الاستشارات الادارية نسبة النجاح 30% فقط!!

[عبدالله الناصر]

انا اليوم الصباح كنت في الجامعه ومريت على الدكتور محمد احمد اسعد دكتور مادة الاستشارات الادارية pad427

وسألته عن النتايج وقال لي بالحرف نسبة النجاح 30% فقط

وقلت له يادكتور وين الاربع درجات اللي انت تقول راح اعطيكم اياها

وقال لي انا اعطيت إلى عشر درجات ولكن انتوا اللي ما ذاكرتوا

وقال الان الاختبار كانت كل اجوبته خطأ

يعني اللي حط كل الاجابات خطأ اخذ 100 من 100

ويقول انه فيه طالب واحد هو اللي جاب 100 من 100

وقلت متى تنزل الدرجات وقال انا اصلا جاي عشان انزل الدرجات لكن الكمبيوتر عطلان

ويقول انه راح ينزلها كما هي ولا فيه اي نيه انه يعدل فيها

وحتى ما رضي يعلمني انا ناجح والا راسب :(

والدكتور فهد الحركان حق مادة اجهزة التطوير الاداري يقول ان النتايج جاهزة وانه راح ينزلها لما يضبط الكمبيوتر معاه

وما قال كم هي نسبة الرسوب في مادته



الله يعين بس على باقي المواد

[sastranger]

لاحول ولا قوة الا بالله ... ان شاء الله ان كلام الدكتور ماهو صحيح ... يارجل الدكتور وعدنا خير ... كيف 30 % فقط ... انت متاكد ... والله حاجه تقهر... سترك يارب

[عبدالله الناصر]

والله كلام الدكتور نفسه بلسانه

الا ان كانه يمزح او يستهبل ما ادري عنه

بس ملامح وجه كانت جاده

وانا اول مره اتعامل معه ولا اعرفه من قبل

[فهد جده]

اصلا صياغة الاسئلة خطأ ومالها داعي والله اخوي عبدالله بس الله يعين شكله مخلي وحده من البنات تحطها له مثل ما خلاهم يسوون الملخص ويبيعه علينا ب40 ريال

الله يستر

[راكان بن ماجد]

اتحداه اذا كانت كل الاجوبة خطأ الا اذا كان هناك اخطاء املائية بالاسئلة غيرت معنى الاسئلة ..

[عبدالله الناصر]

والله كلامه يقول كل الاجوبة خطأ

ما أدري وش قصته لكن مالنا الا الصبر لين تطلع النتائج ونشوف :(

[شذى الورد]

غريبه انا اختبرت عنده ماده قبل ونجحت
وماده هذا السمسترررر ولسا ما طلعت النتيجه
وبالعاده نادراً أحد يرسب عنده واسئلته مباشره وسهله

الله يستر

دعواتي لكم بالنجاح

[عاشق نجد]

يا راجل عدل بدل . إن شاء الله مو صحيح .

بصراحة هذي المادة الي كنا نتوقع نجيب فيها درجة حلوه ...

الله يستر . معاد عرفنا للجامعة .

نتوقع نجيب ممتاز نحمل المادة . . ونتوقع نحمل المادة ونعدي ...


يارجل والله ما دخلت راسي ...

[sameer22]

اللي أعرفه أن فيه نسبة أعلى للرسوب لو زادت ... فيه اجراء يزيدوا كل الطلاب إلى أن تصل نسبة الرسوب الحد الأعلى ...
لكن ما أظن أن نسبة العليا الرسوب 70% !!!!

والله يعينكم ... مع انها مادة سهلة ... والظاهر انها اختبارها أسهل من أول ( كانت مقالية ) ...


الله يكتب لي واياكم النجاح في الدارين ...

[عبدالله الناصر]

ابشركم نزلت درجات الاستشارات الادارية قبل 5 دقايق

وابشركم اني عديت :) ولله الحمد

بديت احس ان الدكتور كان يستهبل والا يمزح والا ما ادري وش قصته ؟؟!!

طمنونا على نتايجكم وفقكم الله