سؤآآآآل..؟؟

[rich girl]

الســــلام عليكم ..
كيف الحال؟؟ عندي سؤآآل صغنوون؟؟
دحين لو ان شاءالله اتخرجت من كليه الصيدله اتخرج دكتوره صيدلانيه ولا صيدلانيه عاديه ؟؟ لانو انا سمعت انو اتغيرت الخطه ومدري ايش ..
ممكن لو احد متأكد من الخبر يقولي؟؟!
وشــــــــــكرا..

[سمران]

ياليت اعرف اقولك

[rich girl]

مو مشكله اخوي سمران..ان شاءالله احد تاني يقدر يفيدني..
ومشكوور ع الرد ^_^

[super mo6awa3]

حبيبتي الفتاة الغنية .. انتي لما تتخرجي من كلية الصيدلة بجامعة عزوز حتكون معاكي شهادة دكتورة صيدلانية (يعني شغلك المفروض يكون في المستشفى تراجعي المرضى وتتابعي الخطة العلاجية لهم) .. لكن عندنا في السعودية مافي وظيفة اسمها دكتور صيدلي أو دكتورة صيدلانية لأن وزارة الصحة مقسمة الصيادلة إلى
صيدلي , صيدلي أول , صيدلي استشاري
فمافي من بين هذي الفئات الثلاثة شي اسمه دكتور صيدلي .. فلما تتخرجي مح تلاقي وظيفة على قد مؤهلك فبالتالي حتضطري انك تقبلي بوظيفة أقل شوية من مؤهلك يعني حتكوني صيدلانية عادية (بالعربي حتبيعي في الصيدلية حقت المستشفى) بصفتك صيدلي أول بس راتبك حيكون يفرق عن اللي معاه بكالوريوس لأنو شهادتك فارما دي (دكتورة صيدلانية) مو بكالوريوس (يعني اذا انك مصرة تشتغلي في مستشفى مالك مكان غير الصيدلية) أو انك تشتغلي في مصنع أو هيئة الغذاء أو في أماكن كثيرة غير المستشفى
لكن اذا كنت مصرة انك تشتغلي في المستشفى بالشكل اللي تراجعي المرضى وتتابعي خططهم العلاجية لازم تكملي سنتين رزدنسي بعد التخرج عشان تصيري صيدلانية استشارية وبكذا تقدري تشتغلي في المستشفى زي ما قلتلك

وفيه أنباء تتوارد انو عمداء كليات الصيدلة في المملكة يحاولوا بشدة مع وزارة الصحة انهم يرفعوا مستوى الصيادلة ويخلوهم على الأقل شبه مساوين للدكاترة هذا اذا ماكانوا مساوين لهم وبإذن الله بإذن الله بإذن الله أنا واثق ان شاء الله انو تقسيم الصيادلة حيتغير خلال السنوات الجاية بإذن الله

[pharm.d .s]

المشاركة الأصلية كتبت بواسطة super mo6awa3 حبيبتي الفتاة الغنية .. انتي لما تتخرجي من كلية الصيدلة بجامعة عزوز حتكون معاكي شهادة دكتورة صيدلانية (يعني شغلك المفروض يكون في المستشفى تراجعي المرضى وتتابعي الخطة العلاجية لهم) .. لكن عندنا في السعودية مافي وظيفة اسمها دكتور صيدلي أو دكتورة صيدلانية لأن وزارة الصحة مقسمة الصيادلة إلى صيدلي , صيدلي أول , صيدلي استشاري

حابة اوضح شيء الفارم دي هيا عبارة عن شهادة تخولنا نسير كلنكيل
لانو الكلنيكل معناه deal with pt
طيب احنا 5 سنين بس نكرف في الكتب متوقعين بين لية وضحاها راح نقدر نحط خطط للمرضى وكدا ونكتشف الاخطاء مستحيل
يعني احنا بنشتغل عادي لما نتخرج لانو احنا مؤمهلين عملينا لازم ندخل برنامج رزدنس عشان نسير مؤهلين لدا الشيء
زي الطب اول ما يخلص انترن على طول يسير دكتور طبعالا
لازم يسير رزدنس ويتدرج لما يسير استشاري
اتمنى تفهمون دي الحتة

