احياء محتاجه

[ثورية]

كيف تطلعوا عروض البوربونت من فين؟ قولوا مرره محتجاه دحين

[Kaira]

في مواضيع كانو حاطينها الأعضاء ^^
ودي بعض الروابط :

http://www.skaau.com/vb/showthread.php?t=150001

http://www.skaau.com/vb/showthread.php?t=156047

تلاقي كل إلي تبغيه ^^

[Kaira]

دحين أسأل أنا كمان في الأحياء أشتري كتاب ولا لأ ؟؟
الدكتورة قالت نشتري الكتاب عشان في زي الفايل معاه وكود وباسوورد ومدري ايش وموقع ندخل عليه
عشان ندرب على أسئلة ورسمات
ولا بس التست بانك يكفي خلاص ؟؟؟ والرسمات إلي في التست بانك نفسها تجي ولا تتغير ولا كيف ؟؟
لأني خوفت من هرج الدكتورة اليوم ><

[تفاصيل]

المشاركة الأصلية كتبت بواسطة kaira دحين أسأل أنا كمان في الأحياء أشتري كتاب ولا لأ ؟؟ الدكتورة قالت نشتري الكتاب عشان في زي الفايل معاه وكود وباسوورد ومدري ايش وموقع ندخل عليه عشان ندرب على أسئلة ورسمات ولا بس التست بانك يكفي خلاص ؟؟؟ والرسمات إلي في التست بانك نفسها تجي ولا تتغير ولا كيف ؟؟ لأني خوفت من هرج الدكتورة اليوم ><

نصييحة لاتشتري والله ماتستفيدي منه ابداً ، الاحياء يعتمد اعتماد كلي على التست بانك وحتى الرسمات تجي نفسها مايتغير فيها شي بس من باب الحرص نفس الرسمة اللي قي التست بانك نذاكر جميع البيانات اللي عليها مو بس البيان المحدد في السؤال ..
و طبعاً عشان تفهمي التست بانك وتحفظيه لازم تذاكري السلايدات اللي تشرح منها الدكتورة قبل الاختبار بفترة عشان ماتلخبطي بيين الاسئلة لازم تكوني فاهمة ..
و بالنسبة للكود اللي مع الكتاب ، هو موجود عشان ندخل الموقع المخصص بالكتاب و نحمل السلايد والتست بانك و هذا الشي مو ضروري لانه كلها موجودة هنا في المنتدى ..

بالتوفيق ياعسسل ،،

[لكبريائي روآآية ~~]

سلااام ..
لا ياقلبي مايحتاج تشتري الكتاب ولاشيء ..

الاسئلة كللها بتجيكي من التست باانك وبس ..

حتى الرسمات تجي نفسها اللي في التست باانك

وبس ..

دعواتك ياحلوة ..

[Kaira]

يسلمووووووووووو ياقماري والله ريحتوني مرة ^^
ايوة يعني أزاكر السلايدات وأنا خلاص حملتها من أول والحمدلله وكمان دكتورتنا تقول انو حتنزل حقتها في الويب سايد حقها لأنو عدلت فيها شويات بدل ماكان العربي مترجم تحت الانجلش خلت الكلام العربي عاليمين والانجلش عاليسار ..
بس مو مشكلة هية قالت لو نقرى السلايدات كم مرة أول بأول ونزاكر التست بانك حلو صح ؟؟

مرررررررررررررة يسلموووو يا عسلة لكبريائي و يسلمووو ليكي يا عسلة تفاصيل
والله يوفقكم يارب ويوفق الجميع ..

^______^

[تفاصيل]

بس مو مشكلة هية قالت لو نقرى السلايدات كم مرة أول بأول ونزاكر التست بانك حلو صح ؟؟

ايوهـ صح علييكـ ، كذا تمام وفالك الفل مارك ان شاء الله ..

[أبو كلبشة]

خسارة كان عندي كل شي يخص خطة ب


لكن مسحتها


اتمنى من الباقييييين يفيدونك


تقبلي مروري