سؤال للي اختبرو بالرياض

[منــــــى]

السلام عليكم
بنات وشباب خطة أ ابغى اسأل كيف كانت اختباراتكم يعني نفس اسئلة جدة والا تختلف .التنظيم للاختبار حلو والا حسيوتو بربكة يارريت تردو علي لاني بختبر الترم الثاني بالرياض

[عاشق النون]

منى

الله يجزاك خير

كنت بنزل موضوع بهالخصوص

وانا اتمنى من اللي اختبروا بالمناطق يبلغونا

بكل شي

الاسئله هي نفس اسئلة الجامعة ولا لا

مواعيد الاختبار

المراقبين

الزحمه (( متعقد منها ))

الوقت في الاختبار


و
و
و

في انتظار اجابه

[rus]

السلام عليكم اخواتي
انا اختبرت بالرياض كانت الاختبارات ممتازة جداً ومريحة لنفوس الطلاب مع انها كانت زحمه
الاسئلة نفسها
موعد الاختبار كان 3.30 ولكن مع الزحمة وصلاة العصر يخلونه 4.00 ويوزعوا الاسئلة بعد حضور جميع الطلاب وممكن يزيد عن الساعة الرابعة
المراقبين قمة في الاحترام ، بشاشة الوجه ، مداعبة مع الطلاب وتقديم كل مايحتاجونه منهم يعني ماقصرو معنا صراحة بيض ا لله وجيههم (ياريت كل الاختبارات لااترام في الرياض) متعه
اي ا سئلة اخرى انا حاضر يااخواتي

[أبوريناااد]

المشاركة الأصلية كتبت بواسطة rus السلام عليكم اخواتي انا اختبرت بالرياض كانت الاختبارات ممتازة جداً ومريحة لنفوس الطلاب مع انها كانت زحمه الاسئلة نفسها موعد الاختبار كان 3.30 ولكن مع الزحمة وصلاة العصر يخلونه 4.00 ويوزعوا الاسئلة بعد حضور جميع الطلاب وممكن يزيد عن الساعة الرابعة المراقبين قمة في الاحترام ، بشاشة الوجه ، مداعبة مع الطلاب وتقديم كل مايحتاجونه منهم يعني ماقصرو معنا صراحة بيض ا لله وجيههم (ياريت كل الاختبارات لااترام في الرياض) متعه اي ا سئلة اخرى انا حاضر يااخواتي

عندي ملاحظة على الإضائة والتكييف فاالإضائة كانت ضعيفه جدا والتكييف كان فاشل وأختلف معاك في بشاشة ومداعبة الطلاب فنفسيات المراقبين زي الزفت وكأنك جالس على راسهم بعدين يعطونك مرسم مكسور او مبري زي الدبوس تتقطع فيه ورقة الإجابه ويقدمون مويه أبو نص ريال مره تجيك ثلج ومره تجيك حاره ناهيك عن المواقف ( مواقف السيارات ) تطلع ريحتك وانت تدور موقف لسيارتك والمصلى اللي نصلي فيه صغير لدرجة ان الطلاب قاموا يصلون مجموعات تفادي للتأخر على موعد الإختبار وألفت نظرك لعدم الإهتمام لنظافة المصلى ولاتفهم من كلامي انه مصلى يعني بناء لا بل كم سجادة صلاه على الارض بس وفي مكان مكشوف لا وأزيدك من الشعر بيت دورات المياه 5000 آلاف طالب تقريباً مالهم الا عدد 8 حمامات تجيب المرض وأصبحنا نضطر للذهاب للمسجد القريب للفندق هذه هي الملاحظات بكل صدق ووضوح وبدون زيادة أو نقصان .... الإختبارات الجايه بجدة بإذن الله

[777]

يعني مايساعدون متشددين

[مـشـعـل]

الاسئلة نفسها يـ اخوان وهي اربع نماذج

والاختبار هنا والا هنا زي بعض

بس الواحد يبعد ويختبر بجده بما انه مقيم بالرياض عشان يكون بعيد عن الصجه واللجه

يعني يذاكر لحاله فقط

والله يوفقنا وياك

[الولد المنمق]

المشاركة الأصلية كتبت بواسطة مـشـعـل الاسئلة نفسها يـ اخوان وهي اربع نماذج والاختبار هنا والا هنا زي بعض بس الواحد يبعد ويختبر بجده بما انه مقيم بالرياض عشان يكون بعيد عن الصجه واللجه يعني يذاكر لحاله فقط والله يوفقنا وياك

يالبى قلبك كلامك صدق والله صدق والله صدق يعني يبعد عن الازعاج والارتباطات والعيال والسهرات والبلوت والثمامة والتحليه
ويذاكر احسن له
شكرا

[السحابه الصامته]

انا اختبرت بجده ومعاي بنات بجده وفيه برضو بنات اختبرو بالرياض
بصراحه بجده قمه الفله بالعربي
بالرياض معقديــنهم بمعنى الكلمه وربشه وقلق نفسي وانسى انك تغش او احد يساعدك
بجده المدرسه عندك تجيك وتشرح لك الاسئله وانا عن نفسي وربي مدرستين في ماده الاتصال والانجليزي سالتها عن سؤال كان مبهم ووضحته لي وبالعربي قالت الاجابه كذا باسلوب حلووو
مرررررررررررره راحه نفسيه
بالرياض صحباتي مررره ربكه ومتشددين كثير كثير كثير
والاسئله نفسها بالضبط
وبالنسبه للاولاد فيه واحد اختبر بجده انوااااااااااااع الوناسه كلهم يجلسون شله بجنب بعض ويغششون بعض وافضل من البنات من ناحيته الراحه والفله
واسئله الاولاد تختلف عننا
وهالكلام مو من راسي من الي معاااي اعرفهم
وبالتوفيق للكل
وعن نفسي انا بالرياض واختبرت بجده
وبرضو الفصل الثاني بختبر بجده مستحييييييييييييييييييييييييييييييييييل اختبر بالرياض

[ضاايع]

احمد ربك يعطوكم مويه

انا من الرياض ومختبر في جده لا مويه ولا شي ولا مساعده

والنفسيه زي الزفت كلهم

وقمه في القلق ما يخلونك على راحتك

[ضاايع]

مهب عذر اخووي

انك تبعد عن الرياض انت شفت المعامله حقتهم فينا كيف يقروشونك ما يخلونك تحل على راحتك حتى التفكير ما تقدر تفكر صح

وش الرياض وكيف تعاملهم مع الطلاب

قمه في الدلع والفلله