القبول وتخصص التمريض - عنوان معدل مخالف

[doriaah]

السلام عليكم...
انا طالبة في الثانوية العامة جبت نسبة في ثاني ثانوي 85%
وفي ثالث الترم الاول 95% وباقي اختبار القدرات والتحصيلي ونفسي ادخل تمريض
في جامعة الملك عبد العزيز..
س1/كم النسب المطلوبة لهذا القسم؟؟
س2/والسنة التحضيرية شاملة لجميع بنات العلمي ولا في سنة تحضيرية خاصة للاقسام الطبية
(التمريض)؟؟؟
س3/وبالنسة للسنة التحضيرية ماهو الزي اللي يلبسونة يعني لاب كوت وبنطلون ولا تنورة وبلوزة عادية؟؟
س4/ماهي الاحسن جامعة ام القرى ولا الملك عبد العزيز؟؟؟
*وكل وحدة سنة تحضيريه في جامعة الملك عبد العزيز تقول كم نسبتها اللي تبغى تمريض*

[● ά7Ļά şùģάя ●]

- بكل صرآحة
النسب مقارنة لبنآت جآمعة الملك عبدالعزيز
تعتبر متوسطة نوعاً مآ
لآزم تشدي حيلك أكتر في الدرآسة دآ الترم


طبعن النظآم الدرآسي في الجآمعة في تحديث مستمر
لكن ع سنة 1429 - 1430 هـ
وأعتقد مآزآل ع ذلك في طريقة القبول
نسبة الثآنوية العآمة عليهآ 50%
والقدرآت 25% والتحصيلي 25%
وحسب النسبة الموزونة النآتجة يتم قبولك في الجآمعة "سنة تحضيرية"
للسنة التحضيرية مسآرآت وبمآ إنك تبغي التمريض رآح تختآري "مسآر علمي"
ع سنتي وقفت النسبة الموزونة عند 85 إنتظآم و 83 إنتقآلي
وبذلك إنتهى دور شهآدة الثآنوية العآمة والقدرآت والتحصيلي


بعد درآسة السنة التحضيرية
وتجآوز الموآد في ثلآث أترآم ع الأقل
حسب النسبة الموزونة لهذه السنة يتم تسكينك في الكلية المرغوبة
ع السنة المآضية وقف القبول في التمريض بنسبة 82

- السنة التحضيرية
سنة إجبآرية ع جميع الطالبات في جميع الأقسام الطبية والعلمية والأدبية
كلنآ بندرس فيهآ نفس الموآد
مو خآصة لتخصص معين


- الزي المعروف
تنورة وبلوزة
لكن بعد القبول إن شآء الله في كلية التمريض
عآدي بنطلون وبلوزة ولآب كوت
وفي المستشفى سكرب أبيض وطرحة بيضآء


- في نظري الدرآسة في جآمعة الملك عبدالعزيز أفضل وأكثر تطور
لكن الفرق بيننآ وبينهم إنو مآعندهم سنة تحضيرية حتتخصصي ع طول
ع حسب نسبة الثآنوية العآمة والقدرآت والتحصيلي
ومع ذلك بيقبلوآ معدلآت عآلية ومعقولة

[nona2009]

ازا تبغى تمريض فنصحتي تقدمي على كليه التمريض جامعه الملك السعود الحرس الوطني في فرع في جده اول ماتتخرجي تشتغلي في مستشفى الحرس بدل ماتدخلي تحضيري في جامعه الملك عبد العزيز وماتجيبي المعدل اللي دخلك تمريض واللي كاتبوا ربنا هو اللي حيسير

[سحـــر]

الله يوفقك يـــارررب..وانشووفك من طالبات عبد العزيــز...
وابذلي كل الا تقدرري علـــية ورربنا ماررح اضيع تعب احــد..
ولا تعتمدي على نسبنا ومعدلاتنــا..وتتهاونــي,,"هذا اذا جيتي عبد العزيز"..
لان النسب شيء مو ثــابت ولا تستلمــــي ابدا ابـــــدا مهمـــا...كــان..
وفي اي مكان تنقبلي في هذا العــالم..اثبتي نفســك....
لاازم نوصل بالتمرريض الى القمــة

[doriaah]

شكرا على ردودكم اللي تريح القلب
نونا هل تعرفي موقع لجامعه الملك السعود الحرس الوطني في فرع في جده

[doriaah]

وسؤال ثاني..
كيف طريقة التسجيل في جامعة الملك سعود بجدة (الحرس الوطني)
وايه النسب الموزونة اللي يطلبونها لهذه السنة
وفين موقعها لانه سمعت انه الاولوية لبنات اللي ابوهم كان في الحرس الوطني وهل المبني الجديد هو اللي عند مستشفى الملك خالد للحرس سموها بااسم ثاني بس مو فاكرة لانه احنا قريب منها وشكرا مرة اخرى والله يوفقكم كلكم

[nona2009]

انا اعرف انو من شروطهم انو تكون نسبه الثانويه 90 ومافوق هيا دحين موقعها في حي مكرونه بس من سنه جيه حيكونوا في المينى جديد والله يسهل عليك ويختارلك اللي فيه خير
النسيه الموزنه تختلف عن عبد العزيز عندهم التحصيلي40والقدرات 30 والثانويه 30 انا كانت نسبتي في عبد العزيز79 وعندهم 74 بس كنت احطياط ولما سلمت ملفي في عبد العزيزقبلوني انتظام وما قدر اسحب ملفي من جامعه الملك عبد العزيز اسفه كتبتلك قصه حياتي

[doriaah]

لاعادي انا ابغى وحدة تحكيلي قصة حياة حياتها لاني مرة مااعرف حاجة ولاعندي احد يعلمني و انتي من خريجات العام
او لا وكيف طريقة التسجيل ابغى اعرفها من طقطق للسلام عليكم..