بلييييييييييييز احد يجاوبني راسي اتفجر من التفكير

[violets]

السلام عليكم


انا مررره احب الانجلش بس برضو خايفه اتخصص فيه وابكي ع ما فات


فدحين ابى اعرف كم المعدل اللي يطلبو الانجلش؟؟؟
وكيف هوا ممتع ولا لأ ؟؟
ولو مستقبل ولا محاسبه وقانون احسن؟؟؟؟

بليييز لا تطنشون من جد محتاجه احد يجاوبني

[شخصية مستهدفة]

والله اللي سمعته يا إما فوق 4 أو تجيبين في الانجليزي المواد العامه 1 و 2 فوق 95

بالنسبة اذا حتمشي فيه أولا فهذا بحسب قوة إرادتك..

بس أنا بصراحه أنصحك بتخصص محاسبة أو قانون ...!!

وانتي استخيري و الله يقدم لك اللي فيه الخير يارب..

[violets]

طيب ليه القانون او المحاسبه احسن ؟؟؟
من اية جهة؟؟؟

[صبوحة]

ياقلبي نصيحة مني لك

القسم حلو بس يبغالك تتخصصي فيه وانتي عندك بيسيك يعني أساس ومو أي اساس أساس قوي ويكون عندك خلفية فالمفردات والكلمات ومعانيها
والجرامر وغير كذة لازم تكوني مطلعة عالأنجليش فكل شي كتب مقالات جرايد

يعني انتي بتدرسي لغة مجتمع مو بس تدرسي لغة انجليزية

يعني الخطة فالديبارتمنت بالنسسبة للمواد تنقسم لمواد لغويه تتعلق باللغة ومواد أدبية تتعلق بالقصص والمسرحيات والشعر
يعني لازم تحبي القسم ويكون عندك طاقة تبذلي مجهود فية وحتتعبي ومو بالسهل حتنجحي من أول مره في إحتمال إنك تعيدي المادة أو تحمليها مره تانية (((يعني لو انتي من النوع اللي ينحبط من أول طيحة حتتعبي ))
الصبر ثم الصبر ثم الصبر
والشي هذا فكل قسم مو بس الإنجلش

وأستخيري الله يختار لك اللي فية الخير يارب

أتمنى أكون أفدتك

دعواتك عندي إختبار بكرة قولي يارب يسهلي ولجميع البنات
آآآآآآآآآآآآآمين

ولو قررتي
يصير بلغينا ايش قرارك

[Ignor]

تعلمي إنجليزي في أي مكان غير هالجامعه وتخصصات الإداره قويه ومطلوبه أكثر

[صبوحة]

المشاركة الأصلية كتبت بواسطة ignor تعلمي إنجليزي في أي مكان غير هالجامعه وتخصصات الإداره قويه ومطلوبه أكثر

انا مع صديقتنا ان ممكن تتعلمي الأنجلش فأي مكان تاني أقسام الأدارة مطلوبة وحلوه كمان
بس الأتعماد على تحديد مستقبلك ليكي انتي فالأول والأخير

[نص دافوره]

المشاركة الأصلية كتبت بواسطة صبوحة انا مع صديقتنا ان ممكن تتعلمي الأنجلش فأي مكان تاني أقسام الأدارة مطلوبة وحلوه كمان بس الأتعماد على تحديد مستقبلك ليكي انتي فالأول والأخير

وانااا برضه نفس الكلام اقووله

صدقيني انا ندماانه اني دخلت ذا القسم مو لاني كسلانه والا شي لا انا الحمدلله مستواي كويس

داايم اقوول لنفسي ياليت دخلت محاسبه ادارة اعمال

لاني انا اصلا كنت علمي وبنسبه عاااليه بعد

صدقيني ذي التخصصات روووعه مرررره ومطلوووبه بالوقت الحاالي بنووك شركات اي مكاااان

والمملكة الحين مقبله على تطوور كبيير وتحتاج زي هذه التخصصات

وزي ماقالوا البناات الانجلش تقدري تااخذيه باي مكاان

وبالاخييير استخيري والله يكتب لك اللي فيه الخييير

[violets]

صبوحة انا عندي اساس الحمدلله ومره شجعتيني ادخل انجلش بس ليه التحطيم ان شاءالله ما احمل مواد ويااااارب الاختبار يكون سهل عليكي بكره
ignor انا مو داخله عشان اتعلم انجلش انا داخله عشان اتخصص في الانجلش وصراحه احس التخصصات الادارية ماتقدري تطوري نفسك فيها يعني محاسبه طول عمرك محاسبة غير قرف الشركات الخاصة

[صبوحة]

حبيبتي violets
مو تحطيم والله بس في مواد تكون شوية ثقيلة مثلا الرايتنج تعتبر مادة قدرات مو كل البنات يعرفوا يكتبوا بطريقة صحيحه وخالية من الأغلاط في الجرامر والسبيلنج
أو مثلا ممكن يكون ضعفها أنها ما تقدر تجمع أفكار أوتربطها مع بعض

عشان كذه هذا الكورس أغلب البنات ما ينجحوا فية من أول مره
وتنجح فيه فتاني مرة ليش؟؟؟؟قوليلي ليش
لأنها أتعلمت من أغلاطها وعرفت إيش مطلوب منها أكثر

بس هذا إللي قصدته وياستي يارب إنك ما تحملي ولا مادة ويارب يكون طموحك عالي دايما

بالتوفيق