هام لمن تريد تعديل درجة الإنجليزي

[نيكييتا]

طبعا لاحظت انو الكل من امس ويقولو رح نجي ونراجعهم لكن اليوم لما جيت انا وصحباتي بصراحة انصدمت لأنو العدد الي حضر ينعد على الأصابع

كيف تبغو تعدلو وانتو ما تبذلو جهد ؟؟؟؟

انا وصحباتي من يوم ما عرفنا الدرجات ونحن مرابطين عند مبنى 40 وقدام مبنى 1

وما استسلمنا ... لأنو هذا الإف رح يأثر على شهادة تخرجنا ولما نقدم شهادتنا لمراكز العمل ويشوفو الإف ماراح يقولو حرراااام والله ظلموكم

نحن لازم ندافع عن حقنا .. والبنات الي رضيو بالظلم فضلا عن انهم ضعيفات ( اعتذر عن اللفظ ) وكمان ينطبق عليهم القول الساكت عن الحق شيطان أخرس

نحن ليش نسمح لهم يظلمونا ؟؟ لا وكمان نسكت لهم ؟؟

بنات ... عني انا وزميلاتي رح نتواجد بكرا في مبنى 40 قدام غرفة الإجتماعات الي كانو يواجعو فيها اوراق الإختبار الدوري الثالث ... رح ننتظر هناك لحد الساعة 10 ونص

على امل اننا نلقى بنات متجمعين ... لأننا اليوم انتظرنا للساعة 10 وعدد البنات هناك ما وصل 20 بنت ..

لا وتقولو انحنا ما نعمل شي ؟؟؟

انتو الي ما جيتو وجريتو ورا حقكم ....

اذا كانت وحدة هنا في المنتدى جات اليوم ياريت تحكي للباقين ... كيف رحنا وانتظرنا دكتورة بادية ... وبعد الأجوبة الرهيبة الي اعطتنا رحنا عند العميدة ...

والصراحة لو قلت انو عدد البنات الي كلمو سكرتيرة العميدة معايا ومع صحباتي كانو 15 رح اكون كذابة


طيب الحين بعد الكلام الكثير رح تسألوني شو الملطوب ؟؟؟

المطلوب يا حلوات تجمع كبير بكرا لطالبات السنة التحضيرية بسبب مشكلة درجات الإنجليزي

واقصد بكلمة تجمع بنات يعني مو تجي 2 ولا 3 بنات

انتو مظلومين ... وعدد قليل ما يعمل اي تأثير عليهم .. بإستثناء الشفقة من بعض الأستاذات

احنا هنا لنا الحق ... يقولو راجعو قسم الطلاب .. طيب البنات الي ماعندهم احد يراجع لهم هناك ؟؟

حقهم يضيع ؟؟؟ احنا لازم نطلب حل فوري ..

وربي مافي وحدة سألتها كيف درجتك الا وتقول احس اني مظلومة فيها

وبالمقارنة مع شطر الطلاب الطلاب تقريبا كلهم ناجحين وبدرجات حلوة ... طيب احنا ؟؟؟

امكن الطلاب حسبو لهم بطريقة غير طريقتنا ؟؟ طيب يحسبو لنا بنفس الطريقة وينجحونا ولو بـ60

يا بنات .. اطلب منكم وببساطة تحضرو بكرا .. رح يقفلوها بالبداية في وجهكم لكن المفترض ما تستسلمو

هذا حقنا ... ولازم ندافع عنه ...

رجائاً احضرو .. مو عشاني ... عشان حقكم درجاتكم تعبكم وكل الأيام الي جيتو فيها مواصلين عشان كويز ولا بريزنتيشن ولا رايتنج

في هذا الموضوع اتمنى كل بنوته حلوة ارادتها قوية ورغبانة توقف في صف المظلومين ( احنا كووولنا ) تحط لنا رد انها رح تكون جاية بكرا

وانا رح اتابع الموضوع لما الساعة 8 بكرا الصبح وحتى لو ماتقدري تجي ارسلي رد انك مو جاية

عشان اقدر اعرف العدد التقريبي للبنات الي رح يجو

بلييييييييز اتمنى انو كل الي يقرأ هالموضوع يقرر وبشدة انو يجي عشان لازم نوقفهم عند حدهم

انتظر ردودكم و تسجيل حضوركم بكرا معايا

^ _ ^

[just_girl]

