ايش رايكم بالمشرفات الشؤون

[ngood]

مساء الخير يابنات

صحيح انه انظمة الجامعة تخنق مررره بنطلون ممنوع تنوره قصيرة ممنوع ماادري ايش كمان ممنوع بس في موظفات شؤون تعاملهم مرره ذووق انا مره صارلي موقف مع وحده من المشرفات
كان عندي مشكله رحت دخلت قاعة وطفيت النور وجلست ابكي كنت منهارة وشويه تدخل المشرفه وتفتح الانوار ولما شافتني انفجعت وجات تسالني ايش فيكي قلتلها مرره تعبانه وقالت لي تحتاجي
اوديكي الادارة الطبية قلتلها لا بس متضايقة شويه حزنت علي وخلتني مع انه ممنوع الجلوس داخل القاعات وشويه ترجع وتجيبلي فطور من حسابها المسكينه وتجيبلي مويه ومناديل وتحاول تهديني
وتقولي مافي شئ يسوى وعليكي بقراءة القرأن والدعاء مرره حسيت انها اختي وقالت اي شي تحتاجيه كلميني جلست في القاعة للييين ماريحت من جد انا كل ماشفتها ادعيلها يعني في مشرفات
صراحة اسلوب راقي وتعامل كويس
كل وحده تحكي مواقفها مع الشؤون ومن احسن مشرفة اتعاملت معاها؟

[.,.نيــــــــــــــــــــران.,.]

مساء الورد

يعجبني طرحك للناحية الايجابية في الشئون :) أشكرك جزيل الشكر

هم ناس يحاولون التنظيم جزاهم الله خير ، وفي منهم الكثير أسلوبهم حلو ومهذب وتوجيهي

أرق التحايا

[سوسه نوسه]

والله ماجربت واحده صاحيه

بس اهم شي الدنيا فيها خير مره جات واحده عندي ماقصرت اعطتني تهزيئه خلتني واحده هبله قدام البنات طالعت فيها والله قهرتني دورت عليها مالقيتها لانو بجد نفسي اوريها شغلها بجد قهرتني قهرتني قهرتني الله يسامحها تتكلم من فووووووووووووووق خشمها وتهزئ مو طبيعي طالعت فيها باين من شخصيتها الحقيقيه غبيييييييييييييييييييييييه مره باين كان بس والله ماكنت فاضيه لها لانو كان وقت الصلاااااااااه بس الله واكبر على كل واحده تتسلط عليهم

[المحاسب القوي]

بكل مكان فيه السيئين والصالحين

انا استغرب من اللي يعممون على ادارة الجامعة او الاساتذة انهم سيئين عموماً ..

ولما تسمع كلام انسان زي كذا اعرف ان السوء نابع من نفسه وليس من حوله ..

[روووني]

انا صراحه كنت اكرههم كلهم ومازلت اكره اغلبهم بس فيه كم واحده ماشاءالله عليهم

مره اختي كانت تعبانه مرره ودقت على السواق عشان يجيبها وشافتها وحده منهم وكان اختي جوالها كاميرا وسمعتها وهي

تقول للسواق تعال الجامعه بسرعه انا مرره تعبانه فجاتها وقالتلها ايشبك حبيبتي تعبانه تعالي معايا واختي وقتها كانت

دايخه قامت دخلتها واحده من الاستراحات واشترتلها مويه واستنتها لين جا السواق وولا اخدت جوالها وكانت مررره

زووق معاها واعتقد ازا ماكنت غلطانه اسمها عبير العمري

[سوسه نوسه]

يابطه عبير العمري هذي تدرس انجليزي للسنه تحضيري درستني قد ايش عسل ماراح انساااهااااااا طووووووووووووووول عمري دايما اتذكرها عسل واخلااااااق بشكل موووطبيعي ربي يسعدهاوييييين ماااااراااااااااحت وربي يرزقها وين ماراحت لانها فيها توااضع وطيبه لايعلم فيها الا الله لاني بجد ماقد شفت زي هالانسااااااااااااااااااااانه ربي يسعدك ياعبير العمري ويوفقك وين مارحتي يااااااااااااارب

[miss lulu]

انا مريت بتجربه معاهم في اللي تنصحك وتمشي " لو كان معاك جوال بكاميرا/او لابسه بنطلون"


وتبتسملك اذا ابتسمتي الا لو كنت فاضيين تسولفوا مع بعض ^_^


وفي بس اللي تحسها تدور البطايق ما تصدق تلقالها وحده مخالفة ^_^

[missme]

و الله إنت اش رأيك ؟!

[منولة]

يمنع كتابة اي مشاركة تتعدى او تؤذي فئة معينة سواءً كانت فئة دينية او اقليمية ويجب الإلتزام بالأدآب العامة وعدم التلفظ بأي الفاظ بذيئة أو الفاظ غير لائقة ومسيئة للآخرين و إن تعرض لك أحد الأعضاء فـ عليك بإبلاغ الإدارة عنه , وليس مجاراته في الحديث .

النظام العام لمنتديات طلاب وطالبات جامعة الملك عبدالعزيز

[نبض حياة!]

أكيد فيه جوانب مضيئة والمفترض أننا ننشرها ..
تمنيتك تكتبي مشاركتك في موضوعي "اليتيم" المثبت في أعلى القسم .