انت في العمل وحصل لك هذا الموقف ماهو تصرفك بالزبط ؟

[علي العسيري]

صباح الورد للجميع ,,

موقف يتكرر واتمنى تفيدوني بارائكم القيمه ولاعدمتكم جميعا ..
/
/
/
/
/


عشان ندخل في الموضوع بسرعه ودي ناخذ كم سؤال وبعدين نتناول الموقف :


اولا: صف لنا شعورك لما يقولك موظف حكومي في اداره حكوميه ( لاتتعب نفسك وتراجع معاملتك هذا رقم السنترال تبعنا اتصل واحنا بنخدمك ؟ <<<<<<<<<<تصدقه والاتعتبرها اقرب مخرج

ثانيا : هل تستانسون حينما تتصلون بسنترال احدى الادارة الحكوميه ؟<<<<<< كم من الوقت تتوقع بقائك ؟

الثالث : ماهو نوع العصير الذي تفضل ان يكون على الطاوله او حتى على السرير امامك وانت تتصل على الخطوط السعوديه لاجل انها حجز لرحله داخليه ( لاحظ داخليه ؟؟ )




انتهيتو من الاجابه على الاسئله الي فوق ::

الحين اعطيكم الموقف ( واتمنى كل عضو او عضوه يدلي برايه الصحيح المجرد في الموضوع لو هو مر عليه ذا الموقف :

الموقف :

وانت في العمل اثناء الدوام كنت جالس مع زملائك في المكتب وسوالف وضحك وهاك وهات قبل نهاية الدوام بساعه تقريبا اي بعد الواحده ظهرا ثم فجئه يرن تلفون المكتب وترد ( طبعا عشان تكون الصوره واضحه للجميع انو المكالمه واصله لمكتبك بالغلط يعني المتصل ضرب رقم تحويله عشوائي )

انت: الووو مرحبا :

المتصل :السلام عليكم <<<<<<<<<<<<صوت انثوي خالص
انت : وعليكم السلام
هي : اخوي ممكن تخدمني وتبداء هي في الدعاء ( الله يرحم والديك ويحفظ لك اهلك وعيالك وتبداء تعطيك معاناتها وقصتها مع معامله لها في قسم اخر من نفس ادارتكم وتبداء تعطيك من الشكوى انهم مايردون عليها والسنترال دائما يقوم بتصريفها او حذفها لاي تحويله عشوائيه عشان يتخلص منها وووو الخ ..... فتشتعل عندك الانسانيه وتقول لها ابشري خلاص انا راح ابحث عن معاملتك واشوفلك اخر اجراء والمتبقي عليها او يمكن صدرت الى جهه ثانيه .... الخ!!!!!

هنا تبرز المشكله تقولك هي: ( ولكن اخوي الله يحفظك يارب ويكثر من امثالك انا عجزت من سنترالكم هذا والله يضيع يوم كامل وانا اتصل وهو علطول مشغول واذا مسك الخط يحولوني على تحويله في وادي و يصرفوني وعلى هالحال وانا مافيني حيل كل يوم اراجع عندكم ......

تقولها انت : طيب هذه تحويلة مكتبي سجلي رقم كذا كذا كذا ............ تقاطعك تقول والله انا يئست من حاجه اسمها سنترال وتحويلات انا تعبت (((( اخوي ممكن اعطيك رقم جوالي وتردلي خبر الله يرحم والديك ))))

في هذه الحاله ماذا تصنع : هل تاخذ رقم جوالها وتفيدها ؟ ام انك ستتشدد وترفض وتقولها اقصى ما اقدر فعله هو اني افيدك عن طريق تلفون العمل ؟ او عليك بمراجعتنا بنفسك ؟؟؟؟

[Aowedh Alsolmi]

شوف وانا اخوك عيال الحرام ماخلوا لعيال الحلال شيء ..

هي ممكن تكون صادقه وهذا الأقرب وومكن تكون كاذبه لانهاء معاملتها ..

بس بيني وبينك ماراح اخذ رقم جوالها يكفي اني بخدمها في قسم ثاني ليس من اختصاصي ..

بارك الله فيك .. وسترنا الله بستـره ..

[علي العسيري]

مشكور اخوي طالب موهوب على مرورك وردك الجميل

بالنسبه للمصداقيه ان كانت صادقه اولاء فاللحالات الي مرت معي وهي ثلاث حالات كانو كلهم صادقين فعلا ,,

اما بالنسبه لخدمتهن في قسم اخر غير اختصاصي فانا فكرت اني اتمنى ان اجد من يخدمني بمثل هذا العمل في بعض

المراجعات وانت تعرف تعقيدات بعض المراجعات وانها تحتاج بالاساس لمعرفه وكوني امون على الزملاء في الاقسام

الاخرى فلامانع لدي ان اقدم مثل هذه الخدمه حتى وان كانت من غير اخصاصي ,,

اما موقفك من رفض اخذ جوالها فهو نفس موقف غالبية الزملاء وهذا امر اختلفت معهم فيه ولكل واحد وجهة نظره وهذا

ماجعلني اطرح هذا الامر للمناقشه هنا واخذ ارائكم ,,

ولك اطيب تحيه ,,

[JuStice]

.