اليوم أختي راحت هي وصاحباتها لمديرة مركز اللغة لفاطمة القدسي مبنى 40 الدور الثاني
وكتبت اسمها ورقمها الجامعي هي وصاحباتها في ورقة لمراجعة درجات الانجليزي وقالت لهم انها عندها اجتماع اليوم من 12 الى 3 لمناقشة موضوع الانجليزي والظلم اللي صار فيه
والله يابنات انكم انظلمتوا وإن كان فيكم خير ما تسكتون على حقكم أنا طالبة ماجستير في الجامعة وكلمت استاذة أختي وقالت لي الآلية المتبعة في تقسيم الدرجات جائرة
تخيلوا الدرجات اللي في يد الاستاذات قسموها على 4 يعني لو وحدة فيكم جابت 100 رح يعطونها 25 بسسسسسس
الموضوع كامل الان بين ايديكم واذا ماتحركتوا بسررعه انسوا حقكم للابد
أختي بكرة رح تروح هي ومجموعة من صاحباتها عشان يسألون فاطمة القدسي عن اللي صار في الاجتماع واتمنى كلكم تصيرون يد وحده وما تتنازلون عن حقكم

[wjwj]

عزيزتي انا مو بس اليوم رحت ليه يومين من يوم مانزلوا الدرجات وأنا مرابطة عندهم

واليوم رحت ماسار شيء قدمت شكوه واعطيتها وحدة اسمها أشواق مادري ايش المهم وقالت الحل والربط

كلووو من عند البنين .. وحتى نبين كذبهم ارسلت اخوية لقسم البين ومارضيوا ياخذوا الشكوى

هذي هيه المهزلة بعينها .

[جنى الشريف]

انا ودي اجي بس انا مو عايشه بجده ورجعت لاهلي ولا وربي مقهووووووووره لكن بكلم صحباتي واقولهم يجوووون .. بس تكفوووون طمنوني

[روح الربيع]

وددددددي أرووح بس المشكلة ما عندي مواصلات =(
وأنا أرسلت شكاوي مو شكوى وحدة وان شاءالله بعد الإجازة رح أطفشهم ~

[نيكييتا]

مو مشكلة يا حلوين

البركة في بنات جدة

وينهم ؟؟؟؟؟؟؟؟؟؟؟؟؟؟؟؟؟

وترا انا وصحبتي اول الواصلين بكرا احنا رح نفتح الجامعة

انتظر التفاعل

[مذهلتكم]

في مجموعه راحو اليوم وانا منهم ومجموعه اكبر راحو امس وقدرو يقابلو العميده وتناقشو معاها وانتو روحو بكرا واحاول قد مااقدر اكون بكرا متواجده معاكم بالتوفيييييييييييييييق للجميع وإن شاء الله ربي ينصرنا وناخذ حقنا منهم

[نيكييتا]

شي طبيعي رح نروح

وربي ما يترك الظالمين

ويارب يكون العدد بكرا اكبر من عدد امس

[mashaeel]

الله يقويكم حبايبي
والله لو عندي شك واحد في الميه بس انو بيعدلون الدرجات كان جيت جده لو مشي لكن انا عارفه انو لا حيات لمن تنادي
بس انا اتمنى الحين يعدلون النظام عشان نعوض الترم الجاي اما الي راح خلاص معاد فيه فايده حتى النقاش فيه
وانتو وسعو صدوركم وانسو وتمتعو بالاجازه

[University girls]

انا رحت امس ورحت اليوم والله ما استفدت شئ غير درجة الدوري الثالث واليوم رحنا للعميده كلمتنا السكرتيره قالت صوتكم وصل للمسؤلين انا مابيدي شئ يمكن يتغير النظام الترم الجاي وقالت الي تبغى تراجع ورقة الاختبار النهائي يجي اول اسبوع في الترم الثاني وقالت مافي شئ اسموا ينجحوكم يمكن انتوا ماتستحقوا النجاح وقالت روحوا ل د/ باديه رئسة معهد اللغه ورحنا ومالقينها كلمتنا السكرتيرة وما اعطتنا وجه قالت كلوووووووا عند البنين انتو كيف تفهموا .
يعني لو رحنا بكرا نفس الشئ اصلا ماعندي موصلات انا اجي واروح بالباص وخلاص انتهى دوامهم.
اتوقع انو النظام راح يتغير الترم الثاني هو هذا الي راح يصير بس