختبار الأنجليزي من الكتاب (مو مثلنا) ومبسوط فيها أعرف أكثر من واحد من أصحابي داخلين فيها ويقولون نفس الكلام هذا اللي أعرفه عن أم القرى وشكرا.

[مجموع انسان]

^^^^^

يالي فوق طيب حتى احنا مرتاحين في الانجليزي بس تجينا الاسئله بره المناهج وغير كذا دوااام ولا احلى في التاهيلي ايش تبغى اكثر<<<<يتريق...ههههههههههههههه

[SO0OMH]

حتى انا والله ابغى اعرف ممكن نحول ؟؟
بعدين ع فكره جامعة ام القرى ما فيها شي بس الناس دحين ما يبغوها مو عشان شي بس عشآآآن انو ياااي مو زي جامعة الملك عبد العزيز ولا هي والله احسن من التعب إلا احنا فيه

[AhmadAmer]

و الله يا ناس ما أعتقد في تحويل لجامعة أم القرى ..

لأنو أنا شخصيا كنت أبغى هندسة في أم القرى و كلمت عميد كلية الهندسة و قلي ما عندنا نظام نقل في وسط السنة
و قلي شد حيلك و أنجح في الماث 110 و فيزياء 110 و ندخلك الجامعة و نحذفلك المادتين .. >> هذا و أنا كلمتو بواسطة ..

فااا الخيرة فيما أختاره الله ..
إذا الله وفقك و قدرت تكمل في جامعة الملك عبدالعزيز و إذا الله كاتبلك إنك تنقل برضو شد حيلك و أنقل مكة و خليهم يحذفوا لك المواد ^^

[glaa]

اخوي العزيز


بالنسبه للنقل ..

جامعه ام القرى مافيها سنه تحظيريه

فشرط اساسي للنقل انك تكمل السنه التحظيريه في جامعه الملك عبدالعزيز


وتنقل لأم القرى في السنه الجديدهـ وتتخصص هنآك


واسأل الله لك التوفيق والنجاح في حيآتك


وييسرلك كل خير آآمين


ودي ..