استفسار بشأن الابتعاث الداخلي >ضروري

[dr.cool]

السلام عليكم ورحمه الله وبركاته

كيفك إن شاء الله بخير

اول حاجا مبرووووك على طلاب الثانويه الي تخرجوو وعقبال كل واحد وحلم حياتو >>انا اولهم هههههه

المهم طبعا كلنا سمعنا عن الابتعاث الداخلي وما يخفى عليكم انه يعني فتح فرصه كثيره جدا


طبعا انا من الناس انشا الله الي مقدمين عليه عشان ابغى افتح خياراتي لا اكثر لانه بصراحه >>مين يدري ايش يصير

وانا انشا الله راح اقدم على كليه البترجي وابن سيناء الطبيه >>يعني حلمو طب بالعربي

هههههههههه

بس حبيت اسأل كم سؤال اتمنى احد يساعدني

اول حاجا قرأت من شروط الستجيل الي يبدأ طبعا 1/9/1431

انو طبعا لازم يكون و(اقتبس)

أن يكون الطالب مسجل في احد الجامعات والكليات الأهلية المشمولة في برنامج المنح

ايش قصدهم يعني اسجل في الكليات ؟؟

طيب كيف اسجل دخلت على الويب تبعهم مافي مكان مكتوب ريجستر

بعدين كمان بيقولو

لازم يكون مسجل في النظام اذا كان مسجل اول مرهـ >>ياعيني

اي نظام دا مافي خانه في موقع التعليم العالي كولو مكتوب تسجيل

ودا هوا الرابط للي حاب يسجل او يتاكد من كلامي

http://grants.mohe.gov.sa/faqs.aspx

على العموم اتمنى تساعدوني وتفهموني النقطتين دي


وسلاااامتكم

[lujain.alsagh]

انا كنت مسجله بالسنه الي راحت

التسجييل انك تروح لنفس الكليه الي انت تبغاها مسلا البترجي وتسجل

تقلهم انا مقدم بالمنح الداخليه وكدا وكدا وكدا وابغا اسجل

بس هما وقتها راح يفهمووك ويقولك كل شي

وعلى كل الكليات بينطبق
بس لعلمك المنح الداخليه بتدفعلك فقط 40الف ريال والكليات الطبيه اقل شي فيها 50 الف ريال والباقي انت تدفعو

فانا اقلك على برنامج ماهر من الموارد البشريه مرراا جييد ماعليك غير انك تقدم وتدفع رسوم فتح ملف 1500 ريال بالكليه الي انت تبغاها
ودراستك على حساب الموارد وتخرج تتوظف طواالي <<اتمنى تكون فهمتي بس الموارد تخصصاتها محدوده يعني العام كان تمريض صيدله طب اسنان بس

اسفه لو طولت عليك وسوووري

يارب تكون فهمت

[ǁ غــلأآإ ، رٍوٍحــي ǁ]

أن يكون الطالب مسجل في احد الجامعات والكليات الأهلية المشمولة في برنامج المنح

يقصدوآإ فيه ، إن الجآمعة اللي تبغى تقدم عليها منحه ،/ مثل ابن سينا او عفت او دار الحكمه ... الخ
يكون من ضمن الجآمعاات اللي تقدم منح .. ومسسجل اسامي الجآمعات اللي خاضعه لنظآم المنح الداخليه تحت التعليم العآآلي ^_^

< أتمنى تكون فهمت ...:)

.

[dr.cool]

الف الف شكر لـ L-smoore وغلا روحي والياقوت ما قصرتوو والله


لكن هوما كاتبين في الابتعاث الداخلي انو في تخصص الطب يدفعوو 100% من المبلغ يعني يدفعووهـا كاملا

وتأكدوو من نفس الرابط لاني موش متاكد

بس انا حبيت اختصر موضوع السنه التحضيريه يعني بصراحه انا بتمنى ادخل جامعه الملك عبدالعزيز

وموزني انشا الله يدخلني انتظام

وكمان زي ما قولت انا بقدم في كل مكان عشان اوسع خياراتي وكمان سجلت في كليه الملك فهد للبترول والمعادن >>وانا عارف اني مستحيل ادخلها لكن ليه احرم نفسي يعني

شكراا مرااا ثانيه لكل من رد علي وساعدني

[lujain.alsagh]

100% دي معناتو 40 الف دي المنحه الكامله

بس المنحه الجزئيه 20 الف والباقي عليك

والبترجي الي اعرفو انو الطب البشري اما 70 او 80 الف ريال سنويا

والله يعينك بالتوفيق