رايكم بجدولي..^^

[Miss Hiruma]

السلام عليكم ..

بنات الله يسعدكم ابغى رايكم بجدولي..

تنظيم ايض, مصطلحات, تحليلية, هرمون, مناعه, ثقافه 3

15 ساعه ايش رايكم تنفع المواد هذي مع بعض؟

ماابغى آخذ حاسوبيه لين اتاكد من الماده كيف ..

مايكرو ابغاها لما تصير المعامل انجلش فاجلتها ترم..مممم

بالتوفيق..(^ــ^)d

[R-Kh]

بس عندك معمل واحد
اشوف لو تزيدي مادة بمعمل احسن
//
المايكرو ترى معملو اغلبو انجلش
والله سهل ، كلو صبغ وكدا
خديه واتوكلي عالله
..
:)

[Miss Hiruma]

ليه معمل واحد!! معملين

حق تحليليه ومناعه

والله صراحه مليت من البايو طفشت ابرتاح ترم خخخخخ

[مياسة العود]

مره حلو معمل المايكرو وغالبا تخلصي بسرعه وأسألته سهله

وحتى الماده حلوه دحين لانك اساسا اسماء المايكرو بتاخديها انجلش والباقي الكلام عربي

يعني مالك ومال الانجليزي في الكلام الشرح خديها دحين قبل لايغيروا المنهج ويخلو انجليزي

مناعه فيه معمل!!!!

[Miss Hiruma]

انا ابغى المايكرو بالانجلش صحيح العربي اسهل

بس والله احوووس ما اقدر اركز بالعربي>< يفصل مخي خخخخ

ايوه شككتوني بنفسي فيه معمل للمناعه !!

[batbot]

طيب ليه ما تاخذي فيزيائية
بدل هرمون او مصطلحات
عشان بعدين لايصير عندك ضغط معامل

[R-Kh]

معليه معليه
صح المناعة لها معمل
..
:)

[Dr-Bro0r]

انا اشوف انك تحطي زي ما قالتلك batbot
عشان الترم الي بعده لا يكون عندك ضغط
وبالتوفيــق :)

[Miss Hiruma]

الفيزيائيه تعارض مع مناعه ولو حذفتها واخذت فيزيائيه نفسها

ماكاني سويت شي

رايكم اخذ فيزيائيه بدل مناعه؟



احس اني مرتاحه للجدول بس خايفه اورط البنات معي ><

يعني كيف المواد صعبه ما تمشي مع بعض ؟

[batbot]

تنظيم مع سهيره مررره سهل
بس حاولي تجيبي اسئلة العام لانها تكررها

تحليلة مع هالة سنبل مرره روعة دي الدكتوره انا اذت معاها جينرال وصحباتي
اخذوا معاها تحليلي مرره حلو اسئلتها في الفاينل كانت اختياري بس معملو شوية طويل

اما هرمونات انا مااخذتها بس اسلوب دكتورته حلو والماده تعتمد ع الحفظ

اما مناعة ومصطلحات انشاءالله رح اخذها ده الترم

واذاتعارض الفزيائية مع المعمل تبع المناعة غيري المعمل

وبالتوفيق