كيف اختبار الادارة العامة 101 معكم

[أبو طلال22]

اول شي باركوا لي خلصت كل المواد اللي عندي بس مااقدر ارجع للرياض لين تخلص زوجتي امتحاناتها

انا كان نموذجي (ج) وكان سهل الحمد لله حاولت انه يكون نموذجي (ج) لاني مذاكر النموذج (ج) للترم اللي راح وجت نص الاسئله تقريباً منه

كيف انطباعكم عن الاختبار ان شاء الله تمام

[أبو سليمان]

والله انهم قروشونا في بداية الامتحان داخل القاعة

راحت نص ساعة ويقولون اللي نموذجه ب ينتقل في الجهه المقابلة واللي نموذجه ج يروح هنا ووووو

واخر شي جانا واحد طلع نصف اللي بالقاعة برا وقال روحوا دوروا فصول عشان الزحمه وشوي وهم

راجعين ما لقوا قاعة فاضية ورغم التوتر اللي بالصالة والخوف من الماده الا اني شفت انها أسئلة سهلة

وفيها نوع من الصعوبة والحمد لله ان شاء الله فوق 80

[قيادي]

المشاركة الأصلية كتبت بواسطة أبو سليمان والله انهم قروشونا في بداية الامتحان داخل القاعة راحت نص ساعة ويقولون اللي نموذجه ب ينتقل في الجهه المقابلة واللي نموذجه ج يروح هنا ووووو واخر شي جانا واحد طلع نصف اللي بالقاعة برا وقال روحوا دوروا فصول عشان الزحمه وشوي وهم راجعين ما لقوا قاعة فاضية ورغم التوتر اللي بالصالة والخوف من الماده الا اني شفت انها أسئلة سهلة وفيها نوع من الصعوبة والحمد لله ان شاء الله فوق 80

أجـــل أنت معي يابو سليمان في قاعة " المسخرة "

والله اليوم قمة المسخرة والإنحطاط الأكاديمي << للأسف

أربشوا الطلاب . . ولخبطوا أفكارهم ... والسبب

دكتور يدرس التنظيم << وهو جاهل بمعنى مصطلح تنظيم

أنا الحمد لله كانت أموري كويسة . . بس الطلاب اللي قالهم اطلعو برا

حسيت الدنيا انصكت بوجيههم . . وكأن لسان حالهم يقولون " وين نروح "

لا . . وناهيك عن الأسلوب الأكاديمي الراقي في التوجيه

يأشر على جهة ويقولهم " الصف اللي هنا يطلع برا . . يدور له قاعة ثانية "

بدون مقدمات ولا تدرج بالتوجيه . . اطلعو برا شوفولكم قاعة ثانية

ياشيخ والله لو أنهم جاااايين بجامعة أبوك . . ياخي أحترم الطلاب وقدر مشاعرهم

لكن للأسف ما نقول الا . . من أمن العقوبة أساء الأدب



تحياتي ...

أستغفر الله من كل ذنب عظيم

[مشاريـ]

من جد اليوم المراقبين قلق
لدرجة ان اللي حوالي شالوهم لانه شفتهم يكتبون عالطاولة
قلت ياشباب ما يحتاج انا بحل على ورقة الاسئلة وانتم وشطارتكم بس كيف النظر ........!100%
بس ربع ساعة كلهم شالوهم عني جلست لحالي وخلصت وسلمت الورقة
بس فيه بعض الاسئلة شوي ملفوفة ...
وبالله التوفيق

[عيوني حزينه]

الاسئلة اليوم مره مره سهله يارب وفق ويسر باقي المواد

[عبدالـعزيز]

بالتوفيق للجميع بالنسبة لي انا نموذج ب والحقيقه كان الاختبار صعب والحمد الله حليت بس ماتوقعته راح يجي كذا

[حمودين]

انا كان نموذجي أوالحمدلله كان زين

[تاكسي2005]

ياشباب النماذج نفسها بس ملخبطينها

[ياعين أبوي]

بصرااااااااااااااااااااحة الاختبار شوي فيه لف ودوران وللمعلومة الاسئلة نفسها بس لمخبطينها ..
التنظيم كان سئ لدرجه كبيره و فوضى بشكل غريب اول مره اشوف كذا ...
بس ان شاء الله نجيب درجة النجاح وبسسسسسسسسسسسسسسسس

[اياد الشهري]

المشاركة الأصلية كتبت بواسطة أبو طلال22 اول شي باركوا لي خلصت كل المواد اللي عندي بس مااقدر ارجع للرياض لين تخلص زوجتي امتحاناتها انا كان نموذجي (ج) وكان سهل الحمد لله حاولت انه يكون نموذجي (ج) لاني مذاكر النموذج (ج) للترم اللي راح وجت نص الاسئله تقريباً منه كيف انطباعكم عن الاختبار ان شاء الله تمام

ابو طلال انا كان نموذجي (ج) كانت اغلب الاجابات صح 60% صحيح لاني حسيت اني فوت شوي لان كان علي اختبار قبلها ثقافة اسلامية تكفى طمني :)