[rich girl]

مرررره شككرا اخوي ع المعلومات صراحه من جد جاوبتني ع اللي ابغااه الله يسعدك يارب.. والله انا مررره ابغا اشتغل ف مستشفى من زمااان بس كنت متامله انو اشتغل شغل غير اني اصرف ادويه في الصيدليه ..بس ان شاءالله يارب يطوروا شغلنا زي ماقلت ياارب..
بس جا ف بالي سؤالي بسيط ..اعرف زودتها بس معليش اتحملني شويه ^_^
انت دحين قلت انو في فرق بين شهاده البكاليريوس وشهاده الفارما دي ..يعني اذا دحين انا درست ف الصيدله حتكون اوردي شهادتي فارما دي ولا هيا اقسام يعني وحيكون على حسب القسم الي خشيتو؟؟
ان شاءالله تكون فهمت سؤالي ^_^

[pharm.d .s]

المشاركة الأصلية كتبت بواسطة rich girl مرررره شككرا اخوي ع المعلومات صراحه من جد جاوبتني ع اللي ابغااه الله يسعدك يارب.. والله انا مررره ابغا اشتغل ف مستشفى من زمااان بس كنت متامله انو اشتغل شغل غير اني اصرف ادويه في الصيدليه ..بس ان شاءالله يارب يطوروا شغلنا زي ماقلت ياارب.. بس جا ف بالي سؤالي بسيط ..اعرف زودتها بس معليش اتحملني شويه ^_^ انت دحين قلت انو في فرق بين شهاده البكاليريوس وشهاده الفارما دي ..يعني اذا دحين انا درست ف الصيدله حتكون اوردي شهادتي فارما دي ولا هيا اقسام يعني وحيكون على حسب القسم الي خشيتو؟؟ ان شاءالله تكون فهمت سؤالي ^_^

ياماما الي مايعرف للصقر يشوية
من قال انو الصيادلة يس يصرفوا ادوية على فكرة هما الجندي المجهول في المستشفى واقوى قسم في المستشفى ولو كان على صرف الادوية كانو خلوا اي احد يعرف انجلش ياخد ادوية من الرف ويعطيها للمرضى واصلا اصلا حتى الفارم دي ممكن يصرفوا ادوية في المستشفى عادي مو شيء كبير
لو انتي حابة تدخلي صيدلة يا انستي العزيزة اتمنى انو تكون حابة شغلة صرف الادوية قبل اي شيء
لانو مهما كان معاكي من شهادات ما راح تفرق في الاخير drug it is your game

[مـــآجد]

^^^
شهادتك من جامعة الملك عبدالعزيز فارما دي
مافي بكالريوس

[rich girl]

المشاركة الأصلية كتبت بواسطة مـــآجد ^^^ شهادتك من جامعة الملك عبدالعزيز فارما دي مافي بكالريوس

شكــرا اخوي ماجد ع مرورك وع الرد ..والله يوفق الجميع
تقبل تحياتي^_^

[super mo6awa3]

أي واحد يتخرج من كلية الصيدلة بجامعة عزوز حيكون معاه شهادة فارما دي .. لأن الكلية حقتنا أصلا مافيها غير قسم واحد اللي هوا الصيدلة السريرية .. وعلى فكرة قسم الصيدلية الإكلينيكية (السريرية) هو القسم الوحيد اللي يتخرج صاحبه بشهادة فارما دي يعني دكتور صيدلي .. والحمدلله انو في عزوز ما في غيره

وعلى فكرة مو كل كليات الصيدلة اللي في المملكة فيها نظام الفارما دي ..
في كليات في المملكة فيها نظامين فارما دي (دكتور صيدلي 6 سنوات دراسة) وبكالوريوس صيدلة (صيدلي عادي 5 سنوات دراسة) زي جامعة أم القرى ..
وفي جامعات فيها بس بكالوريوس صيدلة مافيها فارما دي زي جامعة الملك سعود ..
وفي جامعات مافيها غير الفارما دي زي جامعتنا الحبيبة عزوز


إن شاء الله أكون أفدتك وأي سؤال انا حاضر
^____________^