عن نفسي ,

إذا كانت أقدر فعلاً أخدمها .. فـ عادي آخد رقمها ولما تنتهي معاملتها أبلغها وخلاص ,

أما إذا كانت الحالة دي بتتكرر كتير في العمل وكل وحدة تتصل تحكي حكايتها وتبغاني آخد رقمها وأفيدها بعدين

فـ هنا راح أرفض وأكتفي بإفادتها من تليفون العمل أو تراجعنا

.

[طالب طب في المستقبل]

انا اشوف عادي اعطيها الرقم لكن بحدود

مثلا تدقي عليه وقت الدوام فقط وزي كذا

كن رسمي جدا واذا خلصت المعامله حقتها

امسح الرقم من الجوال وصلى الله وبارك

او مثلا تخلي جوال للعمل فقط ماتفكه الا وقت الدوام

هي وجهة نظري

اخوكم طالب طب في المستقبل

[مجبور اوادعها]

ايا علي - عجل الله فرجك -

بما ان المتصل انثى، ناخذ رقمها على الرحب والسعة

الدولة ما حاطتنا في وظائف، الا عشان نخدم المخلوقات << جحد المخاليق

وفتك بالعافيـــــة

[أحـمـد ظـافـر]

انا رآح أعرف إذا كآنت فعلا محتآجه أو لا

اما لو كل يوم تطلع لي وحدهـ اكيد لا .

[علي العسيري]

المشاركة الأصلية كتبت بواسطة never hide المعاملات و ما أدراك مالمعاملات الحكومية ... بصراحة اتعاطف مع هالمراءه لأن هناك سيدات ارامل او مطلقات و ما عندهم من يقوم بالتعقيب على معاملاتهم و ما ألوم تصرفها مع بعض التحفظ و لو اني ما أحب اسلوب الاستجداء لا تنسو أن الدوائر الحكومية غالبا ما فيها قسم لتسهيل اجراءت المعاملات للسيدات و كبار السن و من سعى في حاجة مسلم سعى الله في حاجته .. و اشوف انه عادي لو بتساعدها لو تقدر و اذا ازعجتك او خلصت معاملتها احذف رقمها شو المشكلة يعني احسنو الظن بالناس و صفو قلوبكم من التوجس و الريبة ... و اللي يخاف على نفسه فالباب اللي يجيك منه الريح سده و استريح منت مجبر تعمل شي مو شغلك.

الي مر علي انا شخصيا 3 حالات والحمد لله كلها كانت على الجرح ,,

شكرا لك ,,

المشاركة الأصلية كتبت بواسطة adss_11 انا رآح أعرف إذا كآنت فعلا محتآجه أو لا اما لو كل يوم تطلع لي وحدهـ اكيد لا .

اشكرك على ابداء رأيك

يعطيكم العافيه جميعا ,,

[لقيت روحي]

اعتذر منها وبكل بساطة ..

ممكن تزعل وتسب >متوقعة ..

لكن هذا التصرف الصح ..

ولا اقولك قولها انتي داقة على وزارة الاوقاف

والدعوة ..

هي من نفسها تقفل

[ابو فراس المدني]

اولاً الله يعطيك الف عافيه
على نقاش يمر علينا بصفه إسبوعيه تقريباً
وبالفعل مشكلة لابد ان يكون لها حل ...
بالنسبة لي مريت بهذا الموقف أكثر من مرهـ
وأنا ولله الحمد دائماً لو كان لأي معاملة مراجعه
فأول شي احب أخفف على المراجع بعناء وجهد القدوم
الى الإدارة فإما أعطيته تحويلة المكتب , ولكن هذه الكثير يظن
إنها تصريفه فحينها يُصر عليّ بأخذ رقم جوالي , فحينها
لاحول لي ولا قوة خاصة اذا كان المراجع كبير في السن
فإذا كان هذا الموقف من إمرأهـ سأتعامل معها بنفس طريقة
الرجل , وحدي وحدها المعاملة لإني أنظر لها من منظور
لو كان عندها احد يراجع لها ما كان في الأساس أتصلت وأترجت
في هذا الوقت تكفيني دعواتها , وربما انه مراجعتي لها في قسم آخر
يغطي على تقصيري في أداء عمل لم أقوم به بالوجه المطلوب
ففي كل الأحوال ( إنما الأعمال بالنيات )
يعني كلٍ ونيته ...
ختاماً
أشكرك عزيزي علي على فتح هذا الملف , ونتطلع لمزيد من الآراء ...